Sona.kz

Метка: Қонаев

  • Қонаев жағажайларында 200-ге жуық құқықбұзушылық тіркелді

    Қонаев жағажайларында 200-ге жуық құқықбұзушылық тіркелді

    Конаев қаласының жағалау аймағында күнделікті қауіпсіздік пен санитарлық тәртіпті сақтау үшін тұрақты бақылау жүргізілуде. Мақсат — жазғы демалыс маусымында қоғамдық тәртіп пен қауіпсіздікті қамтамасыз ету.

    Күн сайын жағалауда 12 полиция қызметкері кезекшілік етеді. Демалыс және мереке күндері оларға Алматы облыстық ПД мен Қонаев қалалық ПБ-нен тағы 13 қызметкер қосылады. Кейбір күндері Ұлттық ұлан сарбаздары да патрульдеуге тартылады.

    Маусым басталғалы бері 197 әкімшілік құқықбұзушылық анықталды:
    • 41 – абаттандыру ережесін бұзу,
    • 39 – қоғамдық орында алкоголь ішу,
    • 15 – мас күйінде көлік жүргізу,
    • 8 – темекі шегуге қатысты заңды бұзу,
    • 27 – жол қозғалысы ережесін бұзу және тағы басқалар.

    №5 жағажайда биыл арнайы бейнебақылау жүйесі орнатылды. Жүзу шекарасынан асып кеткен адамдарды камералар автоматты түрде анықтап, ТЖД-ның кезекші бөліміне хабарлама жібереді. Бұл дер кезінде әрекет етуге мүмкіндік береді.

    Сонымен қатар, ТЖД, полиция, санитарлық қызмет және туристік кәсіп иелерінің қатысуымен 3-ке жуық кеңес өткізілді. Кәсіпкерлерге қауіпсіздік талаптары түсіндіріліп, құтқарушыларды тегін оқыту, су түбін тексеру және дайындық актілерін рәсімдеу ұсынылды.

    Қонаев қаласының әкімдігі барлық демалушылар мен кәсіп иелерін белгіленген тәртіпті сақтауға шақырады. Қауіпсіздік — бәрімізге ортақ жауапкершілік.

  • Қонаевта әскерден оралған жастарға әкімнің Алғыс хаты табысталды

    Қонаевта әскерден оралған жастарға әкімнің Алғыс хаты табысталды

    «Aspan Fest» ашық аспан астындағы концерт аясында Қонаев қаласы әкімінің орынбасары Төлеген Кенжебеков ҚР Қарулы Күштерінде мерзімді әскери қызметін абыроймен атқарған жас сарбаздарға Қонаев қаласы әкімінің Алғыс хаттарын табыстады.

    Олар 2024 жылғы көктемгі шақыру науқаны кезінде Отан алдындағы борышын өтеп, жоғары жауынгерлік дайындық көрсетіп, «Көктем – 2024» мемлекеттік грантының иегері атанған.

    Грант жеңіп алған жастардың бірқатары:
    • Досымбек Бекжан – ҚазҰУ;
    • Наширбай Жасұлан – ALT университеті;
    • Медведик Владик – Ұлттық ядролық зерттеу университеті;
    • Разумов Александр – Су шаруашылығы университеті;
    • Рудзинский Даниил – ҚазҰТЗУ (Сәтбаев университеті);
    • Болатов Данияр – Құрлық әскерлері әскери институты;
    • Сәуірбай Абылай – Радиоэлектроника және байланыс әскери-инженерлік институты;
    • Умаров Еламан – Алматы технологиялық университеті.

    Қала басшылығы жастардың елге сіңірген еңбегін жоғары бағалап, білім жолында сәттілік тіледі.

  • Қонаевтағы жағажайларда қызмет көрсету сапасы күшейтіледі: нақты тапсырмалар берілді

    Қонаевтағы жағажайларда қызмет көрсету сапасы күшейтіледі: нақты тапсырмалар берілді

    Бүгін Қонаев қаласына Премьер-Министрдің орынбасары Ермек Көшербаев іссапармен келіп, бірнеше жағажайды аралады. Сапар қорытындысымен қалалық әкімдікте қызмет сапасын арттыруға арналған кеңес өтті. Оған қала әкімі Асхат Бердіханов төрағалық етті.

