Sona.kz

Рубрика: Қазақстан жаңалықтары

  • Алматыда Жириновскийге ескерткіш орнатыла ма? Әкімдік не деді

    Алматыда Жириновскийге ескерткіш орнатыла ма? Әкімдік не деді

    2026 жылы сәуір-мамыр айларында Алматыда ЛДПР негізін қалаушы Владимир Жириновскийге ескерткіш ашылады деген ақпарат тарады. Бұл туралы ТАСС ақпараттық агенттігі хабарлады.

    Агенттіктің мәліметінше, Саранск және Алматы қалаларында саясаткердің туғанына 80 жыл толуына орай ескерткіш орнату жоспарланған.

    «Баспада бар құжатқа сәйкес, Владимир Жириновскийге арналған іс-шаралар ұйымдастырылып, сәуір-мамыр айларында ескерткіштердің салтанатты ашылуы өтеді», – делінген хабарламада.

    Алматы қаласының әкімдігі ескерткіш орнату ұсынысы түспегенін мәлімдеді.

    «Алматы қаласының мәдениет басқармасына В.Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ», – деді Алматы қаласының әкімдігі.

    Айта кетейік, Жириновский 2022 жылы 6 сәуірде 75 жасында өмірден өткен. Ресейде оған арнап салтанатты рәсімдер өткізіліп, саясаткердің қызметіне байланысты кинофильмдер көрсетілген.

    Сонымен қатар, 2024 жылдың 6 қарашасында Ресей президенті Владимир Путин 2026 жылы Жириновскийдің 80 жылдығын мемлекеттік деңгейде атап өту туралы Жарлыққа қол қойған болатын.

  • Оқушылар көктемгі каникулда неше күн демалады?

    Оқушылар көктемгі каникулда неше күн демалады?

    Үшінші тоқсанның аяқталуына санаулы күндер қалды. Көктемгі каникул кезеңі 2025 жылдың 21-наурызы мен 2025 жылдың 31-наурызын қоса алғанда он бір күнге жалғасады. Бұл туралы Оқу-ағарту министрлігінің баспасөз қызметі хабарлайды.

    Мектеп оқушыларының көктемгі демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары жасалды. Сондай-ақ 1-4, 5-9 және 10-11 сынып оқушыларына арналған гайдбук әзірленді. Онда әр демалыс күні Наурызнаманың онкүндігімен байланысты және қоғамның маңызды аспектілеріне: отбасылық құндылықтарға, мәдениетке, ұлттық дәстүрлерге, қайырымдылыққа, спортқа мән берілді. Ол бойынша мектептерде бірқатар білім беру, спорттық, мәдени және шығармашылық іс-шаралар өткізу жоспарланған:

    театр фестивальдері мен қойылымдары;
    шеберлік сабақтары;
    қауіпсіздік сабақтары;
    мұражайларға, ғылыми орталықтарға және тарихи ескерткіштерге танымдық экскурсиялар;
    спорттық ойындар;
    қайырымдылық акциялары және басқа да шаралар.

    Ең бастысы, балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алуға, мектептің ішкі тәртібін сақтауға, балалардың көшедегі қауіпсіздігіне, үйдегі өрт қауіпсіздігі және киберқауіпсіздікке ерекше назар аударылады.

    Айта кетейік, бұл іс-шаралар білім беру ұйымдарына әдістемелік ұсыным ретінде жолданады.

     

  • ШҚО-дан бөлек, өзге өңірлерде де жұмыс кестесі өзгеруі мүмкін – Уақыт белдеуі

    ШҚО-дан бөлек, өзге өңірлерде де жұмыс кестесі өзгеруі мүмкін – Уақыт белдеуі

    Елімізде бірыңғай уақыт белдеуі енгізілген соң шығыс өңірдегі халық бұл бастамаға наразы екенін білдірген болатын. Қазіргі таңда Шығыс Қазақстан облысының 7 ауданында жұмыс кестесі өзгертілді.

