Sona.kz

Рубрика: Әлем жаңалықтары

  • Камчаткадағы зілзаладан кейін Жапония жағалауына бірнеше кит шығып қалды

    Камчаткадағы зілзаладан кейін Жапония жағалауына бірнеше кит шығып қалды

    Камчатка маңындағы 8,8 магнитудалық зілзаладан кейін Жапонияның кейбір өңірлерінде жағалауға бірнеше кит шығып қалған. Sona.kz хабарлағандай, бұл туралы Kazinform мәлімдеді.

    Цунами қаупі Тынық мұхиты аймағындағы бірнеше елге таралған:
    • АҚШ пен Канада – Гавай мен Калифорнияда 3 метрге дейінгі толқындар күтілуде, әуежайлар жабылып, тұрғындар эвакуацияланып жатыр.
    • Қытай, Филиппин, Индонезия – жағалауда 1 метрге дейінгі толқындар болуы мүмкін.
    • Жаңа Зеландия – теңіз суы деңгейінің көтерілу қаупі бар.

    Жапонияның Мияги префектурасында рейстер тоқтатылып, кейбір аймақтарда эвакуация жүріп жатыр.

  • Тайланд 14 азаматының Камбоджамен шекарадағы қақтығыста қаза тапқанын растады

    Тайланд 14 азаматының Камбоджамен шекарадағы қақтығыста қаза тапқанын растады

    25 шілде, жұма күні таңертең Тайланд пен Камбоджа шекарасында қайтадан артиллериялық атыстардың дыбысы естілді. Бұл туралы Таиландтың Ұлттық телерадиохабар тарату қызметі хабарлады.

    Тайланд Денсаулық сақтау министрлігінің өкілі мәлім еткендей, жергілікті уақытпен бейсенбі, 21:00-дегі жағдай бойынша шекара маңындағы әскери қақтығыстар салдарынан 14 тай азаматы қаза тауып, тағы 46 адам жараланған.

    Билік халықты шекара маңындағы аудандарға барудан бас тартуға шақырып отыр.

    Еске салайық, 23 шілдеде шекара маңында мина жарылып, бірнеше тай сарбазы жараланған болатын. 24 шілдеде екі елдің шекарашылары арасында атыс болып, бейбіт тұрғындар арасында да құрбандар тіркелді.

    Камбоджа БҰҰ-ны шұғыл отырыс өткізуге шақырды.

  • Иран үш аптадан кейін әуе кеңістігін қайта ашты: Тегеран әуежайлары жұмысын бастады

    Иран үш аптадан кейін әуе кеңістігін қайта ашты: Тегеран әуежайлары жұмысын бастады

    Израильмен жасалған бітімнен кейін Иран астанасындағы екі халықаралық әуежай – Имам Хомейни мен Мехрабад өз жұмысын қайта жанданды. Мемлекеттік IRNA агенттігінің хабарлауынша, барлық халықаралық және ішкі рейстер жергілікті уақыт бойынша сағат 5:00-ден 18:00-ге дейін жүзеге асырылады.

    Алайда елдегі басқа өңірлерде шектеулер әлі сақталып отыр. Тебриз бен Исфахан қалаларындағы әуежайлар әзірге жабық. Азаматтық авиация билігі тек кейбір рейстерге ғана рұқсат берген. Ал Мешхедтегі әуежай бірнеше күн бұрын толық ашылған.

    Еске салайық, Иран 13 маусымда Израильмен қарулы қақтығыстар шиеленіскен соң әуе кеңістігін жапқан болатын. Бітім 24 маусымда күшіне енді.

  • Диогу Жота жол апатынан қаза тапты: футбол әлемі қайғыда

    Диогу Жота жол апатынан қаза тапты: футбол әлемі қайғыда

    «Ливерпуль» футбол клубының шабуылшысы Диогу Жота жол-көлік оқиғасынан қаза тапты. Қайғылы хабарды шетелдік БАҚ ресми дереккөздерге сілтеме жасап таратты.

    Оқиға Португалияда болған. Автокөлік апаты салдарынан 27 жастағы футболшы оқиға орнында жан тапсырған. Қазір тиісті органдар тергеу жүргізіп жатыр, жол апатының нақты себептері анықталу үстінде.