    Кеңесте тазалық, санитарлық талаптар, кәсіпкерлердің заң алдындағы міндеттері, чек беру тәртібі мен қауіпсіздік мәселелері көтерілді. Әкім жауапты мамандарға мынадай нақты тапсырмалар жүктеді:
    • жағажай кәсіпкерлерінің құжаттарын заңдастыру;
    • фискалдық чек беруді бақылау;
    • санитарлық нормаларды қатаң сақтау;
    • «Дәретхана», «Медпункт», «Полиция» белгілері мен ақпараттық стендтер орнату;
    • бейнебақылау жүйелерін орнатып, жедел басқару орталығына қосу;
    • шлагбаум орнату және автотұрақ тәртібін реттеу;
    • жағажай аумағын күніне үш рет тазалау;
    • электр желілерінің заңдылығын тексеру;
    • №6 және №7 жағажайларға жаяу жүргіншілер жолын салу;
    • жағажайлардың сәулеттік тартымдылығын қамтамасыз ету.

    Кеңестен соң әкім №6 жағажайға барып, кәсіпкерлермен кездесті. Онда оларға заң аясында жұмыс істеу тәртібі түсіндірілді.

    Ақпарат Қонаев қаласы әкімдігінің баспасөз қызметінен алынды.

  • Қонаевта 6 шақырымнан астам жағажай абаттандырылады: туризм қарқынды дамуда

    Қонаевта 6 шақырымнан астам жағажай абаттандырылады: туризм қарқынды дамуда

    Қонаев қаласында жағалауды жаңғырту жұмыстары жалғасуда. Қала әкімі Асхат Бердіхановтың мәліметінше, 6,1 шақырым жағалау аймағы кезең-кезеңімен абаттандырылады. Қазірдің өзінде №5 жағажай толық пайдалануға берілген, ал оның маңындағы 1 шақырым аумақ инвесторлар есебінен жаңартылған.

    «Былтыр 1,5 млн турист келсе, биыл шомылу маусымы аяқталмай жатып-ақ бұл көрсеткіш 860 мыңнан асты. №5 жағажайға күнделікті 1500-2000 адам, демалыс күндері 6000-ға дейін демалушы келеді», — деді әкім.

    Әкімнің айтуынша, қалған 7 жағажай №5 жағалаудың үлгісімен жаңартылады. Жобаларға инфрақұрылым, санитарлық аймақтар, жасыл желек, сәулеттік нысандар, демалыс орындары мен фудкорттар кіреді. Қауіпсіздік те назардан тыс қалмайды.

    Биыл маусым соңында №6 және №7 жағажайда құрылыс жұмыстары басталады. №8 жағажай инвестор қаржысына абаттандырылмақ.

    Сонымен қатар әкім 140-тан астам жеке демалыс аймағын біріздендіру үшін арнайы дизайн-код әзірленетінін жеткізді. Мақсат — кәсіпкерлермен бірлесе отырып, сервисті жақсартып, жағалауды эстетикалық тұрғыда үйлестіру.

    2025-2028 жылдары аралығында қалада құны 306,4 млрд теңге болатын 11 ірі инвестжоба іске асады. Қонақ үйлер, бассейндер, гольф-клубтар мен сауда нысандары салынады. Әкімдік тарапынан тиісті қолдау көрсетіледі.

    Ақпарат Қонаев қаласы әкімдігінің баспасөз қызметінен алынды.

  • Қонаевта жағажай спорт алаңы жаңартылды

    Қонаевта жағажай спорт алаңы жаңартылды

    Аумағы 2,1 гектарды қамтитын нысан 2017 жылы салынғанымен, осы уақытқа дейін жөндеу көрмеген. Биыл жергілікті тұрғындардың сұранысы бойынша толық жаңартылып, заманауи келбетке ие болды.

    Алаңда жағажай волейболы мен футболына арналған алаңдармен қатар, шахмат және тоғызқұмалақ үстелдері, балалар мен жасөспірімдерге арналған ойын және воркаут аймақтары орнатылған.