    Бұл туралы ҚР Сауда және интеграция министрі Арман Шаққалиев айтты.

    «Мәжілістің «Аманат» фракциясы аясында бірыңғай уақыт мәселесін талқылау қорытындысы бойынша медицина, нейроғылым, биофизика, генетика, астрофизика, физиология салаларындағы ғылыми зерттеу институттары салалық сарапшыларының, мәслихат депутаттары және мүдделі тұлғалардың қатысуымен бірыңғай уақыт белдеуінің халық денсаулығына, энергия тұтыну және еңбек өнімділігі әсеріне мониторинг жүргізілді. Жұмыс барысында уақыт белдеуі өзгеруіне дейінгі және одан кейінгі көрсеткіштерді салыстыратын кешенді тәсіл қолданылды… Нақты деректерге негізделген нәтижелер уақыт белдеуінің өзгеруі халық өмірінің негізгі көрсеткіштеріне теріс әсері болмағанын айқындады», – деді ол Үкімет отырысында.

    Сонымен қатар спикер өңірлерде талқылау барысында мәслихат депутаттары жұмыс кестесін ауыстыру арқылы жұмыс уақытын оңтайландыру жөніндегі бастаманы қолдағанын атап өтті.

    – Бүгінгі таңда, Шығыс Қазақстан облысының бірқатар ауданында (Катонқарағай, Марқакөл, Үлкен Нарын, Зайсан, Тарбағатай, Самара, Күршім) тұрғындар тарапынан қолдау тауып, жұмыс кестесі 8:00–ден 17:30 (кешкі бес жарымға) дейін өзгертілді. Бұл шаралар, азаматтар үшін қолайлы жағдай жасауға, сондай-ақ кәсіби және жеке өмір арасындағы теңдікті жақсартуға бағытталған. Қажет болған жағдайда, осындай тәжірибені жергілікті атқарушы органдар басқа өңірлерде де қолдануға мүмкіндігі бар», – деді министр.

  • «Asar Baspana» қаржы пирамидасы 86 мыңнан астам азаматтан 12,4 млрд теңге тартқан

    «Asar Baspana» қаржы пирамидасы 86 мыңнан астам азаматтан 12,4 млрд теңге тартқан

    Қаржы мониторингі агенттігі Бас прокуратураның үйлестіруімен «Asar Baspana» қаржы пирамидасының қызметін тоқтатты, деп хабарлайды агенттіктің баспасөз қызметі.

    Баспасөз қызметінің мәліметтеріне қарағанда, ұйым тұтынушылық кооператив ретінде жасырынып жұмыс істеген.

    Тергеу барысында Туғанбаев Н.М. бастаған пирамида ұйымдастырушылары, 86 мыңнан астам азаматтан 12,4 млрд теңге тартқан, есесіне ай сайын 30%-ға дейін табыс уәде еткен.

    Шын мәнінде, нақты бизнес болмаған, төлемдер жаңа қатысушылардың салымдары есебінен жүзеге асырылған.

    Нәтижесінде Туғанбаев пен оның серіктестері 3,8 млрд теңге қаражатты заңсыз иеленген.

    Күдіктілер салымшыларды адастырып, Алматы қаласында құрылыс материалдарын өндіру, тігін цехы мен тұрмыстық және медициналық техника зауыты жұмыс істеп жатқандығын мәлімдеген. Шындығында, өнімдер үшінші тарап жеткізушілерінен сатып алынып«Asar Baspana» логотипімен таңбаланған.

    2024 жылы желтоқсан айынан бастап, пирамидаға деген сенім азая бастаған кезде, ұйымдастырушылар автосалон ашып, ресми дилерлермен әріптестік орнаттық деген жалған ақпарат таратқан. Шын мәнінде, автокөліктер салымшылардың ақшасына сатып алынып Туғанбаевтың туыстарына рәсімделген.

