Sona.kz

Рубрика: Қазақстан жаңалықтары

  • Төтенше жағдайлар министрлігі оқиға орнынан фотосуреттер жариялады

    Төтенше жағдайлар министрлігі оқиға орнынан фотосуреттер жариялады

    Бүгін 2024 жылғы 25 желтоқсанда жергілікті уақыт бойынша сағат 11:00-де Маңғыстау облысының Төтенше жағдайлар департаментіне Баку – Грозный бағытында ұшып бара жатқан Azerbaijan Airlines әуекомпаниясының Embraer 190ar әуе кемесі апатты жағдай жариялап, Ақтау әуежайына қонуға жағдай жасау туралы ақпарат түсті. Қону уақыты шамамен сағат 11:25 деп белгіленді, деп хабарлайды ТЖМ.

    Алдын ала ақпарат бойынша бортта 69 адам, оның ішінде 5 экипаж болған. Маңғыстау облысы ТЖД күштері мен құралдары дереу оқиға орнына жіберілді. Сағат 11: 30-да әуежайдан 3 километр жерде ұшақтың апатқа ұшырағаны туралы ақпарат түсті. Осыған байланысты жоғары ранг бойынша ТЖД күштері мен құралдары қосымша жіберілді.

    ТЖМ Командалық орталығының базасында республикалық штаб құрылды, оның құрамына Ішкі істер, Денсаулық сақтау, Көлік министрліктерінің, Ұлттық ұланның, Сыртқы істер министрлігінің және басқа да ведомстволардың өкілдері кірді.

    Жалпы операцияға азаматтық қорғау қызметінің жеке құрамынан 701 адам және 82 бірлік техника жұмылдырылуда.

    Сағат 11:45-тегі жағдай бойынша өрт оқшауланып, 12:05-те сөндірілді. Сағат 14:10-да 29 адам, оның ішінде 2 бала медициналық мекемелерге жеткізілді. Қазіргі уақытта авариялық-құтқару жұмыстары жалғасуда.

    Медициналық көмек көрсету үшін Астана қаласынан санитарлық авиация борты Ақтауға жіберілді. Сонымен қатар оқиға орнында үкіметтік комиссияның іс-қимылын үйлестіру үшін ТЖ министр генерал-майор Шыңғыс Әрінов, ТЖ вице-министрі Кеген Тұрсынбаев және ТЖ жою департаментінің бастығы Ақтауға кетті.

    Оқиға туралы өзекті ақпаратты алу үшін жедел желі телефондары жұмыс істейді:

    Астана қаласының командалық орталығында: 8-7172-55-96-21, 55-96-83.

    Маңғыстау облысы ТЖД: 8-7292-31-90-91.

    Осы сағатта жедел желі телефондарына 272 қоңырау түсті. Құтқару және қалпына келтіру жұмыстарын жүргізу барысы бойынша ақпарат одан әрі жаңартылатын болады.

  • Рамзан Қадыров ұшақ апатынан қаза тапқандардың туыстарына көңіл айтты

    Рамзан Қадыров ұшақ апатынан қаза тапқандардың туыстарына көңіл айтты

    Шешенстан Республикасының басшысы Рамзан Қадыров Ақтау түбінде болған ұшақ апатынан қаза тапқандардың туыстарына көңіл айтты.

    Естеріңізге сала кетейік, Баку-Грозный бағытындағы J2-8243 рейсін орындаған Embraer 190 ұшағы Ақтау қаласынан 3 шақырым жерде құлады.

    Зардап шеккендер ауруханаларға жеткізілді. Әуе компаниясы апатқа ұшақтың бір топ құстарға соқтығысуы себеп болуы мүмкін екенін айтты.

  • Ұшақ апатынан аман қалғандар саны 29-ға жетті

    Ұшақ апатынан аман қалғандар саны 29-ға жетті

    Azerbaijan Airlines әуе компаниясының «Баку-Грозный» бағытындағы ұшағы тұманға байланысты Грозныйға қона алмағаннан кейін Махачкалаға, одан әрі Ақтау қаласына бет алған.

    «Алдын ала мәлімет бойынша 29 адам аман қалды, оның 2-уі – бала, бәрі ауруханаға жеткізілді. Зардап шеккендер бойынша ақпарат нақтылануда», – делінген ТЖМ хабарламасында.

    Айта кетейік, ұшақ бортында 67 адам, оның ішінде 5 экипаж мүшесі болды.
    ТЖД, МӨСҚ, ПД-ның 150 жеке құрамы, 45 бірлік техникасы жұмылдырылды.