    Ерекше назар аударарлық тұсы — ұлттық нақыштағы безендірулер. Тротуарлар қазақы оюмен көмкеріліп, кіреберіс тұсқа алтыбақан қойылған. Алаң ортасына ақ кеседен төгілген сүт тәрізді гүл композициясы орнатылып, раушан гүлдері егілген. Айналасы толық көгалдандырылған. Жөндеу жұмыстарын «Қонаев Көркейту» мекемесі жүргізген.

    ТҮКШ бөлімінің басшысы Тимур Ақмырзаевтың айтуынша, басты мақсат — салауатты өмір салтын насихаттап, жастардың бос уақытын тиімді өткізуіне жағдай жасау.

    Тұрғын Айдос Ескелдинов жаңартылған алаңға ризашылығын білдіріп, спорт алаңының сапалы салынғанын айтты.

    Айта кетейік, бұған дейін Қонаев қаласында жаңа сквер салынып жатқаны хабарланған болатын.

    Ақпарат Қонаев қаласы әкімдігінің баспасөз қызметінен алынды

  • Қонаев қаласында үйі өртенген тұрғындар жатақханаға көшірілді

    Қонаев қаласында үйі өртенген тұрғындар жатақханаға көшірілді

    Осыдан 7 күн бұрын Соболев көшесі 14-үйде өрт шығып, 50 адам бір түнде баспанасынан айырылды.

    Оқиға орнына бірден қала әкімі Асхат Бердіханов барып, отбасылардың жағдайымен танысты.

    Алғашында 2 адам «Шарапат» әлеуметтік қызмет көрсету орталығына, 22 адам (оның ішінде 18 бала) – тұрмыстық зорлық-зомбылық құрбандарына арналған әлеуметтік көмек көрсету орталығына уақытша орналастырылды. Қалған тұрғындар туыстары мен жақындарының үйлерінде тұрып жатты.

    Кейіннен шаһар басшысының тапсырмасына сәйкес, РЭЧ мекемесімен келіссөздер жүргізіліп, «Ивушка» шағынауданындағы 4Б үй мекенжайындағы жатақханадан 13 бөлме уақытша тұру үшін алынды. Бөлмелерге ағымдағы жөндеу жасалып, бүгін 8 отбасы жатақханаларға көшірілді.

    Қиын өмірлік жағдайға түскен отбасылардың алдағы өмірі де қала әкімдігініғ бақылауында болады.

    Айта кетейік, өрт салдарын зерделеу, шығын көлемін анықтау және қалпына келтіру шараларын жоспарлау мақсатында арнайы комиссия жұмыс істеп жатыр.

  • Жылдам, серпінді, дәл нәтижелер: Қонаевта 3×3 баскетболдан VI Жастар ойындары аяқталды

    Жылдам, серпінді, дәл нәтижелер: Қонаевта 3×3 баскетболдан VI Жастар ойындары аяқталды

    Қонаев қаласында 3×3 баскетболдан Қазақстан Республикасының VI Жастар спорт ойындарының жеңімпаздары анықталды. 2007 жылы туған және одан кіші ұлдар мен қыздардан құралған 20-дан астам команда Астана мен Алматы қалаларынан, сондай-ақ 12 өңірден қатысты.

    Қонаев қаласының әкімі Асхат Бердиханов жарыстың ашылуында бұл ойындардың жастар үшін маңызы зор екенін атап өтті:

    «Мемлекет басшысы спортты дамытуға ерекше көңіл бөліп келеді. Соның арқасында отандық спорт жылдан жылға нығайып, спортшыларымыз халықаралық деңгейде ел абыройын көтеруде. Жастар ойындары сияқты кешенді шаралар – жастардың өз әлеуетін танытуына, салауатты өмір салтына бейімделуіне үлкен серпін. Бұл додада тек шеберлігі мен жігері мықты спортшылар жеңіске жетеді», – деді әкім.

    VI Жастар ойындары «2023–2029 жылдарға арналған дене шынықтыру мен спортты дамыту тұжырымдамасы» аясында төрт жылда бір рет өткізіледі. Биыл 80 жылдық Жеңіс мерейтойына орай ұйымдастырылған республикалық додаға еліміздің түкпір-түкпірінен 2000-нан аса жас спортшы қатысады. 24 ақпан мен 1 қазан аралығында өтетін ойындар 34 спорт түрін қамтиды және ұлттық құраманы жасақтауға, 2025 жылғы Бахрейнде өтетін Жазғы Азия жастар ойындарына дайындыққа негіз болады.

