Sona.kz

Рубрика: Қазақстан жаңалықтары

  • Хасан Қасымбаевқа қатысты істе тағы бір жәбірленуші пайда болды

    Хасан Қасымбаевқа қатысты істе тағы бір жәбірленуші пайда болды

    Хасан Қасымбаевқа қатысты істе тағы бір жәбірленуші пайда болды. Бұл туралы бірінші жәбірленуші Арман Әлімовтің адвокаты мәлімдеді. 

    Бұған дейін Қасымбаевқа адам ұрлау, денсаулыққа қасақана ауыр зиян келтіру және бопсалау деректері бойынша тергеу басталған болатын. Адвокат Әлішер Әлішевтің айтуынша, Арман Әлімов адам ұрлау мен денсаулыққа зиян келтіру бойынша жәбірленуші болса, бопсалау бойынша басқа жәбірленуші бар. Осылайша, бұл іс аясында екі жәбірленушінің бары расталды.

    Қазіргі уақытта Хасан Қасымбаев уақытша ұстау изоляторында отыр. Адвокаттың айтуынша, күдікті ұйымдасқан қылмыстық топ (ҰҚТ) құру және оны басқару бойынша айыпталмаған. Қазіргі таңда тергеу жалғасып жатыр, ал іс материалдарымен танысу процесі күтілуде.

  • Енді жүргізуші куәлігін онлайн ауыстыруға болады

    Енді жүргізуші куәлігін онлайн ауыстыруға болады

    Қазақстандықтар жүргізуші куәлігін eGov Mobile мобильді қосымшасы арқылы онлайн ауыстыра алады. Бұл қызмет құжаттың қолданылу мерзімі аяқталған, құжат жоғалған, ұрланған немесе төлқұжат деректері өзгерген жағдайда қолжетімді. Қызмет іске қосылғаннан бері оны 7 000-нан астам адам пайдаланды. 

    Қызметтің басты ерекшелігі – бұрын берілген жеке куәлік немесе төлқұжаттағы фотосуретті пайдалану мүмкіндігі. Негізгі шарт – фотосуреті бар құжат соңғы үш жыл ішінде шығарылған болуы тиіс.

    Қызметті пайдалану үшін:

    • eGov Mobile мобильді қосымшасына авторизациядан өтіп, «Қызметтер» бөліміне өту қажет;
    • «Жүргізуші және көлік» бөлімінен «Жүргізуші куәлігін беру» қызметін таңдау;
    • дайын құжатты алатын ХҚКО-ны таңдау;
    • жүргізуші куәлігін ауыстыру себебін көрсету және фотосуретті жүктеу;
    • қолтаңба үлгісін жүктеп, байланыс нөмірін енгізу керек;
    • мемлекеттік бажды төлеу қажет (4 915 теңге);
    • өтінімді Face/Touch ID көмегімен растау қажет;
    • қызмет нәтижесі «Хабарламалар» бөлімінде қолжетімді болады.

    Өтінім мақұлданғаннан кейін жүргізуші куәлігін таңдаған ХҚКО-дан жеке куәлікті және қолданыстағы жүргізуші куәлігін ұсыну арқылы алуға болады. Жаңа құжат берілгенге дейін бұрынғы куәлік жарамды болып қала береді (егер оның мерзімі аяқталмаса).

    Қызмет eGov.kz порталында да қолжетімді. Қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және ҚР Ішкі істер министрлігінің бірлескен жұмысының нәтижесінде іске қосылды.

     

  • ҚМДБ балаларға аяғын уқалатқан имамға ескерту жасады

    ҚМДБ балаларға аяғын уқалатқан имамға ескерту жасады

    Қазақстан мұсылмандары діни басқармасы Сарыағаштағы медресенің бас ұстазына қатысты мәлімдеме жасады.

    Мүфтият қасиетті орында қоғам наразылығын тудырған әрекетті айыптап, ескерту жасады.

