Sona.kz

Метка: Қонаев

  • Қонаевта аулаларда жалпы тазалық жұмыстары басталды

    Қонаевта аулаларда жалпы тазалық жұмыстары басталды

    Қонаев қаласында «Таза Қазақстан» республикалық экологиялық акциясы аясында аулаларды жалпы тазалау (генеральная уборка) жұмыстары басталды.

    Іс-шара 1-шағынауданнан бастау алды. Күн сайын тазалық жұмыстарына ШЖҚ «Жасыл қала Қонаев» МКК-ның 10 қызметкері мен 2 арнайы техника жұмылдырылуда. Олар қоқыс шығару, шөп шабу және аулаларды тазалап жатыр.

    Аталған жұмыстар кезең-кезеңімен қаланың басқа да шағынаудандарында жалғасады.

    ❗️Қонаев қаласының әкімдігі тұрғындар мен ПИК-терді акцияға белсенді қатысуға шақырады.

    Айта кетейік, «Таза Қазақстан» акциясы бүкіл ел аумағында өткізіліп, экологиялық мәдениетті қалыптастыру мен қалалық ортаны абаттандыруды мақсат етеді.

  • Қонаев жағажайларындағы тазалық: күн сайын 20 тоннаға жуық қоқыс шығарылады

    Қонаев жағажайларындағы тазалық: күн сайын 20 тоннаға жуық қоқыс шығарылады

    Қаланың «Жасыл қала Қонаев» кәсіпорнының мәліметінше, №6 және №7 жағажайларда тазалық жұмыстарына күн сайын 10-нан астам қызметкер мен 3 техника жұмылдырылады. Таңғы 05:00-ден бастап кешкі 20:00-ге дейін қоқыс жинау, сыпыру, арықтарды тазалау, жәшіктерді босату сынды жұмыстар жүргізіледі. Апта ішіндегі бір күнде 8 тоннаға дейін, ал демалыс күндері 15 тоннаға жуық қоқыс шығарылады. Қазіргі таңда бұл аймақта 10 үлкен контейнер мен 60 бөшке орнатылған.

    Ал №5 жағажайда көгалдандыру мен тазалыққа 15 адам тұрақты түрде жауапты. Мұнда да 30-дан астам контейнер мен бөшке қойылып, қоқыс жәшіктері су қоймасының бойына орналастырылған. Бұл аумақтан күн сайын 4–5 тонна тұрмыстық қатты қалдық шығарылады. Демалыс күндері көлем айтарлықтай артады.

    Мамандар тұрғындарды қоғамдық мәдениетті сақтап, қоқысты арнайы орындарға тастауға шақырады. «Тазалық – ортақ жауапкершілік» екенін еске салады.

  • Қонаевта шегірткеге қарсы 4750 гектар жер өңделді

    Қонаевта шегірткеге қарсы 4750 гектар жер өңделді

    Қонаев қаласында ауыл шаруашылығы алқаптарын зиянды шегірткеден қорғау мақсатында жоспарлы химиялық өңдеу жұмыстары жалғасып жатыр. Бұл шаралар өнім көлемін сақтап, агросекторды қолдауға бағытталған.

    ? Итальян (топтық) шегірткеге қарсы өңдеу
    2025 жылы 2525 гектар жерді өңдеу жоспарланған.
    Бүгінде Шеңгелді ауылдық округінде 2300 гектар алқап өңделді, оның ішінде:
    • 2100 гектар — әуеден,
    • 200 гектар — жерүсті техникасымен.

    ? Жеке (жалғыз) шегірткеге қарсы шаралар
    Жергілікті бюджет есебінен 2450 гектар жерге химиялық өңдеу толық жүргізілді:
    • 1700 гектар — авиациялық тәсілмен,
    • 750 гектар — арнайы техникамен.

    ? Жалпы қорытынды
    Қала аумағында барлығы 4750 гектар жер өңделді. Қосымша 225 гектар резервте ұсталып отыр — қажет болған жағдайда шұғыл шара қолдануға дайын.

    Профилактикалық жұмыстар агроөнеркәсіп кешенін зиянкестерден қорғауға, олардың таралуын тежеуге және өнім шығынын болдырмауға бағытталған. Барлық жұмыстар Қонаев қаласы әкімдігінің тұрақты бақылауында.