    Ал 3×3 баскетбол бәсекесінің Қонаевта өтуі кездейсоқ емес. Өйткені, бұл аймақта классикалық баскетболдан жеңісті дәстүр қалыптасқан. Алматылықтар 2005–2010 жылдары «Трансстроймост» командасының жетістіктерімен көзге түссе, 2011 жылы құрылған «Капшагай» кәсіби клубы ел біріншілігінде чемпион атанып, Қазақстан Кубогының финалисі әрі Азия клубтар біріншілігінің жүлдегері болған.

    Федерация кеңесшісі Елена Мартынованың айтуынша, 3×3 баскетбол алғаш рет Жастар ойындарына қосылып отыр. Бұл — жастарға өзін танытатын үлкен мүмкіндік.

    Ал Қазақстан құрамасының бас бапкері Иван Гайна стритбол деп те аталатын 3×3 баскетболдың Олимпиада бағдарламасына енгенін атап өтті:

    «Бұл – енді толыққанды олимпиадалық спорт. Ойын уақыты – 10 минут, 3 ойыншыдан тұрады. 2012 жылдан бері елімізде стритбол лигасы бар. Алдағы жылдары Азия және Олимпиада ойындарында осы жастардың бір бөлігі ел намысын қорғайтынына сенемін», – деді ол.

    Үш күнге созылған турнир барысында Қонаевтың орталық жағажайындағы алаңда тартысты ойындар өтті. Қыздар арасында Түркістан облысы жеңіске жетіп, финалда Астана құрамасын ұтты. Үшінші орынды Атырау облысы иеленді.

    Ұлдар арасында елордалық команда чемпион атанды. Екінші орын – Алматы облысы, ал үздік үштікті Қызылорда облысы түйіндеді.

  • Қоқыс полигонында бұрын-соңды болмаған су жинақтағыш резервуар салынуда

    Қоқыс полигонында бұрын-соңды болмаған су жинақтағыш резервуар салынуда

    Қонаев қаласының әкімі Асхат Бердіханов қоқыс полигонында жүргізіліп жатқан жөндеу жұмыстарымен танысты.

    ШЖҚ «Қонаев Көркейту» МКК директоры Қанат Азаматовтың сөзінше, өрт сөндірушілерге ыңғайлы болуы үшін және суды тасымалдауға уақыт жоғалтпау үшін қоқыс полигонында резервуар салынуда. Бұл жабдық бұрын-соңды болмаған. Сондай-ақ жанып келе жатқан отты өшіруге 1 арнайы техника кезекшілікке қойылады. Резервуардың сыйымдылығы 30 текше метрді құрайды.

    «Санитарлық талаптарға сәйкес, полигонның жан-жағында траншея қазылып, тұрмыстық қаты қалдықтар ұшып кетпеуі мақсатында торлар қойылуда. Ал траншея жайылып жүрген малдың кіріп кетпеуі үшін қазылуда. Кейбір аумақтарға бетон қоршау орнатылып жатыр», — деді мекеме директоры.

    Бұдан бөлек, экологиялық жағдайды қалыпта ұстау мақсатында полигонның алдыңғы бөлігін көгалдандыру жоспарлануда. Мұнда ауыр техникаларды өлшеуге арналған таразы мен көлік жуу аймағы да болады.

  • Жағажайды күтіп ұстау: кәсіпкердің міндеті қандай?

    Жағажайды күтіп ұстау: кәсіпкердің міндеті қандай?

    Сенімгерлік басқарушы компания мен кәсіпкерлер арасында келісімшарт жасалып, олардың міндеттемелері айқындалған.

    Алайда, тұрғындар мен қала қонақтары тарапынан күтіп ұстау мен санитарлық жағдайға байланысты көптеген сұрақтар туындауда. Осыған байланысты қала әкімдігі мәлімдеме жасайды.

