Sona.kz

Метка: Қонаев

  • Қонаевта тұрғын үй құрылысы қарқын алды

    Қонаевта тұрғын үй құрылысы қарқын алды

    Қонаев қаласында құрылыс қарқыны артып, жаңа тұрғын үй кешендері мен инфрақұрылымдық нысандар бой көтеріп жатыр.

    Д. Қонаев көшесінде «MDI Construction» компаниясы жеті төрт қабатты блоктан тұратын «Маяк» тұрғын үй кешенін салып жатыр. Кешенде 216 пәтер, сондай-ақ тұрғындарға арналған кафе, дүкен және спорт залы болады.

    19-шағынауданда «Хаммер Бау Девелопмент» компаниясы үш тоғыз қабатты үйден тұратын «Атамекен» кешенін тұрғызуда. Жоба 2025 жылдың соңына дейін толық аяқталмақ.

    «Али-Нұр транс» компаниясы жүзеге асырып жатқан «NNS City» – ең ірі жобалардың бірі. Мұнда 21 бес қабатты үй салынып, 600-ге жуық пәтер пайдалануға беріледі. Алғашқы үйлер 2025 жылдың қарашасында тапсырылмақ.

    Қала орталығында «Retail Construction» компаниясы 50 пәтерлік бес қабатты үй тұрғызуда. Нысан 2025 жылдың желтоқсанында аяқталады.

    «R&M Construction» компаниясының «Аристократ» жобасы – 25 тұрғын үйден тұрады. Бірнеше үйі қазірдің өзінде қолданысқа берілген, толық аяқталуы 2027 жылға жоспарланған.

    «GS QURYLYS» компаниясының «Comfort» кешені төрт үйден тұрады. Сауда орындары мен автотұрағы бар жоба 2026 жылдың алғашқы тоқсанында қолданысқа беріледі.

    10-шағынауданда «Chinese Foreign Construction Company» «Феникс» кешенінің құрылысын бастады. Алғашқы кезек 2026 жылы аяқталады.

    Әкімдік мәліметінше, биылғы алғашқы жартыжылдықта қалада 14,2 мың шаршы метр тұрғын үй пайдалануға берілген. Бұл өткен жылдың сәйкес кезеңімен салыстырғанда 65,2%-ға көп. Құрылыс көлемі – 8 млрд теңге.

  • Қонаевта білім саласына бағытталған үшжақты меморандумға қол қойылды

    Қонаевта білім саласына бағытталған үшжақты меморандумға қол қойылды

    Қонаев қаласында Халықаралық инженерлік-технологиялық университет, қала әкімдігі және білім бөлімі өзара ынтымақтастық туралы үшжақты меморандумға қол қойды.

    Құжатқа Қонаев қаласының әкімі Асхат Бердіханов, университет ректоры Дархан Ақпанбетов және қалалық білім бөлімінің басшысы Қаламқас Қойшыбаева қол қойды.

    Меморандум аясында қала мектептеріндегі оқушыларды кәсіби бағыттау, дуальды оқыту жүйесін енгізу, сондай-ақ Қонаевтың әлеуметтік-экономикалық дамуына қажетті мамандарды даярлау жоспарланып отыр. Тараптар білім беру саласында тәжірибе алмасу, бірлескен жобалар мен іс-шаралар өткізу бағытында жұмыс істеуге келісті.

    Сонымен қатар, университет Қонаев қаласының үш түлегіне білім грантын табыстады. Алдағы уақытта бұл бастама жалғасын табады деп күтілуде.

  • Қонаевта сенбілікке 400-ге жуық тұрғын қатысты

    Қонаевта сенбілікке 400-ге жуық тұрғын қатысты

    Қонаев қаласында 1-2 тамыз күндері «Таза Қазақстан» республикалық экологиялық акциясы аясында кең ауқымды сенбілік ұйымдастырылды. Оған қала мектептерінің ұжымдары, белсенді ата-аналар, мемлекеттік мекеме қызметкерлері, коммуналдық сала мамандары, қоғамдық ұйымдар мен тұрғындар атсалысты.

    Алғашқы күні қала мектептерінің аумағында санитарлық тазалау жұмыстары жүргізілді. 180-нен астам адам қатысқан сенбілікте 70 қап қоқыс жиналып, қураған шөптер шығарылды.

    2 тамызда сенбілік 7 саяжай аумағында жалғасты. Бұл шараға әкімдік пен коммуналдық қызметтердің 60 маманы, «Ана сәулесі» көпбалалы аналар ұйымы, Ардагерлер ұйымы және Аналар кеңесінің мүшелері белсенді қатысты. Сондай-ақ «Асем» пәтер иелері кооперативінің тұрғындары да өз үлесін қосты.

