Sona.kz

Метка: Басты жаңалықтар

  • Қонаев қаласындағы №4 жағажайға қатысты әкімдік ресми мәлімдеме жасады

    Қонаев қаласындағы №4 жағажайға қатысты әкімдік ресми мәлімдеме жасады

    Соңғы уақытта әлеуметтік желілерде Қонаев қаласындағы №4 жағажайға қатысты нақты емес, жалған ақпараттар тарап, қоғамда түрлі пікірлер туындады. Осыған байланысты қала әкімдігі ресми түсініктеме жариялады.

    Ресми мәліметке сәйкес, №4 жағажай — Қонаев қаласының коммуналдық меншігі. Бұл нысан «Жасыл қала Қонаев» мекемесіне сенімгерлік басқаруға берілген. Аталған ұйым жағажай аумағын кәсіпкер Яна Ужбетоваға (Бауыржан Ужбетов) үш айлық шомылу маусымына жалға берген. Екі тарап арасында ресми келісімшарт бекітілген, онда барлық талаптар мен міндеттемелер нақты көрсетілген.

    2023 жылы тұрғындар тарапынан кәсіпкердің әрекеттеріне қатысты әкімдікке бірнеше ресми шағым түскен. Соған қарамастан, биыл да «Жасыл қала Қонаев» кәсіпкермен жалдау келісімін жасады.

    Бұған дейін кәсіпкер жағажай аумағын өз бетінше заңсыз қоршап, жаяу келушілерден төлем алғаны анықталған. Қала әкімдігінің талабымен бұл олқылықтар түзетіліп, қоршаулар алынып, төлем алу тоқтатылған.

    Қазіргі уақытта жағажайда құтқару мұнарасы мен медициналық пункт жоқ. Осыған байланысты кәсіпкерге ресми ескерту жасалды. Қазір ол тек автотұрақ үшін ақы алып отыр.

    Әлеуметтік желіде тараған видеода кәсіпкер жағажай аумағын жеке меншігі ретінде көрсетіп, әкімдікті қысым жасауға тырысты деп айыптаған. Алайда әкімдік бұл мәлімдемені жоққа шығарып, №4 жағажай — қала иелігіндегі жер екенін, ал кәсіпкердің меншікті растайтын ешқандай ресми құжаты жоқ екенін мәлімдеді. Сонымен қатар кәсіпкер тарапынан әртүрлі мемлекеттік органдарға негізсіз шағымдар жолданып жатқаны хабарланды. Ал әкімдіктің қолында келісімшарт пен тұрғындардың шағымдарына қатысты ресми құжаттар бар.

    Қазіргі таңда Қонаев қаласы әкімдігі №4 жағажайды және жалпы ұзындығы 6 шақырым жағалауды абаттандыру жобасын қолға алған. Қазір жоба-сметалық құжаттар дайындалуда. Бұл жобаға №4 жағажай да енеді.

    Әкімдік шағын және орта бизнес өкілдері мен инвесторларға қолдау көрсетуге әрқашан дайын екенін мәлімдеді. Алайда бұл қолдау тек қолданыстағы заң аясында ғана көрсетіледі. Сонымен бірге, тұрғындарға расталмаған ақпаратқа сенбеуге кеңес беріліп, жалған мәлімет тарату және жала жабу фактілері үшін заң алдында жауапкершілік қарастырылатыны ескертілді.

  • Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанда дәрігерлерге шабуыл жасағандарға қатаң жаза енгізу ұсынылды ⠀

