Алматыда Bek Air әуе апатына қатысты іс бойынша сот үкімі жарияланды, деп хабарлайды Sona.kz Kazinform-ға сілтеме жасап.
Айыпталушылар қатарында апат кезінде қаза тапқан ұшқыштар — Марат Мұратбаев пен Миржан Молдақұлов болды. Тергеу олардың әуе көлігін пайдалану ережелерін бұзғанын, соның салдарынан екі және одан да көп адамның қаза тапқанын анықтаған (ҚР ҚК 344-бабының 3-бөлігі).
⚖️ Сот екі ұшқышты кінәлі деп танып, олардың қайтыс болуына байланысты жаза тағайындамады.
Еске салайық, Bek Air әуе компаниясының Fokker-100 ұшағы 2019 жылғы 27 желтоқсанда Алматы әуежайынан ұшып шыққан сәтте апатқа ұшыраған болатын. Салдарынан 13 адам қаза тауып, ондаған жолаушы жарақат алды.
