Ақорда жазғандай, Ашхабад әуежайында Қасым-Жомарт Тоқаевты түрікмен халқының көшбасшысы Гурбангулы Бердімұхамедов қарсы алды.
«Сапар аясында Қасым-Жомарт Тоқаев пен Сердар Бердімұхамедов келіссөз жүргізеді. Сондай-ақ Президент Ашхабадтағы Абай Құнанбайұлының ескерткішін ашып, «Дәуірлер мен өркениеттер байланысы – бейбітшілік пен дамудың негізі» атты халықаралық форумға қатысады», — деп жазған Ақорда.
2024 жылғы су тасқынынан зардап шеккен шағын және орта бизнестің шығынын төлеу үшін үкімет резервінен 12,1 млрд теңге теңге бөлінді.
Ұлттық экономика министрлігінің мәліметіне сүйенсек, 1 қазандағы мәліметке сай, шағын және орта бизнестен жалпы сомасы 15 млрд теңгеге 764 өтініш түскен.
«630 өтініш бойынша шамамен 12 млрд теңге сомаға оң шешім қабылданды, оның ішінде 10,1 млрд теңгеден астам сомаға 615 өтініш иесіне ақша аударылды», -деп хабарлайды Ұлттық экономика министрлігі.
Дереккөзге сүйенсек, өтініштердің басым бөлігі Атырау (423 өтінім) және Солтүстік Қазақстан (107 өтінім) облыстарынан түскен. Батыс Қазақстан облысынан 87 өтініш, Қостанай облысынан 68 өтініш, Ақтөбе облысынан 51 өтініш, сондай-ақ Ақмола облысынан 28 өтініш қабылданған.
Шымкент қаласының қылмыстық істер жөніндегі ауданаралық сотының үкімімен №96 М.Әуезов атындағы орта мектептің бас бухгалтері сеніп тапсырылған бөтен мүлікті жымқырғаны үшін 3 жылға бас бостандығынан айыруға сотталды.
Мекеменің бухгалтері қызметтік жағдайын пайдаланып, ай сайын өзінің есеп шотына белгіленген мөлшерден артық ақша аударып отырған.
«Барлығы 5 164 921 теңге сомасында аударым жүргізілген.»
«Қазгидромет» РМК ел аумағында 10 қазанда болатын қауіпті метеорологиялық құбылыстарға болжам жасады.
Қазақстанның көп бөлігінде циклон мен атмосфералық фронтальды бөлімдердің әсерінен жаңбыр, елдің оңтүстік-батысында қатты жаңбыр, солтүстігінде жауын-шашын (негізінен жаңбыр) күтіледі.
Тек оңтүстік-шығыста, шығыста, елдің орталығында жауын-шашынсыз ауа райы сақталады. ҚР бойынша желдің күшеюі күтілуде, елдің оңтүстігінде күндіз шаңды дауыл, батыста, солтүстік-батыста түнгі және таңертеңгі сағаттарда тұман болады.
«Павлодар, Ақмола облыстарында, Абай облысының батысында, солтүстігінде, орталығында, Шығыс Қазақстан облысының солтүстігінде, оңтүстігінде, орталығында, Қарағанды облысының солтүстігінде, Ұлытау облысының шығысында, Ақтөбе облысының солтүстігінде, солтүстік-шығысында, Батыс Қазақстан облысының солтүстік-шығысында, Жамбыл облысының солтүстік-шығысында, Қостанай облысының батысында, оңтүстік-шығысында, Маңғыстау облысының солтүстігінде, оңтүстігінде, орталығында, Солтүстік Қазақстан облысының шығысында, Қызылорда облысының батысында жоғары өрт қаупі сақталады», — деп жазды синоптиктер.
Атырау, Ақтөбе, Қызылорда, Батыс Қазақстан, Ұлытау облыстарында, Түркістан облысының солтүстігінде, батысында, орталығында, тау бөктері мен шөлді аудандарында, Жамбыл облысының солтүстік-батысында, Қостанай облысының оңтүстігінде, Қарағанды облысының басым бөлігінде, Шығыс Қазақстан облысының батысында, Абай облысының Үржар ауданында, Жетісу облысының батысында, солтүстігінде, орталығында, Алматы облысының, солтүстігінде, батысында төтенше өрт қаупі сақталады.
2025 жылдың 1 шілдесінен бастап Қазақстанда жаңа кассациялық соттар жұмыс істейді.Мәжіліс сот жүйесін реформалау және процестік заңнаманы жетілдіру мәселелері бойынша заң жобасын екінші оқылымда мақұлдады. Енді қылмыстық, азаматтық, әкімшік процестік кодекстерге және басқа да заңдарға түзетулер енгізіледі.Сот ісін жүргізудің барлық түріне кассациялық қадағалаудың бірыңғай ережелері енгізіледі. Енді әкімшілік істер бойынша сот актілері апелляциялық шағым жасалғаннан кейін заңды күшіне енеді. Тәуелсіз кассациялық соттардың құрылуына байланысты Жоғарғы Соттың рөлі өзгереді. Сот төрелігін тек жергілікті және кассациялық соттар жүзеге асырады.