    Пирамиданы әшкере қылатын жағдайлар туындаған тұста, Туғанбаев Н.М. 8 ақпан күні «Asar Baspana» сайтын техникалық режимге ауыстырған. Бұл қылмыстық әрекетті жасыру мақсатында жасалды.

    Алайда, тергеу барысында серверлік деректер қалпына келтірілді. Сайт деректеріне сәйкес, «Gold» деңгейіне жеткен 15,5 мың салымшының тек біреуіне ғана пәтер берілген.

    «Platina» бағдарламасы бойынша 15 мың үміткердің арасынан тек бір салымшыға ғана көлік берілген.

    Еске салайық, 2025 жылғы 9 ақпанда 49 кеңседе және 81 күдіктінің тұрғылықты жерінде тінту жүргізілді.

    Оның нәтижесінде 1,1 млрд теңге, Toyota Land Cruiser 300 және Lexus 570 сияқты 10 премиум-класстағы автокөліктер тәркіленді, олар Туғанбаев пен оның жақындарына рәсімделген.

    Сонымен қатар, Ақтау қаласында Туғанбаев Н.М.-ның бауырының үйінен кооперативтің есепшоттарында болуы тиіс 945 млн теңге қолма-қол ақша табылды.

    1,2 млрд теңгеден астам сомаға шоттар бұғатталып, тыйым салынған.

    2025 жылғы 11 ақпанда Туғанбаев Н.М. мен Байтасов Н-ға қатысты 2 айға қамауға алу түріндегі бұлтартпау шарасы қабылданды. Сотқа дейінгі тергеу жалғасуда.

  • Астанада рейстер кейінге шегерілді

    Астанада рейстер кейінге шегерілді

    Ауа райының қолайсыздығына байланысты Астана халықаралық әуежайында бірнеше рейс кешігіп жатыр.

    Астана халықаралық әуежайының баспасөз қызметінің мәліметінше, бүгінгі күні жоспарланған 84 рейстің 6-уы ұша алмай қалған. Бұған қолайсыз ауа райы жағдайына байланысты әуе кемелерінің кеш келуі себеп болған.

    Сондай-ақ, келетін 86 рейстің 8-і кешігіп жатыр. Әуежай қалыпты режимде жұмыс істеп тұр. Ұшу қауіпсіздігін қамтамасыз ету мақсатында тұрақты түрде ұшып-қону жолағы мен перрон тазаланып жатыр. Әуежайдың үздіксіз жұмыс істеуі үшін 23 бірлік арнайы техника жұмылдырылған, – делінген ресми хабарламада.

    Жолаушылар рейстердің мәртебесі мен мүмкін өзгерістерді авиакомпаниялардан немесе әуежайдың ресми сайтынан нақтылай алады.

  • Пәтерін жалға беретіндер де салық төлейді

    Пәтерін жалға беретіндер де салық төлейді

    Қазақстанда пәтерін жалға беретін азаматтар жеке кәсіпкер ретінде тіркеліп, декларация тапсырады.

    Жеке кәсіпкер ретінде тіркелу міндетті емес, бұл қызмет түрін заңдастыру үшін жасалған.

    Одан бөлек, азаматтар жыл сайын жалға беруден түскен кірістер мен мүлік туралы декларацияны келесі жылдың 15 қыркүйегіне дейін ұсынуға және 10% мөлшерінде жеке табыс салығын төлеуге міндетті болады.

    10 пайыздық мөлшерлемеге зейнетақы жарнасы мен әлеуметтік төлемдер кірмейді.

  • Қазақстанда қанша әйел бар?

    Қазақстанда қанша әйел бар?

    Қазақстанда кейінгі 10 жылда әйелдер саны 15,2%-ға өсті. Әйелдердің 64,4%-ы қалаларда, 35,6%-ы ауылдық жерлерде тұрады, деп хабарлайды Ұлттық статистика бюросы.

    Қазақстандағы әйелдер саны – 10 381 377 адам, бұл еліміздегі жалпы халық санының – 51,1%-ы.