    Жалпы екі күндік сенбілікке 400-ге жуық адам қатысып, 100 тоннаға жуық қоқыс шығарылды. Жұмысқа 4 жүк көлігі тартылды.

    Аталған шара қала тұрғындарының экологиялық мәдениетін арттырып қана қоймай, қала тазалығын сақтауға әсер етеді. «Таза Қазақстан» акциясы аясында сенбіліктер алдағы уақытта да ұйымдастырылады.

  • Қонаевқа екі айда 1,5 миллион турист келген

    Қонаевқа екі айда 1,5 миллион турист келген

    Қапшағай су қоймасының жағалауында орналасқан екі негізгі рекреациялық аймақ – Алматы және солтүстік жағалауы – биылғы маусымда ең танымал демалыс орындарына айналды. Алматы жағалауы – ірі қонақ үй кешендері мен жеке жағажайлармен танымал болса, солтүстік жағалау – заманауи инфрақұрылымы бар қоғамдық демалыс аймағы ретінде дамып келеді.

    Абаттандырылған №5, №6 және №7 жағажайларға негізгі жүктеме түсті. Мұнда санитарлық және қауіпсіздік талаптары сақталған: 75 әжетхана, 170 қоқыс контейнері, құтқарушылар мен медицина қызметкерлері кезекшілік етеді. Мысалы, №5 жағажайда 20 адам жұмыс істеп, демалыс күндері 2,5 тоннаға дейін қоқыс шығарылады. №6 және №7 жағажайларында 30 қызметкер, оның ішінде 10 құтқарушы мен медицина қызметкері бар. Бұл жерлерде қоқыс көлемі 3 тоннаға дейін жетеді.

    Жағалаудағы қауіпсіздікті полиция, ТЖ қызметі мен жеке күзет ұйымдары бақылайды. Сонымен қатар, жасанды интеллектке негізделген бейнабақылау жүйелері орнатылған. Әкімдік жазатайым жағдайлардың көбісі рұқсат етілмеген жерлерде болатынын атап өтті, сондықтан тек ресми жағажайларда демалуға шақырды.

    Қалада бүгінде 140-қа жуық туристік нысан жұмыс істейді. Маусым аяқталған соң, №6 және №7 жағажайларын жаңғырту және №8 жағажайды абаттандыру жоспарланып отыр. Жалпы жағалау ұзындығы 6,1 шақырымды құрап, бірыңғай сәулеттік жоспарға сай дамиды.

    2028 жылға дейін қалада құны 300 миллиард теңгеден асатын 11 ірі туристік жоба іске асырылмақ. Олардың қатарында қонақ үй кешендері, ойын-сауық орталықтары, гольф-клубтар және отбасылық демалыс аймақтары бар.

    Қала әкімдігі Қонаевты заманауи, қауіпсіз әрі қолжетімді туристік орталық ретінде дамыту – басым бағыттардың бірі екенін мәлімдеді.

  • Қонаев қаласындағы №4 жағажайға қатысты әкімдік ресми мәлімдеме жасады

    Қонаев қаласындағы №4 жағажайға қатысты әкімдік ресми мәлімдеме жасады

    Соңғы уақытта әлеуметтік желілерде Қонаев қаласындағы №4 жағажайға қатысты нақты емес, жалған ақпараттар тарап, қоғамда түрлі пікірлер туындады. Осыған байланысты қала әкімдігі ресми түсініктеме жариялады.

    Ресми мәліметке сәйкес, №4 жағажай — Қонаев қаласының коммуналдық меншігі. Бұл нысан «Жасыл қала Қонаев» мекемесіне сенімгерлік басқаруға берілген. Аталған ұйым жағажай аумағын кәсіпкер Яна Ужбетоваға (Бауыржан Ужбетов) үш айлық шомылу маусымына жалға берген. Екі тарап арасында ресми келісімшарт бекітілген, онда барлық талаптар мен міндеттемелер нақты көрсетілген.

    2023 жылы тұрғындар тарапынан кәсіпкердің әрекеттеріне қатысты әкімдікке бірнеше ресми шағым түскен. Соған қарамастан, биыл да «Жасыл қала Қонаев» кәсіпкермен жалдау келісімін жасады.

    Бұған дейін кәсіпкер жағажай аумағын өз бетінше заңсыз қоршап, жаяу келушілерден төлем алғаны анықталған. Қала әкімдігінің талабымен бұл олқылықтар түзетіліп, қоршаулар алынып, төлем алу тоқтатылған.

    Қазіргі уақытта жағажайда құтқару мұнарасы мен медициналық пункт жоқ. Осыған байланысты кәсіпкерге ресми ескерту жасалды. Қазір ол тек автотұрақ үшін ақы алып отыр.

