Алматы қаласында қызылша ауруының таралуы белең алып, дертке шалдыққандар саны 591-ге жетті. Қаланың бас мемлекеттік санитарлық дәрігері Қасымхан Алпысбайұлының айтуынша, эпидемиологиялық жағдайдың нашарлауы 2025 жылдың қараша айынан басталған. Сол айда 30 жағдай тіркелсе, желтоқсанда бұл көрсеткіш 142-ге дейін өскен.
Ауру жұқтырғандардың 94 пайызы — 14 жасқа дейінгі балалар, оның ішінде 1 мен 4 жас аралығындағы бүлдіршіндер ең көп ауырған. Мамандардың талдауы көрсеткендей, инфекция жұқтырғандардың 89 пайызы бұған дейін қызылшаға қарсы екпе алмаған. Дәл осы фактор аурудың жаппай таралуына басты себеп болып отыр.
Инфекция ошақтарында 6,8 мыңнан астам қарым-қатынаста болған адам анықталды. Қазіргі уақытта мектептер мен балабақшаларда санитарлық шаралар күшейтілді. Сонымен қатар, бұрын екпеден қалған 18 жасқа дейінгі балалар мен жасөспірімдерді иммундау жұмыстары жүргізіліп жатыр.
Санитарлық-эпидемиологиялық бақылау департаментінің мамандары қызылшаның өте жұқпалы екенін және оның соңы ауыр асқынуларға әкелуі мүмкін екенін ескертеді. Мамандар дерттен қорғанудың жалғыз тиімді жолы уақытылы вакцинация жасау екенін алға тартуда.
«Мектепке жол»: Қонаевта оқушыларға 75 млн теңгеге қолдау көрсетілді
Білім бөлімінің мәліметінше, осы уақытқа дейін мемлекеттік бюджеттен 73 млн теңгеден астам қаржы қарастырылып, 1442 баланың ата-анасының...