    Әйелдер саны бойынша өңірлер арасында Алматы алда келеді – 1,2 млн әйел. Екінші орында Түркістан облысы – 1 млн әйел, ал үшінші орында – Астана – 803 мың әйел.

    Кейінгі он жылда әйелдер санының ең жоғары өсімі Астанада байқалған – 82,1%. Алматыда қыз-келіншектер саны 37,5%-ға, Маңғыстау облысында 32,5%-ға өскен.

    Жас құрамы бойынша әйелдердің 3,3 млн 18 жасқа дейінгі жаста, 18-60 жас аралығындағылардың саны 5,3 млн және 60 жастан асқан әйелдер саны 1,7 млн. Қазақстандағы әйелдердің орташа жасы – 34,1.

    Бүгінгі таңда 4,4 млн әйел әртүрлі салаларда жұмыс істейді, олардың басым бөлігі білім беру, сауда және денсаулық сақтау салаларында еңбектенеді.

     

  • Ерлік жасаған Мұса Әбдірайым «Ерлігі үшін» медалімен марапатталды

    Ерлік жасаған Мұса Әбдірайым «Ерлігі үшін» медалімен марапатталды

    Мемлекет басшысы Қасым-Жомарт Тоқаев Алматы әуежайында адамды кепілге алу жағдайы жөнінде хабардар екенін оның баспасөз хатшысы Руслан Желдібай мәлім еткен еді.

    «Президент қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды», — деп жазды ол.

    Сонымен, әуежайда қаскөй кепілдікке алған қызметкерді құтқарып қалған 52 жастағы Мұса Әбдірайымов марапатталды.

    Мемлекет басшысының Жарлығымен қиын-қыстау жағдайда көрсеткен ерлігі мен жанқиярлығы үшін Мұса Сайранбайұлы Әбдірайым «Ерлігі үшін» медалімен наградталды.

  • Қазақстанда 18-ге толған жастардың шотына 8 млн доллар түсті

    Қазақстанда 18-ге толған жастардың шотына 8 млн доллар түсті

    «Ұлттық қор – балаларға» бағдарламасы іске қосылған 2024 жылдың 1 ақпанынан бері 18 жасқа толған жастардың шотына 8 миллионнан аса доллар аударылған, деп хабарлайды БЖЗҚ баспасөз қызметі.

    Жалпы, Қазақстан бойынша ұлттық қордан түскен қаражатын алу үшін 75 329 адамнан өтініш түскен екен.

    «Оның ішінде тұрғын үй жағдайларын жақсарту мақсатында 43 781 адамның шотына 4,65 млн доллар,  білім алу ақысын төлеу үшін 31 548 балаға  3,35 млн доллар аударылды», – деп хабарлайды БЖЗҚ.

     

  • Алматы әуежайында ер адамның қарулы шабуылына қатысты қылмыстық іс қозғалды

    Алматы әуежайында ер адамның қарулы шабуылына қатысты қылмыстық іс қозғалды

    Ер адамның қауіпсіздік қызметкеріне асхана пышағымен шабуыл жасауына қатысты қылмыстық іс қозғалды, деп хабарлады көліктегі полиция департаментінің баспасөз қызметі.

    «7 наурызда Алматы әуежайының желілік полиция бөлімінің қызметкерлері тексеру аймағына жақындаған кезде тексеруші инспектордың шашынан ұстап алып, асхана пышағымен қорқытқан ер адамды ұстады. Полицейлер әуежайдың қауіпсіздік қызметі мен оны шығарып салушы азаматтың көмегімен құқық бұзушыны залалсыздандырып, полиция бөлмесіне алып кетті. Аталған факті бойынша қылмыстық іс қозғалды», – делінген хабарламада.

    Тергеу барысында Алматы қаласының 67 жастағы тұрғыны анықталды. Қазір тергеу амалдары жүргізілуде.