    Қазақстанның Қылмыстық кодексіне медицина қызметкерлеріне шабуыл жасау мен қорқытуға қатысты жаңа — 158-1-бап енгізу жоспарланып отыр. Бұл туралы Денсаулық сақтау министрі Ақмарал Әлназарова мәлімдеді, деп хабарлайды Sona.kz Tengrinews.kz-ке сілтеме жасап.
    ⠀
    Министрдің айтуынша, бұл түзетулер Мемлекет басшысының тапсырмасымен әзірленген және Бас прокуратура мен Ішкі істер министрлігінің алдын ала мақұлдауынан өткен. Жобада мынадай жаза түрлері қарастырылған:
    – қорқыту әрекеті үшін — 2 жылға дейін бас бостандығын шектеу,
    – зорлық-зомбылық қолданса — 2 жылдан 7 жылға дейін бас бостандығынан айыру,
    – төтенше жағдай кезінде жасалса — 10 жылға дейін,
    – бірнеше адам топ болып бірнеше медицина қызметкеріне шабуылдаса — 15 жылға дейін бас бостандығынан айыру.
    ⠀
    Министр бұл шаралар медицина қызметкерлерінің өмірі мен қауіпсіздігін қорғау үшін қажет екенін айтты. Заң жобасы қыркүйек айында Парламентке енгізіледі.
    ⠀

  • Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанада жеңіл рельсті көлік (LRT) желісінің құрылыс жұмыстарының жартысынан көбі аяқталды. Бұл туралы Sona.kz Azattyq Rýhy сайтына сілтеме жасап хабарлайды.
    ⠀
    «Қазақстан темір жолы құрылыс» компаниясының мәліметінше, бүгінде жобаның 50%-дан астамы дайын:
    – 300 мың шаршы метрден астам жол төсемі салынды,
    – тірек бағандары мен негізгі конструкциялар орнатылды,
    – инженерлік жүйелер жүргізілуде.
    ⠀
    Болашақ желінің сұлбасы анық көріне бастады. Кейбір учаскелерде сынақ жұмыстары жүріп жатыр. Құрылыс кезінде қауіпсіздік пен тұрақтылыққа ерекше назар аударылуда.
    ⠀
    2026 жылға қарай LRT толық іске қосылып, елордадағы көлік қозғалысын айтарлықтай жеңілдетеді, жолаушылардың жолда өткізетін уақытын қысқартады деп күтілуде.
    ⠀
    Бұл жоба ұлттық көлік инфрақұрылымын дамыту жоспары аясында жүзеге асып жатыр және қала үшін басым бағыттардың бірі саналады.

  • Қонаев дәрігерлері 3 жасар баланың жанын аман сақтап қалды

    Қонаев дәрігерлері 3 жасар баланың жанын аман сақтап қалды

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.

  • Прокурор: «Садақа – мансап құралы емес»

    Прокурор: «Садақа – мансап құралы емес»

    Перизат Қайрат пен оның анасы Ғайни Алашбаеваның ұрлық пен алаяқтық жасады деген ісі бойынша өткен сот отырысында мемлекеттік айыптаушы Мадина Оразалина айыпталушыларға қатысты қатаң мәлімдеме жасады. Бұл туралы Sona.kz Tengrinews.kz-ке сілтеме жасап хабарлайды.

    Прокурор сөзін қазақ халқына алғыс білдіруден бастады:
    «Қазақ халқы – жомарттық пен ар-ождан иесі. Бірақ бұл істе біз аманат, адалдық, қайырымдылық ұғымдарының сатылуына куә болдық», – деді Оразалина.

    Оның айтуынша, Перизат Қайрат науқас балаларға, су тасқынынан зардап шеккендерге және Палестина халқына көмек беруге уәде еткен. Ол халықтың сенімі мен қолдауына ие болып, сол мүмкіндіктерді жеке пайдасына пайдаланған.

    «Бұл – жай ғана қылмыстық іс емес. Бұл – прецедент. Енді кімде-кім “қайырымдылық” сөзін жеке пайдасы үшін жамылғы етсе, ол халық үнсіз қалмайтынын, мемлекет көз жұмай қарамайтынын, ал сенім – шексіз емес екенін білуі керек», – деді прокурор.

    Оразалина нағыз мейірімділік пен өзгенің қайғысын саудаға салу арасында нақты шекара болу керектігін айтты.
    «Біз ашық айтамыз: садақа – мансаптың құралы емес. Егер біреу қазақ халқының кеңпейілдігі арқылы пайда табуға тырысса, ол қошеметке емес, сотқа тап болады. Халық сенімі – бренд те, әмиян да емес. Бұл – аманат. Ал аманатты сатқан адам түбінде әшкере болады», – деп түйіндеді мемлекеттік айыптаушы.