    Мешіт – құлшылық үйі, жамағат жиналатын рухани орда, қасиетті мекен, тәрбие орны. Құлшылық үйіне келген адам мешіт әдебін сақтауы тиіс. Бұл – мұсылманның көркем мінезінің бір. Түркістан облысы Сарыағаш ауданындағы мешітте болған оқиға әлеуметтік желілерде тарап, қоғамның түрлі пікір қайшылығын тудырды. Осыған орай Қазақстан мұсылмандары діни басқармасы қасиетті орында қоғам наразылығын тудырған әрекетке жол бергені үшін мешіт имамына ескерту жасады, – делінген ақпаратта.

    Діни басқарма мешіт әдебін сақтауға шақырды.

    Қазақстан мұсылмандары діни басқармасы еліміздегі барша мұсылман жамағатын құлшылық үйлерінде дауыс көтеріп сөйлемеуге, әдепсіз әрекеттерге жол бермеуге, ұрыс-керіс жасамауға шақырады. Жамағатты барынша мешіт әдебін сақтауға үндейміз, – делінген мәлімдемеде.

  • Қорғаныс министрлігі үндеу жариялады

    Қорғаныс министрлігі үндеу жариялады

    Астанада Жеңістің 80 жылдығына арналған әскери парадқа дайындық шаралары басталады. Осыған байланысты Қорғаныс министрлігі қазақстандықтарға үндеу жасады.

    13 наурыздан бастап әскери техниканы тасымалдауға байланысты еліміздің кейбір аймағындағы жолдардың жекелеген учаскелерінде көлік қозғалысына уақытша шектеу енгізілуі мүмкін. 22 сәуір мен 7 мамыр аралығында әскери авиацияның жаттығуы үшін Астана қаласында әуе кеңістігін пайдалануға қысқамерзімді шектеу қойылады, — делінген мәлімдемеде.

    Ведомство сонымен қатар әуе рейстерінің кестесіне де өзгерістер енгізілуі мүмкіндігін еске салды.

  • Балаларға арналған SIM-карталар қолданысқа енгізіледі

    Балаларға арналған SIM-карталар қолданысқа енгізіледі

    Орталық коммуникациялар қызметінің алаңында өткен баспасөз конференциясында ҚР Оқу-ағарту вице-министрі Еділ Оспан балалардың цифрлық қауіпсіздігі мәселелеріне тоқталды.

    2023-2025 жылдарға арналған Балаларды зорлық-зомбылықтан қорғау, суицидтің алдын алу және олардың құқықтары мен саламаттылығын қамтамасыз ету жөніндегі кешенді жоспарды жүзеге асыру аясында Оқу-ағарту министрлігі балалардың цифрлық қауіпсіздігін арттыру мақсатында арнайы SIM-карта енгізу бастамасын көтерді.

    Бұл – балалардың мобильді құрылғыларды қауіпсіз пайдалануын қамтамасыз етуге және ата-аналар тарапынан бақылауды күшейтуге бағытталған арнайы тарифтік жоспар. Балаларға арналған SIM-карталардың басты артықшылықтары:

    ​•​ Ата-ана бақылауы

    ​•​ Зиянды және қалаусыз контенттен қорғау

    ​•​ Баланың орналасқан жерін бақылау (геолокация)

    «Халықаралық тәжірибе көрсеткендей, балаларға арналған SIM-карталар байланыс операторлары тарапынан қолдау тауып, цифрлық қауіпсіздік саласындағы мемлекеттік бастамалармен қатар жүреді. Бұл ата-аналарға балалардың телефонды қолдануын тиімді бақылауға мүмкіндік береді. Қазақстанда байланыс операторлары балаларға арналған, білім беру ресурстарына шектеулі қолжетімділік беретін тарифтерді ұсынғанымен, интернеттегі қауіпсіз мінез-құлықты толық бақылау мүмкіндігін қамтамасыз етпейді. Министрліктің бұл бастамасы балалардың интернеттегі қауіпсіздігін күшейтіп, ата-аналарға олардың онлайн кеңістіктегі қорғанысын қамтамасыз етуде жоғары деңгейдегі қолдау көрсетеді», – деп мәлімдеді Еділ Оспан.

