Sona.kz

Метка: Басты оқиғалар

  • Алматыда колонияның бұрынғы басшысы ұсталды

    Алматыда колонияның бұрынғы басшысы ұсталды

    Алматыда сыбайлас жемқорлық ісі бойынша бұрынғы колония басшысы ұсталды. Ақпаратқа сәйкес, құқық қорғау органдарының қызметкерлері әділет полковнигі Әкімбай Бекзат Балтабайұлын сыбайлас жемқорлық ісі бойынша қызметтік кабинетінде ұстаған.

    «Ол Алматы бойынша ҚАЖД-ның №13 ең төменгі қауіпсіздік мекемесінің басшысы қызметін атқарады», – делінген хабарламада.

    ІІМ ҚАЖК берген мәлімет бойынша, аталған тұлға ұсталған сәтте ішкі істер органдарының қызметкері болмаған.

    «Оған қатысты құзырлы органдар сотқа дейінгі тергеу жүргізіп жатыр. Қылмыстық-атқару жүйесі комитеті кез келген құқықбұзушылыққа нөлдік төзімділік саясатын ұстанады және тергеу жүргізіп жатқан органдарға жан-жақты көмек көрсетеді», – деп мәлімдеді ҚАЖК.

  • Астанада жүк көлігінің жүргізушісі 7 жастағы қызды қағып өлтірді

    Астанада жүк көлігінің жүргізушісі 7 жастағы қызды қағып өлтірді

    Астанада жүк көлігі 7 жасар қызды қағып кетті. Бала оқиға орнында көз жұмды. 

    Қайғылы оқиға Бейсекбаев пен Кенесары көшелерінің қиылысында болған. Полицияның хабарлауынша, жүк көлігінің жүргізушісі жол қиылысында бұрылмақ болған. Сол кезде 7 жасар қыз жаяу жүргіншілер жолынан бағдаршамның жасыл түсіне өтіп бара жатқан.

    «Оқиға орнына жедел жәрдем қызметкерлері келді, көрсетілген көмекке қарамастан, биологиялық өлім тіркелді. Қылмыстық іс қозғалды, тергеу жүргізілуде», – деп хабарлады Астананың полиция департаменті.

  • Әйелін ұрып-соққан дипломат Сәкен Мамаш 7 жылға сотталуы мүмкін

    Әйелін ұрып-соққан дипломат Сәкен Мамаш 7 жылға сотталуы мүмкін

    Карина Мамаштың адвокаты Бибінұр Мұратованың айтуынша, экс-дипломат Сәкен Мамаш «Азаптау» бабы бойынша айыпталып, 7 жылға сотталуы мүмкін.

    2024 жылдың мамырында Карина Мамаш (Госманқызы) жұбайы, БАӘ-дегі елшіліктің кеңесшісі Сәкен Мамаштан 10 жыл бойы зорлық-зомбылық көргенін мәлімдеді.

    «Мен күйеуімнің маған жасаған барлық қиянаты үшін дипломатиялық мәртебесінен айырылып, түрмеге жабылғанын қалаймын. Оларға физикалық, жыныстық, эмоционалдық, экономикалық, тұрмыстық зорлық-зомбылық жатады», – деді ол.

    БАӘ-дегі елшіліктің бұрынғы кеңесшісі Әкімшілік құқық бұзушылық туралы кодекстің 73-1-бабы («Денсаулыққа қасақана жеңіл зиян келтіру») бойынша кінәлі деп танылып, 15 тәулікке қамалды.

  • Төтенше жағдайлар министрлігі ел тұрғындарына үндеу жасады

    Төтенше жағдайлар министрлігі ел тұрғындарына үндеу жасады

    Ведомство көктемде күннің жылынуы кезінде шатырлардан қар түсіп, мұздың құлау қаупіне қатысты ескерту жариялады. Ғимараттардың шатырынан қардың түсу қаупі төнген кездегі негізгі ұсынымдар мен сақтық шаралары:

    қар түсуі мүмкін үйлердің шатырына жақындамаңыз, мұндай жерлерде балалардың болуына жол бермеңіз;
    көліктерді шатырына мұз қатқан және қар тұрған құрылыстарға жақын қалдырмаңыз;
    қауіпті жердің қоршауы болған кезде қоршаудан өтіп кетпеңіз, қауіпті жерлерді басқа жолмен айналып өтіңіз;
    құлаққаптарды қолдаңбаңыз, себебі төбеден құлап жатқан қардың шуын естімейсіз.