  • Росавиация: Ақтаудағы ұшақ апатына құстар себеп болуы мүмкін

    Росавиация: Ақтаудағы ұшақ апатына құстар себеп болуы мүмкін

    Ресей авиациясы ұшақтың апатқа ұшырауының алдын ала себебін хабарлады. Апатқа құстар себеп болуы мүмкін екенін мәлімдеді. 

     «Баку-Грозный» бағытындағы ұшақ тұманға байланысты Грозныйға қона алмағаннан кейін Махачкалаға, одан әрі Ақтау қаласына бет алған.

    Azerbaijan Airlines әуе компаниясы Қазақстандағы ұшақ апатына қатысты пікір білдірді.

    «Баку-Грозный бағыты бойынша J2-8243 рейсін орындаған Azerbaijan Airlines әуе компаниясының Embraer 190 ұшағы Маңғыстау облысы Ақтау қаласынан шамамен 3 шақырым жерде апатқа ұшырады. Жолаушылар арасында 6 қазақстандық болған. Сондай-ақ ұшақта Әзірбайжанның 37 азаматы, Қырғызстанның 3 азаматы және Ресейдің 16 азаматы болған», — делінген хабарламада.

    Бұл ретте Росавиация Ақтауға қону туралы шешімді әуе кемесінің командирі төтенше жағдайдан кейін қабылдағанын хабарлады.

  • Баку ұшағының бортындағы жолаушылардың толық тізімі белгілі болды

    Баку ұшағының бортындағы жолаушылардың толық тізімі белгілі болды

    Ақтау қаласының маңында «Баку-Грозный» бағытындағы Azerbaijan Airlines авиакомпаниясына тиесілі ұшақтың бортында болған жолаушылардың тізімі жарияланды. 

     Әзірбайжан тарапының алдын ала ақпараты бойынша бортта 62 жолаушы мен 5 экипаж мүшесі болған.

    Алдын ала мәлімет бойынша, апатқа ұшыраған Әзірбайжан әуе жолдарының жолаушылар ұшағында Қазақстан, Әзірбайжан, Ресей, Тәжікстан және Қырғызстан азаматтары болған.

    Ұшақ апатынан зардап шеккен 14 адам ауруханаға жеткізілді, оның бесеуінің жағдайы ауыр.

  • Ақтау маңында құлаған ұшақ ішінде Қазақстанның алты азаматы болған

    Ақтау маңында құлаған ұшақ ішінде Қазақстанның алты азаматы болған

    Ақтау маңында Баку – Грозный бағытындағы ұшақ апатқа ұшырады. Бұл ұшақ Azerbaijan Airlines авиакомпаниясына тиесілі. Бұл туралы көлік министрлігі хабарлады.

    Ақтау маңында құлаған ұшақ ішінде Қазақстанның алты азаматы болған. Бұл туралы көлік министрлігінен мәлім етті.

    «Алдын ала ақпаратқа сәйкес бортта 37 Әзірбайжан, 6 Қазақстан, 3 Қырғызстан, 16 РФ азаматы болған», – деп хабарлады көлік министрлігі.

  • Ақтау маңында жолаушылар ұшағы құлады

    Ақтау маңында жолаушылар ұшағы құлады

    Azerbaijan Airlines-тің Баку-Грозный бағытында ұшып келе жатқан AHY8243 нөмірлі ұшақ құлады. Baza айтуынша, апатқа ұшыраған ұшақтың бортында 67 жолаушы мен бес экипаж мүшесі болған. Тағы бір ақпарат көздерінде бортта тіпті 105 адам болғаны туралы айтылуда.

    Ақтауда ұшақ апаты болған орыннан 12 адам, оның ішінде бір бала Ақтаудағы облыстық ауруханаға жеткізілді. Бұл туралы Маңғыстау облыстық денсаулық сақтау басқармасы хабарлады.

    Алдын ала ақпарат бойынша апатқа ұшақтың құстармен соқтығысуы себеп болған. Әзербайжан ақпараттық агенттіктерінің хабарлауынша, әуе кемесі тұманға байланысты Грозныйға қонуға рұқсат ала алмаған.

    Бұл «Баку – Грозный» № J2-8243 рейсін орындаған Azerbaijan Airlines әуе компаниясының Embraer 190 ұшағы. Ол Ақтауға жақын маңда қонуға мәжбүр болған, – жазады БАҚ.

  • Діни басқарма ДНҚ анализге қатысты пәтуа шығарды

    Діни басқарма ДНҚ анализге қатысты пәтуа шығарды

    Қазақстан мұсылмандарының Діни басқармасы балаға ДНҚ анализ жасауға қатысты пәтуа шығарып, ислам діні бойынша қандай жағдайда сараптама нәтижесіне жүгіну керектігін атады.