  • Адвокат Шекеев: Нұрқанаттың ісінде жауапсыз қалған жайттар бар

    Адвокат Шекеев: Нұрқанаттың ісінде жауапсыз қалған жайттар бар

    Адвокаттың айтуынша, Нұрқанаттың анасы қайғылы оқиға алдында дәрігер Бауыржан Абдрахмановтың Қаржаубай отбасы туралы бейнежазба жариялағанын жеткізген. Жәбірленуші ретінде танылған Жұмабике есімді азаматша осы видеоға байланысты шағым түсіріп, дәрігерден жауап алуды талап еткен. Алайда бұл арыздың соңы «аяқсыз қалған».

    Шекеев мұндай фактілер ҚР Қылмыстық-процестік кодексінің 24-бабына сай толық тексерілмегенін атап өтті.

    Айта кетейік, жасөспірім Шерзаттың өлімінен кейін екі ай өтпей, оның немере ағасы Нұрқанат Ғайыпбаев та қайтыс болған. Нұрқанаттың соңғы жазбасы әлеуметтік желіде тарап, қоғамда үлкен талқылауға себеп болды.

  • Астанада тұрғын үй жанында көлік өртенді: зардап шеккендер жоқ

    Астанада тұрғын үй жанында көлік өртенді: зардап шеккендер жоқ

    Астананың Байқоңыр ауданында көпқабатты тұрғын үй ауласында тұрған жеңіл көлік өртенді, деп хабарлайды Sona.kz Төтенше жағдайлар министрлігінің ресми мәліметіне сілтеме жасап.

    Көліктің отқа оранғаны туралы хабар түскен соң, оқиға орнына өрт сөндіру қызметі дереу жетіп, жалынды толық сөндірді. Қаза болғандар мен зардап шеккендер жоқ.

    Қазіргі уақытта өрттің нақты себебі анықталып жатыр. Алдын ала болжам бойынша, өрт техникалық ақаудан шығуы мүмкін.

    ТЖМ азаматтарды, әсіресе көлік жүргізушілерін, өрт қауіпсіздігі ережелерін сақтауға шақырады. Көліктерде сымдардың, аккумулятордың және жанармай жүйесінің жағдайына үнемі назар аудару қажет.

  • Сүйген адам қол көтермейді: Карина Мамаш бұрынғы күйеуіне шыққан үкімге пікір білдірді

    Сүйген адам қол көтермейді: Карина Мамаш бұрынғы күйеуіне шыққан үкімге пікір білдірді

    Астанада бұрынғы дипломатты 6 жылға бас бостандығынан айырғаннан кейін, оның бұрынғы жұбайы Карина Мамаш сот үкіміне қатысты алғаш рет пікір білдірді, деп хабарлайды Sona.kz NUR.KZ тілшісіне сілтеме жасап.

    «Қыз-келіншектерге айтарым – сүйген адам қол көтермейді. Үмітсіз жағдай жоқ. Елде дағдарыс орталықтары бар, жүрегімен жұмыс істейтін жандар бар. Әділет түбінде орнайды», – деді Карина Мамаш.

    Ол сондай-ақ осы процесте қолдау білдірген барлық жанашыр азаматтарға алғысын айтты.

  • Сакен Мамаш 6 жылға сотталды: экс-дипломаттың тұрмыстық зорлығы сотта дәлелденді

    Сакен Мамаш 6 жылға сотталды: экс-дипломаттың тұрмыстық зорлығы сотта дәлелденді

    Астанада бұрынғы дипломат Сакен Мамаштың үстінен қозғалған қылмыстық іс бойынша сот үкімі шықты. Ол өзінің бұрынғы жұбайы Карина Госманға жүйелі түрде зорлық-зомбылық көрсеткені үшін кінәлі деп танылып, 6 жылға бас бостандығынан айырылды.