    «Егер табанжолмен жүріп бара жатқанда сіз төбеде күмәнді шу естіген болсаңыз – тоқтамаңыз. Бәлкім, бұл қардың немесе мұздың құлауы болар. Ғимараттан қашуға да болмайды. Тезірек ғимараттың қабырғасына жақындап тұрыңыз, шатырдың күнқағары бүркеме қызметін атқарады», – деп жазылған хабарламада.

  • «Жетісу» футбол клубының директоры сотталды

    «Жетісу» футбол клубының директоры сотталды

    Залалдың толық өтелуіне және ауыр сырқаттың болуына байланысты Донсебаев мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салумен 7 жылға бас бостандығын шектеуге сотталды.

    Үкім заңды күшіне енді.

     

  • Алматыда элиталық үйдің күзетшісін өлтірген азамат 24 жылға сотталуы мүмкін

    Алматыда элиталық үйдің күзетшісін өлтірген азамат 24 жылға сотталуы мүмкін

    Алматыдағы элиталық тұрғын үй кешенінде күзетшіні өлтірген 45 жастағы тұрғын 24 жылға бас бостандығынан айырылуы мүмкін, деп хабарлайды КТК арнасы.

    Күдіктіге ерекше қатыгездікпен кісі өлтіру және жеке өмірге қол сұғылмаушылықты бұзу баптары бойынша айып тағылған. Ол бұрынғы серіктесінің интимдік бейнелерін таратқандықтан, сот жабық есік жағдайында өтуде.

    Қорғау тарапы күдіктінің психикалық ауытқулары бар екенін алға тартып, оны қылмыстық жауапкершіліктен босатуға тырысты. Алайда сараптама нәтижесі оның ақыл-есі дұрыс екенін және қылмыс жасаған сәтте өз іс-әрекетін толық түсінгенін көрсетті.

    «Жауапкершіліктен құтылу үшін ол өзін психикалық ауру ретінде көрсетті. Бірақ сарапшылар оның қылмыс жасаған кезде аффект күйінде болмағанын анықтады», – деді адвокат Ерлан Адаев.

    Айыптаушы тарап оны 24 жылға бас бостандығынан айыруды сұраса, сотталушының қорғаушылары істі жеңілірек «Адам өліміне әкеп соққан денсаулыққа ауыр зиян келтіру» бабына өзгертуді талап етуде.

    Қаза тапқан күзетші Нұрбол Қайыпбаев үш баланың әкесі болған. Үлкен қызы – 15 жаста, кенже ұлы – 6-да. Марқұмның жесірі Әсем Молдахунова айыпталушының ата-анасы кешірім сұрағанын, алайда ешқашан кешірмейтінін айтты.

    «Балаларымыз әкесін іздейді. Біз бәріміз сені сағындық. Бірақ оны ешкім қайтара алмайды. Сондықтан оның қалған өмірін темір тордың ар жағында өткізгенін қалаймыз», – деді ол.
    Жесір әйел соттан қылмыскерді өмір бойына бас бостандығынан айыруды және материалдық шығынды өтеуді талап етуде.

  • Маңғыстау облысында бірнеше мұғалім жалған дипломмен жұмыс істеген

    Маңғыстау облысында бірнеше мұғалім жалған дипломмен жұмыс істеген

    Маңғыстау облысында білім беру сапасының заңдылығына жүргізілген талдау нәтижесінде педагогтардың кәсіптік даярлықтан өту куәліктерінің жалған екендігі анықталды.

    Прокуратура мәліметінше, «Ә» есімді педагог 2024 жылдың наурыз айында SDU University университетінің (Алматы қаласы) «Арнайы педагогика» мамандығы «логопед-дефектолог» біліктілігі бойынша қайта даярлау курсынан өткені туралы жалған куәлігін пайдаланып, мектепте «педагог-психолог» лауазымында жұмыс істеген.

    Осыған ұқсас деректер аудандағы орта білім беру ұйымдарындағы 6 педагогтен анықталды.