    Диогу Жота соңғы жылдары «Ливерпуль» сапында көзге түсіп, жанкүйерлердің сүйіктісіне айналған еді. Ол ұлттық құраманың да негізгі ойыншыларының бірі болатын. Оның күтпеген өлімі футбол қауымдастығына ауыр соққы болды.

    Клуб, футболшылар мен жанкүйерлер әлеуметтік желілерде көңіл айтып, отбасы мен жақындарына қолдау білдіруде. Жота — тек талантты ойыншы ғана емес, алаңдағы мәдениетімен, еңбекқорлығымен ерекшеленген тұлға еді.

    Футбол әлемі талантты жұлдызынан айырылды.

  • Қырғызстанның экс-президенті Атамбаев 11 жылға сотталды

    Қырғызстанның экс-президенті Атамбаев 11 жылға сотталды

    Қырғызстанның бұрынғы президенті Алмазбек Атамбаев 11 жыл 3 айға бас бостандығынан айырылды. Сонымен қатар, сот шешімімен оның барлық мемлекеттік наградалары мен мүлкі тәркіленбек.

    Сот процесі Бішкектегі Бірінші Май аудандық сотында өтті. Атамбаевпен бірге экс-депутаттар, бұрынғы мэр, ішкі істер министрі мен президент аппаратының бұрынғы басшысы да айыпталушылар қатарында болды. Тергеу ісі бес жылдан аса уақытқа созылған.

    Атамбаевқа ЖЭО-ны жаңғырту кезіндегі заңсыз байыту, 2019 жылғы Қой-Таш оқиғалары мен сол ауылдан заңсыз жер телімін алу бойынша айып тағылды. Сот үкіміне сәйкес, ол және экс-депутат Аскарбек Шадиев мемлекетке келтірілген шығын ретінде 5,4 млрд сом өтеуі тиіс.

    Айта кетейік, 2023 жылы Атамбаев колониядан босатылып, кейін шетелге кеткен. Соңғы рет ол Еуропадағы метро станцияларының бірінде көзге түскен.
  • Түркияда өткен түні жер сілкінісі болды

    Түркияда өткен түні жер сілкінісі болды

    Түркияның Мугла провинциясында түнде 5,8 балдық жер сілкінісі тіркелді. Эпицентрі Мармарадан 10 шақырым жерде, 68 шақырым тереңдікте орналасқан.

    Ішкі істер министрі Али Ерликаяның мәліметінше, зілзаладан 14 жастағы қыз көз жұмды. Тағы 69 адам жараланды, олардың көбі үреймен терезеден секіріп, жарақат алған. 46 адам ауруханада ем қабылдап жатыр, қалғандарына оқиға орнында алғашқы көмек көрсетілген.

    Билік ірі қирау болмағанын хабарлады. Қазір құтқару қызметтері жағдайды бақылауда ұстап отыр.

  • ҚХДР Ресей-Украина соғысына өз әскерінің қатысқанын растады

    ҚХДР Ресей-Украина соғысына өз әскерінің қатысқанын растады

    КХДР билігі Ресейге Украинамен соғысқа қатысу үшін өз әскерін жібергенін алғаш рет растады деп хабарлайды Yonhap Кореяның Орталық ақпарат агенттігіне (KCNA).

    KCNA агенттігінің хабарлауынша, әскерді тасымалдау екі ел арасындағы жан-жақты стратегиялық серіктестік туралы келісімге сәйкес «Солтүстік Корея көшбасшысы Ким Чен Ынның бұйрығымен» жүзеге асырылған.

    «Украина билігінің Ресей Федерациясына абайсыз басып кіруіне тойтарыс беру үшін Курск аймағын азат ету операциялары жеңіспен аяқталды», – делінген KCNA мәлімдемесінде.

    Онда КХДР Қарулы күштерінің бөлімшелері «мемлекет басшысы Ким Чен Ынның бұйрығына сәйкес» операцияларға қатысқаны айтылған.

    Сенбі күні Ресей Бас штабының басшысы Валерий Герасимов Владимир Путинге Курск облысындағы жағдай туралы есеп беріп, «Солтүстік Кореяның әскери қызметкерлері аймақты азат етуге айтарлықтай көмек көрсетті», – деп мәлімдеді.