  • Ата-аналар балаларын Тiktok-тан бұғаттай алады

    Ата-аналар балаларын Тiktok-тан бұғаттай алады

    Мәдениет және ақпарат министрлігінің дерегіне сәйкес, Тiktok қауіпсіздік механизмдерін жақсартуды жалғастырып,  «отбасылық баптаулар» жүйесіне жаңа «Белсенді емес уақыт» функциясын енгізді. Бұл құрал ата-аналарға жасөспірімдерге қосымшаны қолдануға тыйым салатын уақыттарды белгілеуге мүмкіндік береді.

    Сонымен қатар, платформа жастардың цифрлық әл-ауқатын қамтамасыз етуге бағытталған жаңа мүмкіндікті ұсынды. Егер жасөспірім TikTok-ты кеш уақыта қолданса, қосымша оған үзіліс жасауды ұсынады. Бұл шара әлеуметтік желілерді шамадан тыс пайдаланудың ұйқы сапасына және жасөспірімдердің жалпы жағдайына әсерін азайтуға бағытталған.

    TikTok-тың ата-аналық бақылау жүйесі бес жылдан бері жұмыс істейді және сарапшылардың ұсыныстары мен ата-аналардың пікірлері негізінде үнемі жаңартылып отырады. Жаңа енгізілімдерге платформаның қолжетімділігін кеңейтілген басқару мүмкіндіктері кіреді. Енді ата-аналар:

    • TikTok-ты қолдануға шектеу кестесін орната алады;
    • Цифрлық детокс үшін қайталанатын кестелер жасай алады;
    • Бұғатталған кезеңдерде қосымшаға кіру туралы жасөспірімдердің сұраныстарын мақұлдай немесе қабылдамай алады.

    Сонымен қатар, ата-аналарға балалардың белсенділігін бақылау үшін қосымша құралдар беріледі. Олар баласының кімге жазылғанын және оның аккаунтын кім бақылап отырғанын көре алады. Сондай-ақ, жасөспірім бұғаттаған пайдаланушыларды бақылау мүмкіндігі де пайда болады.

    Жақын арада TikTok платформаның ережелерін бұзатын контент туралы жасөспірімдерге ата-аналарға хабарлауға мүмкіндік беретін тағы бір функцияны енгізуді жоспарлап отыр. Бұл опция ата-аналық бақылау қосылмаған жағдайда да қолжетімді болады.

  • «Декретке миллионмен» курсын шығарғандар жазалануы мүмкін

    «Декретке миллионмен» курсын шығарғандар жазалануы мүмкін

    Олар бұған дейін жүктілік пен босану төлемдерінің сомасын үлкейтудің әдісін үйрететін консультациялық қызметтердің үстінен шағым түсірген еді.

    Еңбек және халықты әлеуметтік қорғау министрі Светлана Жақыпова БАҚ өкілдеріне жүктілік пен босану төлемдерін шамадан тыс рәсімдеген 113 адамға 16 қылмыстық іс қозғалғанын мәлімдеген болатын. Журналистер «Осы қылмыстық істердің арасында «Декретке миллионмен» курсының авторлары бар ма?» деп сұраған.

    – Бүгінде біз әлеуметтік желілерде үшінші тұлғалардың тарапынан әртүрлі консультациялық қызметтің, оның ішінде кәсіпкерлік субъектілері мен декреттік демалысқа шығуды жоспарлап отырған әйелдер арасында «формалды» еңбек шарттарын жасасу арқылы әлеуметтік төлемдерді жоғары мөлшерде алу тәсілдерінің айтарлықтай өскенін байқап отырмыз, – делінген жауапта.

    Қазіргі уақытта құзырлы органдар өз жұмысын атқарып жатқан көрінеді.

    – Аталған мәселе бойынша министрлік пен Мемлекеттік әлеуметтік сақтандыру қоры өзінің құзыреті бойынша тиісті іс-шаралар жүргізу үшін құқық қорғау органдарына бірқатар өтінішке бастамашылық жасады. Қозғалған қылмыстық істер шеңберінде жедел тергеп-тексеру жұмыстары жүргізіліп жатыр. Қазақстан Республикасы Қылмыстық-процестік кодексінің 201-бабына сәйкес сотқа дейінгі тергеп-тексеру деректерін жария етуге жол берілмейді, – деп жазылған жауапта.