    Келісімшарттың 3-тармағында тараптардың құқықтары мен міндеттері жазылған. Оның ішінде күтіп ұстау бойынша жалға алушының міндеттері:

    •  Жағажайды абаттандыру мен санитарлық қауіпсіздікті қамтамасыз ету, келісімшартқа сәйкес шаруашылық қызметін жүргізу;
    • Күн сайын аумақты тазалау – киім ауыстыратын орындар, дәретханалар, жасыл аймақтар;
    • Жалға алынған аумақты жарықтандыру;
    •  Қоқыс жәшіктерін су жиегінен кемінде 20 метр қашықтықта, әр 60 м² аумаққа бір қоқыс жәшігі есебімен орнату;
    •  Қауіпсіздік талаптарын сақтау (оның ішінде – ақпараттық баннерлер, жалаушалар және т.б. орнату);
    • Кемінде 2 санитайзер орнатып, тапшандарды, орындықтарды, жабдықтарды күніне екі рет дезинфекциялау.

    ТҮКШ бөлімінің мәліметінше, жағажайда сенімгер басқарушы компания тарапынан 45 қоқыс жәшігі мен 10 контейнер орналастырылған. Тазалық жұмыстарына күнделікті 30 адам, 2 арнайы техника жұмылдырылуда. Аумақта 3 әжетхана орналасқан. Сондай-ақ қауіпсіздікті сақтау мақсатында бейнебақылау камералары қойылған, 10-нан астам құтқарушы қызмет етеді. Ал медицина қызметкерлерінің саны — 2-еу. ТЖБ мен Полиция басқармасының мамандары тұрақты түрде патрульдеу жүргізуде.

    Ал №5 жағажайға келсек, мұнда 6 әжетхана (28 бөлме), 12 орындық 5 жуынатын жер, 6 киім ауыстыратын орын (12 бөлме) бар. Аумақта 30 дана қоқыс жәшігі мен 40 бөшке, 25 дана қоқыс контейнерлері орналастырылған. Бұл жағажайда жасанды интеллектімен жұмыс істейтін бейнебақылау камералары қойылған.

  • Жасыл желектер түнгі ауысымда суарылып жатыр

    Жасыл желектер түнгі ауысымда суарылып жатыр

    Мекеменің директоры Бақытжан Нұртаевтың сөзінше, жасыл желектер көбіне түнгі ауысымда суарылады.

    «Түнгі ауысымдағы жұмысшылар сағат 23:00-06:00 аралығында қызмет етеді. Қазіргі таңда қаладағы бірқатар аумақта автоматты суару жүйесі іске қосылған. Жүйе жоқ жерлер қолмен суарылады. Күнделікті жұмысқа 5 ауыр техника жұмылдырылады», – деді ол.

    Сонымен қатар ол шаһарда көгалдандыруға қатысты мәселенің бар екенін ашық айтты. Мысалы, орталықтағы бір көшенің суару жүйесін мердігер толығымен орнатып, іске қоспаған болса, ал екіншісінде мердігер кепілдік мерзіміне сәйкес тиісті жұмыстарды атқармауда. Проблемалық сұрақпен ТҮКШ бөлімі айналысуда.

    Ал Абай, Алматы көшелері Кешенді даму жоспары аясында жаңғыртылады деп жоспарлануда. ТҮКШ бөлімі жоба аясында көгалдандыру мен абаттандыруды қарастырады.

    «Вандалдар да жоқ емес. Суаруға арналған жабдықтарды сындырып кетеді. Оны үнемі қалпына келтіреміз. Мемлекет меншігін бүлдіру фактісі бойынша деректер Полиция басқармасына жолдануда. Тұрғындарды вандализмге қарсы мәдениетті ұстануға шақырамыз», — деді мекеме басшысы.

    Аталғандардан бөлек, әкімдікке азаматтардан аулалардағы гүлдерді суаруға қатысты өтінімдер түскен болатын. Бұл сұрақ бойынша пәтер иелері кооперативтеріне жүгінуге болады. Бұған дейін ауыз су қысымының төмендеуіне байланысты ШЖҚ «Қонаев Су Арнасы» бау-бақшаларды түнде суаруға кеңес берген еді.