    ҚМДБ мәліметіне сүйенсек, шариғат бойынша баланың тегін анықтаудың төрт жолы бар.

    – Олар: баланың ақ некемен дүниеге келуі, әкесі балам деп мойындауы, куәлік келтіруі және қияфа арқылы (ұқсату яғни баласын әкесіне ұқсатуы) бекиді. Ал бүгінде баланың тегі ДНҚ арқылы анықталып жүр. Баланың ақ некемен дүниеге келуі жайлы мына оқығаны мысалға келтіруге болады: Сағд ибн Әби Уаққас пен Абд ибн Замға екеуі бір балаға таласып қалғанда Пайғамбарымыз (оған Алланың салауаты мен сәлемі болсын) «бала – төсек иесінікі»… – деп, баланы Абд ибн Замғаға шешіп берген, – деп жазады мүфтият.

    Осы ретте мүфтият ДНҚ әдісімен текті анықтау шариғатта текті анықтаудың төрт жолынан бұрын тұра ма, әлде кейін тұра ма деген мәселеде екі ұстаным бар екенін алға тартып отыр.

    Мүфтият жазғандай, біріншісі, көпшілік ғалымдардың көзқарасы бойынша, ДНҚ арқылы текті анықтау қияфадан (ұқсату) жоғары тұрады. Екіншісі, кейбір ғалымдар ДНҚ арқылы текті анықтау нақты дәлелге жатады әрі басқа дәлелдерге қарағанда жоғары тұрады.

    Ал, Мүфтият келтірген дерекке сүйенсек, Ислам Фиқһ академиясының ДНҚ-ға қатысты №194 қарарында «мына төрт мәселеде ДНҚ арқылы текті анықтауға жүгінуге болады» деп жазады.

    4 жағдайды  атаған:

    тегі белгісіз балаға екі тарап таласып қалғанда;

    ауруханада, жетімдер үйінде балалар ауысып кеткенде;

    табиғи апаттар мен соғыс жағдайында қайтыс болған адамның, жоғалып кеткен баланың кімге тиесілі екенін анықтауда;

    анық болған текті ДНҚ-ның нәтижесіне сүйеніп, мойындамау дұрыс емес.

    Осылайша мүфтият ДНҚ сараптама жүргізу мәселесіне қатысты осындай пәтуа шығарған.

  • Алматыда 20 жастағы спортшыны пышақтап кеткен

    Алматыда 20 жастағы спортшыны пышақтап кеткен

    Желі қолданушылары Наурызбай ауданындағы Алатау даңғылының бойында полиция көліктерінің жиналып, кептеліс пайда болғанын жазған. Ал 2GIS картасындағы пікірлерде жол бойында әлдекімдердің жас жігітті пышақтап, өлтіріп кеткені жазылған.

    Алматы қалалық полиция департаменті ақпаратты растады

    «Наурызбай аудандық полиция басқармасы 20 жастағы жігітті өлтіру дерегі бойынша қылмыстық іс қозғады. Күдікті ұсталып, уақытша ұстау изоляторына қамалды. Алдын ала мәлімет бойынша, таныстар арасында жанжал туындап, нәтижесінде олардың бірі пышақ қолданған. Қылмыстық қару тәркіленді», – делінген хабарламада.

  • Ауа райы: Тұман түсіп, жел күшейеді

    Ауа райы: Тұман түсіп, жел күшейеді

    Синоптиктердің болжамынша, бүгін ҚР аумағының басым бөлігі антициклон сілемінің ықпалында болады. Осыған байланысты күн жауын-шашынсыз болып, тек елдің солтүстігінде, батысында ғана аздаған қар жауады.

    Республика бойынша тұман түсіп, елдің батысында көктайғақ болады, Алакөл көлдері ауданында жел күшеюі ықтимал.

    Астанада жауын-шашынсыз, күн бұлтты болады. Кейде тұман. Оңтүстік бағыттағы жел секундына 2-7 метрді құрайды. Ауа температурасы түнде 12-14 градус, күндіз 6-8 градус аяз.

    Алматыда да бұлтты, жауын-шашынсыз. Түнде және таңертең тұман. Жел секундына 0-5 метр. Ауа температурасы түнде 10-12 градус, күндіз 1-3 градус аяз.

    Шымкентте де бұлтты, жауын-шашынсыз. Түнде және таңертең тұман. Оңтүстік-шығыс жел секундына 3-8 метр. Түнде ауа температурасы 6-8 градус аяз, күндіз 5-7 нрадус жылы.