  • Қонаев қаласында 11 кәріздік сорғы станциясы жаңартылып жатыр: жұмыстардың 95%-ы аяқталды

    Қонаев қаласында 11 кәріздік сорғы станциясы жаңартылып жатыр: жұмыстардың 95%-ы аяқталды

    Қонаев қаласында коммуналдық инфрақұрылымды жаңғырту аясында 11 кәріздік сорғы станциясы (КСС) қайта жөндеуден өтуде. Жұмыстар 2023 жылдың қазанында басталған. Жобаға тапсырыс беруші – Қонаев қаласының ТҮКШ және тұрғын үй инспекциясы бөлімі.

    Қазіргі нәтижелер:
    • 11 станцияның 9-ында жер қазу мен құбыр төсеу толық аяқталған;
    • №1, 3, 4, 4А, 5, 6, 7, 8, 9 КСС-те резервтік сорғылар орнатылған;
    • №1, 4, 5, 6 (жартылай), 7, 8 (1 сорғы), 9 КСС-те горизонталды сорғылар қойылған;
    • Электр желісіне қосу бойынша техникалық шарттарға өтінімдер беріліп, монтаж жұмыстары жүргізілуде;
    • Көптеген нысандарда ішкі және сыртқы әрлеу аяқталған;
    • Кейбір жерлерде абаттандыру, қоршау орнату және асфальт төсеу жүргізілген.

     Жүріп жатқан жұмыстар:
    • №4А, 6, 11 КСС-те ішкі әрлеу, электрмен қамту, аумақты абаттандыру және жол төсеу жалғасып жатыр;
    • №11 КСС-те 8 резервтік және 2 горизонталды сорғы орнату жоспарланған – бұл ең ірі жұмыс көлемі;
    • Барлық КСС-те электр жүйелерін қосу бойынша жұмыстар жалғасуда;
    • Құдықтар орнатылып, қоршаулар тартылуда.

     Негізгі көрсеткіштер:
    • Орнатылды: 9 резервтік сорғы станциясы, 11 горизонталды сорғы;
    • Жоспар: қосымша 8 резервтік және 6 горизонталды сорғы орнату (№3, 4А, 6 және 11 КСС).

    Жөндеу жұмыстары кезең-кезеңімен жүргізілуде. Жоба аяқталған соң Қонаев қаласының кәріз жүйесі анағұрлым сенімді әрі тиімді жұмыс істейтін болады.
  • Қонаевтағы жағымсыз иіс: себебі белгілі, шешім қабылданды

    Қонаевтағы жағымсыз иіс: себебі белгілі, шешім қабылданды

    Қонаев қаласының 4-шағынауданының тұрғыны қала әкімі Асхат Бердіхановқа кешкі уақытта сезілетін жағымсыз иіс жайлы шағым айтты. Арыз бірнеше жылдан бері көтеріліп келеді.

    Әкім бұл мәселеге қатысты нақты жауап берді. Оның айтуынша, иістің себебі – қаланың маңындағы тозығы жеткен кәріз суын тазарту қондырғылары. Нысан 100% тозған. Енді оны мемлекеттік-жекеменшік әріптестік аясында жаңарту жоспарланған. Жаңа кешен қаладан 18 шақырым жерде, Қазақстан ауылына қарай көшіріледі. Жобаның жалпы құны – 38 млрд теңге. Құрылысты екі жыл ішінде аяқтау жоспарланып отыр.

    «Бұл мәселе қала және облыс әкімдігінің бақылауында. Қажетті құжаттар рәсімделіп жатыр. Жақын арада мәслихат отырысы өтіп, тиісті келісімдер алынатын болады. Тұрғындардан түсіністікпен қарауды сұраймын», – деді Асхат Бердіханов.

    Кездесу барысында газдандыру, қоқыс жәшіктерін орнату, автотұрақтар мен аулаларды көгалдандыру мәселелері де көтерілді. Әкім ҚБҰ-ларды тұрғындармен тығыз жұмыс істеуге, аулаларды таза ұстап, гүл егуге белсенді атсалысуға шақырды.

  • Асхат Бердіханов: Шаруаларға қолдау – ауылдың дамуы

    Асхат Бердіханов: Шаруаларға қолдау – ауылдың дамуы

    Қонаев әкімі Асхат Бердіханов Шеңгелді округіндегі бірқатар шаруа қожалықтарын аралап, олардың жұмысымен танысты.

    «Smart Adam Agro» 900 гектар жерді игеруді көздеп отыр. Қазір жоңышқа мен қызанақ егілген, жаңбырлатып суару жүйесі енгізілген. Электр желісіне қосылу құжаттары кешеуілдеп жатыр. Әкім бұл мәселені шешуді тапсырды.