    Сот отырысы жабық режимде өтті. БАҚ өкілдеріне тек алғашқы және соңғы отырысқа қатысуға рұқсат берілген. Үкім бойынша, Мамаш Қылмыстық кодекстің 110-бабының 2-бөлігіне сәйкес – материалдық тәуелді адамға жүйелі түрде қатыгездік көрсету бойынша айыпталды.

    Тергеу материалдарына сәйкес, 2019 жылдан 2024 жылға дейін, алдымен Астанада, кейін Абу-Дабиде ол әйелі Каринаға бірнеше рет күш қолданып, оны психологиялық қысымда ұстаған. Әйелдің еркін қозғалуына, жақындарымен қарым-қатынасына шектеу қойған, қоңыраулары мен жазысқан хаттарын үнемі бақылауда ұстаған. Сонымен қатар, жәбірленуші күйеуіне толықтай материалдық тұрғыдан тәуелді болған: өзі жұмыс істемеген, тек дипломат жұбайы ретінде жәрдемақы алып тұрған. Алайда сол қаражатты да Мамаш өз бетінше басқарған.

    Сотта жәбірленуші мен куәлардың айғақтары, медициналық сараптама қорытындылары, скриншоттар мен бейнематериалдар айыптау тарапына дәлел ретінде ұсынылды. Мамаш өз кінәсін мойындаған жоқ. Алайда сот оны кінәлі деп танып, 6 жылға бас бостандығынан айырып, дипломатиялық дәрежесінен де айырды.

    Сот үкімі әзірге заңды күшіне енген жоқ.

  • Қазақстанда ҚҚС 16% болды: Тоқаев жаңа Салық кодексіне қол қойды

    Қазақстанда ҚҚС 16% болды: Тоқаев жаңа Салық кодексіне қол қойды

    Президент Қасым-Жомарт Тоқаев жаңа Салық кодексіне және салық саласына қатысты заңнамалық актілерге өзгерістер енгізетін ілеспе заңға қол қойды, деп хабарлайды Sona.kz Ақордаға сілтеме жасап.

    Жаңа кодекс салық жүйесін жеңілдетіп, әкімшілендіруді оңтайландыруды көздейді. Нәтижесінде салық есептілігі 30%-ға, ал салық түрлері 20%-ға қысқарады.

    Негізгі өзгерістер:
    • Қосылған құн салығының (ҚҚС/НДС) жаңа базалық мөлшерлемесі — 16%;
    • Дәрі-дәрмек пен медициналық қызметтерге:
    • 2026 жылдан бастап — 5%,
    • 2027 жылдан бастап — 10%;
    • Тегін медициналық көмек, әлеуметтік медициналық сақтандыру аясындағы қызметтер, сирек кездесетін (орфандық) және әлеуметтік маңызы бар ауруларды емдеу, кітаптар шығару, археологиялық жұмыстар — ҚҚС-тан босатылады;
    • Бұқаралық басылымдар үшін — 10% мөлшерлеме белгіленеді;
    • ҚҚС бойынша тіркеу шегі — 10 000 АЕК (шамамен 40 млн теңге);
    • Еңбек өтілі 10 жылдан асқан көліктер үшін көлік салығы төмендетіледі;
    • Жеке табыс салығы бойынша прогрессивті шкала енгізіледі: жылдық табысы 8 500 АЕК-тен асатындар үшін мөлшерлеме — 15%;
    • Банктер мен ойын бизнесі үшін корпоративтік табыс салығы (КТС) — 25%;
    • Әлеуметтік сала ұйымдары үшін:
    • 2026 жылы — 5%,
    • 2027 жылы — 10%;
    • Геологиялық барлау және пайдалы қазбаларды өндіру саласында — НДПИ 0% (5 жыл мерзімге);
    • Қымбат тауарларға (автокөлік, яхта, элиталық алкоголь, сигара және т.б.) 10% акциз салығы енгізіледі;
    • Салықтық әкімшілендіру жеңілдетіледі, камералдық бақылау ескерту сипатында жүргізіледі.

    Жаңа Салық кодексі 2026 жылғы 1 қаңтардан бастап күшіне енеді.