  • Мейрамханалар ауызашар бағасын шарықтатып отыр – Мүфтият

    Мейрамханалар ауызашар бағасын шарықтатып отыр – Мүфтият

    Қазақстан мұсылмандары діни басқармасы (ҚМДБ) еліміздегі мейрамхана, кафе иелерін қасиетті Рамазан айында халыққа қолжетімді бағамен ауызашар ұйымдастыруға шақырды.

    Дінбасылардың айтуынша, соңғы жылдары ауызашар мәзірінің бағасы шарықтап, қарапайым халық үшін қолжетімсіз болып барады.

    «Асыл дініміз ауызашар дастарқанында ас та төк ысырапқа жол беруге, дастарқан жасауда бәсекелесуді құптамайды. Ондай әрекет сауапқа емес күнәға жетелейді», – делінген ҚМДБ мәлімдемесінде.

    Діни басқарма қасиетті айда дастарқан жайып, ауыз бекіткен жандарға ас беру – үлкен сауап екенін атап өтті. Алайда соңғы жылдары елімізде бірқатар мейрамханалар ауызашар мәзірінің бағасын тым жоғары қойып, халықтың наразылығын тудырып отыр.

    «Ауызашар дастарқаны қарапайымдылыққа негізделуі тиіс. Қасиетті Құранда: «… ішіңдер, жеңдер, алайда ысырапқа жол бермеңдер. Өйткені Алла ысырап етушілерді жақсы көрмейді» делінген («Ағраф» сүресі, 31-аят)», – деп еске салды ҚМДБ өкілдері.

    Дін мамандары ауызашар дастарқаны қарапайым болуы тиіс екенін айтып, кәсіпкерлерді көпшіліктің қалтасына сай қолжетімді мәзірлер ұсынуға шақырды. Сондай-ақ мұсылман жамағатын жетім-жесірлер мен мұқтаж жандарға ауызашар ұйымдастырып, қайырымдылық жасауға үндеді.

    ҚМДБ қасиетті Рамазан айының берекесі саудамен емес, шынайы сауаппен келетінін еске салып, халықты рухани тазаруға шақырды.

  • Айыппұл төлегенде 50% жеңілдік кімдерден алынып тасталады – Бектенов жауабы

    Айыппұл төлегенде 50% жеңілдік кімдерден алынып тасталады – Бектенов жауабы

    Үкімет басшысы Олжас Бектенов жол ережесін бұзатын азаматтарға жаза қалай күшейтіліні жөнінде депутаттардың сұрағына жауап берді. Оның айтуынша, мәжіліс депутаттары қазір екі үлкен заңға өзгеріс енгізгелі жатыр. Ол заңдар қолдау тауып күшіне енсе, жүргізушілерге жауапкершілік күшейтіледі.

    Бектеновтің жауабында жазылғандай, мәжіліс депутаттары «жаңа көлік түрлерінің қозғалысын реттеу және жол қозғалысы қауіпсіздігін қамтамасыз ету мәселелері бойынша Қазақстанның кейбір заңнамалық актілеріне өзгерістер мен толықтырулар енгізу туралы» және «Жаңа көлік түрлерінің қозғалысын реттеу және жол қозғалысы қауіпсіздігін қамтамасыз ету мәселелері бойынша әкімшілік кодекске өзгерістер мен толықтырулар енгізгелі жатыр. Заң жобалары аясында келесі түзетулер қарастырылған.

    Жыл ішінде көлік және жол шаруашылығы саласында он және одан да көп құқықбұзушылық жасаған тұлғаларды жол қозғалысы ережелері (ЖҚЕ) бойынша білімін тексеруге жіберу және емтихан тапсырғанға дейін көлік құралын басқару құқығын уақытша тоқтата тұру жөнінде ұсыныс бар. Сонымен қатар, жүргізушіні емтиханға жіберуге негіз болатын әкімшілік кодекстің баптар тізімі кеңейтіліп, жол қозғалысы қауіпсіздігіне тікелей әсер ететін құқық бұзушылықтар енгізілмек.