    «Болашақ» ШҚ 20 гектар алқапта қарақат, бақша және көкөніс өсіреді. 2026 жылға қарай қарақат алаңын 30 гектарға жеткізу, шағын цех пен агротуризмді дамыту жоспарлануда. Әкім қосымша жер телімін беруді ұсынды.

    «Марьям» ШҚ 230 гектарда егін егеді. 70 млн теңгеге су қоймасы мен сорғылар орнатқан. Көкөніс көлемін 100 гектарға дейін арттыру көзделген. «Кең Дала» бағдарламасы аясында 40 млн теңгеге өтінім тапсырған.

    2025 жылы округтегі егіс көлемі 8 150 гектарды құрады. Әкім бұл бағыттағы қолдаулар жалғасын табатынын айтты.

  • Құрылыс — тәртіппен: Қонаевтағы рейд нәтижесі

    Құрылыс — тәртіппен: Қонаевтағы рейд нәтижесі

    Қонаев қаласында заңсыз орнатылған құрылыс нысандары мен сауда павильондарына қатысты бірлескен тексеру жүргізілді. Шараға қалалық сәулет, кәсіпкерлік бөлімдері мен прокуратура өкілдері қатысты.

    Рейд барысында рұқсатсыз қойылған нысандар анықталып, иелеріне заңбұзушылықтарды жою туралы ескерту берілді. Сонымен қатар, құрылыс нормаларына сәйкес келмейтін жұмыстар да тіркеліп, құжаттар тиісті органдарға жолданды.

    Мұндай бақылау жұмыстары Қонаевта тұрақты түрде жалғасады. Мақсат — қаланың заңға сай әрі қауіпсіз дамуын қамтамасыз ету.

  • Гүл өсірген аулалар марапатталды

    Гүл өсірген аулалар марапатталды

     

    1-орын иегері — Ольга Попова. Ол бірнеше жылдан бері ауланы сәндік және көпжылдық гүлдермен көмкеріп келеді. «Гүлдер тек әдемілік үшін емес, олар көңіл қуантады. Қала – ортақ үйіміз, оны көркейту – әркімнің міндеті», – дейді зейнеткер.

    2-орынды агроном зейнеткер Абдували Асылбеков алды. «Алғашқы гүлдерді 10 жыл бұрын ектім, қазір көршілермен бірге бәріміз айналысамыз. Келінім еңбегімді байқап, конкурсқа ұсынды», – дейді ол.

    3-орын — Лилия Петрушинаға. Оның ауласын тұрғындар бірігіп көгалдандырған. «Бұл тек менің емес, барлығымыздың еңбегіміз», – дейді олар.

    Конкурс аясында қала аулалары жасыл желекке оранып, тұрғындар табиғатқа жанашырлықпен қарай бастаған.

  • Қонаев — 3 жылда дамудың жаңа белесінде

    Қонаев — 3 жылда дамудың жаңа белесінде

    2050 жылға дейінгі даму жоспары бекітілді
    Қала болашағын айқындайтын бас жоспар қабылданып, Қонаевты заманауи әкімшілік, өндірістік және туристік орталыққа айналдыру көзделді. Жоспарға сәйкес:
    • Қалалық орта ыңғайлы әрі қауіпсіз болмақ;
    • Өндірістік, коммуналдық және демалыс аймақтары дамытылады;
    • Транспорт жүйесі жаңғыртылып, қала логистикалық хабқа айналады;
    • Әлеуметтік нысандар салынады;
    • Туризм мен экотуризм дамиды.

    Құрылыс және инфрақұрылым
    3 жылда 158 мың м² тұрғын үй пайдалануға берілді, 25 үй (1047 пәтер) жеке құрылысшылар есебінен салынды. Қазір 56 көпқабатты үй салынып жатыр. Биыл 3 әлеуметтік үй тапсырылады.

    Су және жылумен жабдықтау
    Соңғы үш жылда 26 км су және кәріз желісі жаңартылды. 2024 жылы 3 микроауданда жаңа жылу желілері іске қосылды. «Жылу орталығында» 4 қазандық жаңартылып жатыр.

    Газдандыру
    Қалада қуаты 20 МВт газ электр станциясы іске қосылды. 6408 нысан газға қосылған (2022 ж. – 3540). Қазір бұл көрсеткіш 42%-ға жетті. Жаңа магистралдар салынып, «Жаңа Іле» массивіне газ тарту жоспарлануда.

    Электрмен қамту
    Жаңа трансформаторлар, 8000 м кабель, 1020 «ақылды шам» орнатылды. «Алтын алма» және №7 дачалық массивтерінде 47 км желі жаңартылып, тұрақты электрмен қамту жолға қойылды.