    Герасимовтың мәлімдемесі КХДР әскерінің Ресейге жіберілгенін алғашқы ресми растағаны болды.

  • Ыстанбұлдағы жер сілкінісі кезінде қатты қорқып кеткен Өзбекстан азаматы көз жұмды

    Ыстанбұлдағы жер сілкінісі кезінде қатты қорқып кеткен Өзбекстан азаматы көз жұмды

    Ыстанбұлдағы жер сілкінісі кезінде қатты қорқып кеткен Өзбекстан азаматы көз жұмды. Бұл туралы Өзбекстанның Түркиядағы бас консулдығы Telegram каналында жазды.

    «2025 жылы 23 сәуірде Ыстанбұлда тұратын жерлесіміз жүрек жетіспеушілігінен қайтыс болды. Бастапқы мәліметке қарағанда бұл қайғылы оқиға Ыстанбұлдағы жер сілкінісі кезінде жоғарғы қабатта болған азаматтың қатты үрейге салынуы салдарынан болған», — деп жазылған хабарламада.

    Өзбекстанның Ыстанбұлдағы бас консулдығы марқұмның денесін отанына жөнелту үшін қажетті консулдық, құқықтық және ұйымдастырушылық шараларды қолға алды.

    Еске салайық, сәрсенбі күні Ыстанбұл қаласының маңында 6,2 магнитудалы жер сілкінісі тіркелді.

  • Түркияда жер сілкінісінен зардап шеккендер 200-ден асты

    Түркияда жер сілкінісінен зардап шеккендер 200-ден асты

    Жер сілкінген кезде дүрбелеңнен көптеген адам биіктен секірген. Қазір олардың өміріне қауіп төніп тұрған жоқ, барлығына медициналық көмек көрсетілді. Түркияның денсаулық сақтау министрлігі құрбандар туралы мәліметті әлі айтпады.

    Жер сілкінісінің ошағы Мәрмәр теңізінде, Ыстанбұлдан шамамен 40 шақырым жерде орналасқан. Жер сілкінісі 13 секундқа созылды және онымен бірге 100-ден астам жерасты дүмпумен болды, олардың ең күштісі 5,9 балды құрады. Жерасты дүмпулері бірнеше провинцияда, соның ішінде Измирде де сезілді.

    Ыстанбұл тұрғындары жерасты дүмпулерінің қайталануынан қорқып, көшеге шықты. Үйде отырғысы келмейтіндер үшін билік спорт залдары мен мешіттер ашты. Ондаған ғимарат зақымданды, бірақ ескі және бұрыннан қараусыз қалған бір ғимарат қана құлады.

    Шенеуніктер Түркияның сейсмикалық белсенді аймақ екенін және 2030 жылға қарай Ыстанбұл аймағында күшті жер сілкінісі болу ықтималдығы 64%-ға бағаланатынын еске салып отыр.

  • Ыстамбұлда 6,2 магнитудалы жер сілкінісі болды

    Ыстамбұлда 6,2 магнитудалы жер сілкінісі болды

    Сәрсенбі күні Түркияның Төтенше жағдайлардың алдын алу және зардаптарын жою басқармасы (AFAD) Ыстамбұл қаласында магнитудасы 6,2 болатын жер сілкінісі тіркелгенін хабарлады.

    Reuters агенттігінің жазуынша, бұл – 16 миллион тұрғыны бар мегаполисте соңғы жылдары болған ең күшті жер сілкіністерінің бірі.

    Қазіргі уақытта қирандылар туралы нақты ақпарат түскен жоқ. Дегенмен жер сілкінісі болған сәтте қала тұрғындары үйлерінен эвакуацияланған.

    AFAD мәліметінше, сілкініс жергілікті уақыт бойынша 12:49-да (Гринвич уақытымен 09:49) тіркелген. Эпицентрі Ыстамбұлдан шамамен 80 шақырым батыста, жердің 6,92 шақырым тереңдігінде орналасқан.

    Сілкіністен кейін бірнеше минут ішінде Мәрмәр теңізі жағалауында және Ыстамбұл маңында бірқатар жер асты дүмпулері тіркелді. AFAD тек өзі үш қосымша жер сілкінісін анықтағанын хабарлады.