    «Аталған әрекеттер үшін, сот үкімімен 7 педагог Қазақстан Республикасының Қылмыстық Кодексінің 385-бабы 3-бөлігімен кінәлі деп танылып, оларға айыппұл жазасы тағайындалды», — делінген хабарламада.

  • Түркістан облысында 10-сынып оқушысы суицид жасаған

    Түркістан облысында 10-сынып оқушысы суицид жасаған

    Түркістан облысының Бәйдібек би ауданында 10-сынып оқушысы суицид жасаған.

    Оқушы не үшін өзіне қол жұмсағаны әзірге белгісіз. Otyrar.kz мәліметінше, қазіргі уақытта соталды тергеу жүріп жатыр.

    — Қылмыстық іс бойынша процессуалдық прокурор тағайындалды. Тиісті нұсқаулар берілді. Қазіргі уақытта қажетті тергеу амалдары жүргізілуде. Бұл қылмыстық іс облыстық прокуратураның бақылауында. Қазақстан Республикасы Қылмыстық-процестік кодексінің 201-бабына сәйкес өзге мәліметтер жария етуге жатпайды, деп түсіндірді Түркістан облысының прокуратурасы.

  • Талдықорғанда жарылған көлікке қатысты жаңа дерек шықты

    Талдықорғанда жарылған көлікке қатысты жаңа дерек шықты

    4 наурыз күні Талдықорған маңындағы Еркін ауылында жеке тұрғын үйдің аумағында көлік жарылды. Оқиғаға қатысты QAZAQGAZ AIMAQ компаниясы пікір білдірді.

    Компанияның мәліметінше, төтенше жағдайлар қызметі оқиға орнына жетіп, қажетті жұмыстарды бастаған.

    «Оқиға орнында газ анализаторының көмегімен газдың шоғырлануын анықтау мақсатында газ құбыры бойында бұрғылау тексерісі жүргізілді. Сондай-ақ 50 метр радиуста газ ұңғымаларында және іргелес коммуникация ұңғымаларында жұмыстар атқарылды», – деді QAZAQGAZ AIMAQ АҚ Жетісу өндірістік филиалының апаттық-диспетчерлік қызметінің басшысы Вячеслав Рубан.

    Мамандар газдың таралғаны расталмағанын хабарлады. Техникалық тексеріс жүргізіліп, тиісті акт жасалды.

    Оқиға 4 наурыз күні таңертең болғанын еске саламыз. Үй иесі қыздарын мектепке апаруға дайындалып, көлігін оталдырған сәтте жарылыс болған. Көлік тұратын орын жермен жексен болып, үйдің бір қабырғасы қирады.

  • 6 наурыз күні 9 өңірде дабыл жүйесі қосылады

    6 наурыз күні 9 өңірде дабыл жүйесі қосылады

    «6-7 наурызда еліміздің солтүстік, шығыс және орталық өңірлерінде «Су тасқыны кезеңі жағдайларындағы төтенше жағдайларды жою кезіндегі іс-қимылдарға азаматтық қорғаудың мемлекеттік жүйесінің басқару органдарын, күштері мен құралдарын дайындау» тақырыбы бойынша «Көктем-2025» республикалық командалық-штабтық оқу-жаттығудың 2-ші кезеңі өтеді», – делінген хабарламада.

    Оқу үйлестіру және жетекшілік ету жөніндегі республикалық штаб Қостанайда орналасады. Оқу-жаттығу шеңберінде екі күн бойы Астана қаласында, Ақмола, Шығыс Қазақстан, Қостанай, Қарағанды, Павлодар, Солтүстік Қазақстан, Абай және Ұлытау облыстарында профилактикалық іс-шаралар кешені өткізіледі.

    «Сонымен қатар «Баршаның назарына!» дабылы бойынша аумақтық деңгейдегі құлақтандыру жүйесінің дайындығын тексеру мақсатында еліміздің 9 өңірінде 2025 жылғы 6 наурызда сағат 11.00-де барлық дыбыстық электр дабылдары қосылатын болады. Осыған орай тыныштық сақтап, үрейге бой алдырмауларыңызды сұраймыз», – делінген ТЖМ хабарламасында.