    Көгалдандыру мен абаттандыру
    134 нысан абаттандырылды: 10 саябақ, 52 аула, 23 спорт алаңы, 49 көпқабатты үйдің қасбеті мен шатыры. Б.Соқпақбаев саябағы, Жамбыл көшесі, 5-жайлау мен жағажай, скейт-парк жаңғыртылды. 1 км жағалау құрылысы аяқталды. 62 га аумақта жаңа жағалау жобалануда.

    Жол және көлік
    106 км инженерлік желі мен жолдар жөнделді. Автобус саны артты: 2023–2024 жж. – 14 жаңа автобус сатып алынды, 2025 ж. – тағы 5 автобус алынады. 50 жаңа аялдама орнатылды. Қалаішілік бағыттар көбейіп, қолжетімділік артты.

    Инвестиция және бюджет
    2021–2024 жж. бюджет кірісі 53%-ға өсіп, 142 млрд теңгеге жетті. 2025 жылға болжам — 161,9 млрд. Соңғы үш жылда 250 млрд теңге инвестиция тартылды. МСБ субъектілері 2,1 трлн теңгенің қызметін көрсетті.

    Білім
    3 жылда 2 жаңа мектеп (900 және 100 орындық) ашылды. 2022–2025 жж. оқушы саны 1000-нан астамға артты. 3 мектепте күрделі жөндеу жүргізілуде. Жаңа білім ошақтары салыну жоспарында.

    Жұмыспен қамту
    2022–2024 жылдары 7130 жұмыс орны құрылды, оның 3298-і тұрақты. 6628 адам «Ұлттық жоба» арқылы қамтылды, 3115 адам жұмысқа орналастырылды.

    Денсаулық сақтау
    Шеңгелді ауылындағы амбулатория жөнделді. Қалада 3 медициналық нысан салынады.

    Әлеуметтік қорғау
    Жаңа 3 орталық ашылды: отбасын қолдау, тұрмыстық зорлық-зомбылық құрбандарына көмек, күндізгі орталық. Кәсіпкерлер есебінен аутизмге шалдыққан балаларға арналған орталық іске қосылды.

    Ауыл шаруашылығы
    Шеңгелдіде суару инфрақұрылымы қалпына келтірілуде. 2025 ж. көктемінде 8150 гектарға егін егілді. 1200 га су үнемдеу технологияларымен қамтылады.

    Туризм
    5-жайлау абаттандырылды, №6 және №7 жағажайлар жаңғыртылады. Капшагай су қоймасының жағалауын кешенді дамыту жобасы әзірленіп жатыр.

    Әлеуметтік тұрғын үй
    3 жылда 193 әлеуметтік аз қамтылған отбасыға пәтер кілті табысталды.

    ⸻

    Қонаев — заманауи қала. Даму жалғасуда.

  • Қонаевта көгалдандыру жұмыстары жалғасуда

    Қонаевта көгалдандыру жұмыстары жалғасуда

    2025 жылы Қонаев қаласында көгалдандыру мен абаттандыру жұмыстары жалғасты. Маусымдық іс-шаралар аясында қала аумағына біржылдық және көпжылдық гүлдер отырғызылды. Негізгі гүлдер қатарында раушан, лаванда, стахис, циния, тагетис, целозия және сурфиния сынды сегіз түрі бар.

    Гүлдермен безендірілген негізгі орындар – «Барыс» айналма жолы, Алматы көшесі, Б.Соқпақбаев атындағы орталық саябақ, Жеңіс саябағы, С.Сейфуллин және Қонаев көшелері. Сондай-ақ Жамбыл мен Абай аллеялары бойындағы барлық гүлзарлар, 4-гимназия маңы, 5 жағажай, орталық мешіт аумағы гүлмен көмкерілді.

    Тік көгалдандыруға ерекше көңіл бөлінді. Қонаев, Жамбыл, Қойшыманов және Алматы көшелері бойына 630 гүлзарлар орнатылды. Бұдан бөлек, қала аумағына 58 мыңнан астам бөріқарақат пен спирея ағаштары отырғызылды.

    Қазіргі уақытта жасыл желектерге күтім жасау – суару, арамшөптерден тазарту және гүл композицияларын жаңарту жұмыстары жүргізілуде.

    Аталған жұмыстар Қонаев қаласының экологиялық жағдайын жақсарту және эстетикалық келбетін арттыру мақсатында жүзеге асырылып отыр.