    Әлеуметтік желіде тараған видеода кәсіпкер жағажай аумағын жеке меншігі ретінде көрсетіп, әкімдікті қысым жасауға тырысты деп айыптаған. Алайда әкімдік бұл мәлімдемені жоққа шығарып, №4 жағажай — қала иелігіндегі жер екенін, ал кәсіпкердің меншікті растайтын ешқандай ресми құжаты жоқ екенін мәлімдеді. Сонымен қатар кәсіпкер тарапынан әртүрлі мемлекеттік органдарға негізсіз шағымдар жолданып жатқаны хабарланды. Ал әкімдіктің қолында келісімшарт пен тұрғындардың шағымдарына қатысты ресми құжаттар бар.

    Қазіргі таңда Қонаев қаласы әкімдігі №4 жағажайды және жалпы ұзындығы 6 шақырым жағалауды абаттандыру жобасын қолға алған. Қазір жоба-сметалық құжаттар дайындалуда. Бұл жобаға №4 жағажай да енеді.

    Әкімдік шағын және орта бизнес өкілдері мен инвесторларға қолдау көрсетуге әрқашан дайын екенін мәлімдеді. Алайда бұл қолдау тек қолданыстағы заң аясында ғана көрсетіледі. Сонымен бірге, тұрғындарға расталмаған ақпаратқа сенбеуге кеңес беріліп, жалған мәлімет тарату және жала жабу фактілері үшін заң алдында жауапкершілік қарастырылатыны ескертілді.

  • Қонаев дәрігерлері 3 жасар баланың жанын аман сақтап қалды

    Қонаев дәрігерлері 3 жасар баланың жанын аман сақтап қалды

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.

  • Жол ережелеріне сақ болу қажет: автобус жүргізушісі

    Жол ережелеріне сақ болу қажет: автобус жүргізушісі

    ҚР Президенті 2025 жылды «Жұмысшы мамандықтар жылы» деп жариялады. Осыған байланысты біз Қонаевта автобус жүргізушісі болып қызмет ететін азаматпен тілдесіп, мамандығының қыр-сырын біліп қайттық.

    Бұршақ Жанәділұлы 2000 жылдан бері автобус жүргізушісі болып жұмыс істейді. Айтуынша, таңғы 5:00-де басталатын қызметтің шыжығы да қызығы да мол.

    «Таңда жұмысқа келеміз, медициналық тексерістен өтеміз. Ал автобусты техникалық тексерістен өткіземіз. Содан кейін бағыттар бойынша жүру басталады. Күніне 15 рейс орындаймыз. Кешке автобусты жуып, тазалап, тағы бір мәрте техникалық тексеріс болады», — деді маман.

    Оның сөзіне сүйенсек, автобус жүргізушісі ең алдымен жол ережесін сақтауға мұқият болуы қажет.

    «Жұмыстың жауапкершілігі көп. Адамдардың мініп-түсуі, жаяу жүргіншілерге жол беру, бағдаршамның жасыл түсіне ғана жүру секілді іс-қимылдарға үнемі сақ болу керек. Біздің қолымызда бірнеше адамның өмірі тұрады. Сондықтан автобусты абайлап, мұқият жүргізуіміз тиіс», — деді Бұршақ.

    Автобус жүргізушісі жолда қиындықтар да кездесетінін атап өтті.

    «Кейде көлік ағыны көбейеді. Сонда жол жүру қиынға соғады. Көңіл күйді түсіретін жолаушылар да бар. Ондай жағдайларға көп мән бермеуге тырысамын. Ал кей тұрғындар электронды карта жүйесін қолдана алмайды. Ондайда көмек көрсетемін, түсіндіремін», — деді ол.

    Қоғамдағы орны көп байқала бермейтін, алайда, олар болмаса, қаланың тыныс-тіршілігі тұралап қалатын мамандарды әрқашан бағалай беруіміз керек. Нағыз еңбек адамы – автобус жүргізушісі.

  • Қонаевта ветеринария саласының мамандарына құрмет көрсетілді

    Қонаевта ветеринария саласының мамандарына құрмет көрсетілді

    Қонаев қаласында Ветеринария күніне орай сала мамандары қала әкімінің Алғыс хатымен марапатталды. Марапаттарды қала әкімінің орынбасары Төлеген Кенжебеков арнайы табыстап, тұрғындар мен жануарлардың қауіпсіздігін қамтамасыз етудегі ветеринар мамандардың еңбегін ерекше атап өтті.

    Төрт түлік малдың өсімі, тұрғындардың азық-түлік қауіпсіздігі, сондай-ақ қаңғыған иттер мен мысықтардың тұрғындарға қауіп төндірмеуі – ветеринария саласының күнделікті жүйелі жұмысының нәтижесі.