    Көлік және жол шаруашылығы саласында жыл ішінде он және одан да көп құқықбұзушылық жасаған тұлғаларға әкімшілік өндірістің қысқартылған тәртібін (50% айыппұл) қолдануды алып тастау жөнінде де ұсыныс қаралуда. Бұл шара жүргізушілердің жол қозғалысы ережелерін жүйелі түрде бұзуының алдын алып, олардың жеке жауапкершілігін арттыруға бағытталған.

    Көлік құралын басқару құқығын тоқтата тұруға негіз болатын жағдайларды нақтылау және кеңейту. Қазіргі уақытта бұл механизм тек жүргізушіні мерзімінен бұрын медициналық тексеруге жіберу кезінде қолданылады. Ұсынылып отырған өзгерістерге сәйкес, жүргізушіні ЖҚЕ білімін тексеру үшін емтиханға жіберу және денсаулық сақтау органдарының ақпараттық жүйелеріндегі медициналық қарсы көрсетілімдер туралы деректер (диспансерлік есеп, медициналық тексеру қорытындысы және т.б.) негізінде де тоқтата тұру мүмкіндігі қарастырылған.

    Көлік құралын басқару құқығын тоқтату және қалпына келтіру құзыретін сот органдарынан ішкі істер органдарына беру. Бұл өзгеріс келесі жағдайларға қатысты:

    • жүргізуші куәлігінің қолданылу мерзімі аяқталуы;
    • медициналық қарсы көрсетілімдердің анықталуы;
    • ЖҚЕ білімін тексеру емтиханын тапсырмау;
    • жүргізушілерді даярлау қағидаларын бұза отырып, жүргізуші куәлігін беру.

    Қазіргі уақытта бұл түзетулер үкіметтің қорытындысы аясында келісу рәсімінен өтіп жатыр.

  • 272 мың еркек, 11 мың әйел баласына алимент төлеуден жалтарып жүр

    272 мың еркек, 11 мың әйел баласына алимент төлеуден жалтарып жүр

    Өткен жылы баласына алимент төлемегені үшін 4,5 мыңнан астам борышкер әкімшілік жауапкершілікке тартылды. Бұл туралы Орталық коммуникациялар қызметіндегі брифингте Әділет министрлігінің ресми өкілі Талғат Уәли айтты.

    – Алимент өндіру бойынша атқарушылық іс жүргізу – Әділет министрлігі тұрақты бақылауда ұстап отырған әлеуметтік маңызы бар мәселелердің бірі. Қазір өндірісте 283 мың атқарушылық іс бар. Оның ішінде борышкер ер адамдар саны 272 мың болса, әйелдер саны 11 мыңнан асады. Ондағы 16 352 іс бойынша берешек 16 млрд теңге, – деді ол.

    Ресми өкілдің айтуынша, көп жағдайда борышкерлердің алименті ай сайын жұмыс берушілердің бухгалтериясы арқылы өндіріледі. Сондықтан борышкерлерді жұмысқа орналастыру белсенді түрде жүргізіліп жатыр.

    – 2023 жылы 4 238 адам жұмысқа орналастырылса, бұл көрсеткіш 2024 жылы 6 мыңнан астам адам болды. Өз міндеттерін орындамағаны үшін борышкерлер әкімшілік және қылмыстық жауапкершілікке тартылады. Мәселен, 2024 жылы 4,5 мыңнан астам борышкер әкімшілік жауапкершілікке тартылды. Ал ҚК 139-бабы (алимент төлеу міндеттерін орындамау) бойынша 391 адам сотталды. Сондай-ақ борышкерлердің банк шоттарына тыйым салу және уақытша шектеулер сияқты шаралар қолданылады, – деді Талғат Уәли.

    Осы ретте ол биылғы ірі көлемдегі өндіріп алулар бойынша бірер мысал келтірді. Мәселен, Астанада алимент төлемей жүрген азаматтың Mercedes-Benz S400 маркалы көлігі 23 млн теңгеге сатылды. Жамбыл облысында борышкер қарызды өтеу үшін 11 млн теңгеден астам тұратын жылжымайтын мүлкін қарызын өтеу үшін берді. Борышкерге қылмыстық іс қозғалды. Ал Алматыда 9 млн теңгеден астам қарызды өтеу үшін 2017 жылғы Hyundai Tucson автокөлігі өндіріп алушыға тапсырылды.