    Алғыс хатпен марапатталған мамандар тізімі:
    • Ілияс Төлегенұлы Күмісбеков – ветеринариялық санитар,
    • Марат Мұратұлы Серекбаев – Шеңгелді ауылдық округінің ветеринариялық пункт меңгерушісі,
    • Манзура Төлеуовна Рысмағамбетова – ветеринариялық фельдшер,
    • Қарлығаш Иманғалиевна Игісенова – ветеринариялық фельдшер,
    • Қалдыбек Сержанұлы Сержан – ветеринариялық фельдшер,
    • Азамат Бейбітұлы Сегізбаев – ветеринариялық фельдшер,
    • Манарбек Апрелханович Сұлтанов – қаңғыбас иттер мен мысықтарды аулау бригадасының маманы,
    • Бауыржан Әпенұлы Әбдікәрімов – қаңғыбас иттер мен мысықтарды аулау бригадасының маманы,
    • Алмас Ахметкәрімұлы Құрманов – қаңғыбас иттер мен мысықтарды аулау бригадасының маманы.

    Сала мамандарына көрсетілген бұл құрмет – олардың тынымсыз әрі қоғам үшін аса маңызды еңбегіне берілген әділ баға.

  • Қонаевта жасыл желектер зиянкестерге қарсы өңделіп жатыр

    Қонаевта жасыл желектер зиянкестерге қарсы өңделіп жатыр

    Қонаев қаласында ағаштардың сәндік келбетін арттырып, түрлі зиянкестер мен ауруларға төзімділігін күшейту мақсатында жасыл желектерге кешенді өңдеу жұмыстары жүргізілуде.

    Өңдеу жұмыстары 15–18 шілде аралығында түнгі сағат 23:00-ден таңғы 5:00-ге дейін жалғасады. Бұл кезеңде қаладағы ағаштар мен бұталар арнайы препараттармен бүркіледі.

    Мамандардың айтуынша, пайдаланылатын дәрілер ҚР аумағында қолдануға рұқсат етілген және қоршаған ортаға, адам денсаулығына, үй жануарлары мен құстарға қауіпсіз. Алайда препараттардың ерекше иісі болғандықтан, тұрғындардан өңдеу кезінде терезе мен есіктерін жауып қою сұралады.

    Жауапты қызметтер зиянкестермен күрес шаралары қала экологиясын жақсартуға бағытталғанын атап өтті.

  • Қонаев жағажайларынан күн сайын жүз тоннаға жуық қоқыс шығарылады

    Қонаев жағажайларынан күн сайын жүз тоннаға жуық қоқыс шығарылады

    Оның айтуынша, №6 жағажай аумағында 45 қоқыс жәшігі, 10 контейнер, 3 әжетхана және бейнебақылау камералары орнатылған. Тазалықты сақтау үшін 30 жұмысшы мен 2 арнайы техника жұмылдырылған. Жағажайда күніне үш мәрте санитарлық тазалау жүргізіледі. Қауіпсіздікті 10-нан астам құтқарушы қамтамасыз етеді, медицина қызметкерлері тәулік бойы кезекшілік етеді.

    «Күн сайын жағажайға 4–5 мың адамға дейін келеді. Нәтижесінде, күнделікті 60–90 тонна, ал демалыс күндері 120–150 тоннаға дейін тұрмыстық қатты қалдық шығарылады. Мұнда 40-қа жуық кәсіпкерлік нысан жұмыс істейді. Барлығымен шарт жасалып, олар жалға алған аумақтарда тазалық пен қауіпсіздікті қамтамасыз етуге міндеттелген», – деді Нұртаев.

    Сонымен қатар №5 жағажайда да тазалық талаптары сақталуда. Мұнда жұмыс күндері шамамен 10 тонна, демалыс күндері 25–30 тонна қалдық шығарылады. Жағажайда 28 кабинасы бар 6 әжетхана, 5 душ, 6 киім ауыстыратын бөлме, 30 қоқыс жәшігі, 40 бөшке және 25 контейнер бар. Қауіпсіздік үшін жасанды интеллектпен жабдықталған бейнебақылау жүйесі орнатылған.

    ? Қонаев қаласының әкімдігі тұрғындар мен қонақтарды «Таза Қазақстан» акциясына белсенді қатысып, қоқысты арнайы орындарға тастауға шақырады. Қаланың және жағажайлардың тазалығын сақтау – баршаға ортақ жауапкершілік.

    Айта кетейік, шомылу маусымы басталғалы бері қала жағажайларында 200-ге жуық әкімшілік құқықбұзушылық тіркелген.