«Кассациялық соттапрдың істерді қарау мерзімі 6 айдан аспайтын болады. Сот процессі тараптардың шақырылуымен және ауызша жүргізіледі.Тәуелсіз кассациялық соттардың құрылуына байланысты Жоғарғы Соттың рөлі өзгермек. Оның қызметі сот практикасын зерделеп, қорытуға, және сот төрелігін жүзеге асыру кезінде заңдылықтың сақталуына негізделетін болады», — деді ҚР Парламенті Мәжілісінің депутаты — Заңнама және сот-құқықтық реформа комитетінің Снежанна Имашева.
«Қазгидромет» РМК синоптиктері Қазақстан бойынша 2024 жылдың 10-12 қазанына арналған ауа райы болжамын жариялады. Мекеменің айтуынша, қазақстандықтар ауа райының қолайсыздығына дайын болуы керек. Циклон елімізге жауын-шашын әкеліп, желді күшейтеді, деп хабарлайды Zakon.kz.
Метеорологтар 10 қазаннан бастап батысқа, одан кейін Қазақстанның қалған бөлігіне циклон қатты әсер ететінін баса айтты.
«Жаңбыр жауып, қар жауады. Сондай-ақ дауылды жел секундына 15-29 метрге дейін күшейіп, қар мен көктайғақ болады деп күтілуде».
«Қазгидромет» РМК баспасөз қызметі
Республиканың оңтүстік және шығыс бөлігінде жаңбыр жауып, найзағай күтіледі, таулы аймақтарда тұман түседі.
Аптаның соңына қарай ауа температурасы төмендейді деп болжануда:
батыста күндіз 5-13 градусқа дейін,
оңтүстігінде — 20 градус Цельсий,
Қазақстанның солтүстігінде 1-5 градус аязға дейін,
оңтүстікте — 2 жылу,
республиканың орталығында және шығысында – 5-13 градус,
республиканың оңтүстігінде 7-12 градус жылы.
Бұған дейін мамандар Қазақстанның үш ірі қаласында 2024 жылдың 9, 10 және 11 қазанына арналған ауа райы болжамын ұсынған болатын. Олар Шымкентте ең ыстық болатынын түсіндірді. Онда ауа температурасы 29 градусқа дейін жылыйды. Алматыда 25 градус ыстық күтілуде.
Мәжіліс депутаты Ринат Зайытов ЛГБТ-ны насихаттауға толық тыйым салуды ұсынды. Бұл туралы Зайытов премьер-министр Олжас Бектеновке жолдаған депутаттық сауалында айтты.
Қазақстан Республикасының 2005 жылғы 18 ақпандағы «Экстремизмге қарсы іс-қимыл туралы» № 31 Заңының 1-бабына сәйкес феминита қауымдастығына Қазақстан Республикасының аумағында шектеу қоюды және ЛГБТ-ны насихаттауға толықтай тыйым салуды талап етеміз, – деген Зайытов.
Депутат мұндай ұйымдардың өңірлерді аралап, кәмелетке толмағандар арасында насихат жұмыстарын ашық жүргізіп жатқанын айтады.
Алматының көшелерінде өрімдей жастарды жинап алып митинг өткізгенде де, мәжілістің 11 депутаты қол қойып, сауал жолдағанда да құқық қорғау органдары саусақ қозғалтқан жоқ, – дейді депутат.
Сыбайлас жемқорлыққа қарсы іс-қимыл агенттігінің ресми өкілі Данияр Биғайдаровтың айтуынша, Алматы облысы бойынша Сыбайлас жемқорлыққа қарсы қызмет прокуратурамен бірлесіп, оның бірқатар ауыр сыбайлас жемқорлық қылмыстарын жасады деп күдіктеніп отыр.
«Ол өрт қауіпсіздігі талаптарын бұза отырып, санитарлық-эпидемиологиялық бақылау органдарының рұқсатынсыз қатты тұрмыстық қалдықтар полигонын сенімгерлік басқару құқығын өзімен үлестес серіктестікке беру арқылы өкілеттігін асыра пайдаланды деген күдікке ілінді», – деді спикер.
Сонымен қатар, Қарасаев полигонды сенімгерлік басқару мерзімін заңсыз ұзарту арқылы қызметтік өкілеттіктерін асыра пайдаланды деген күдікке ілінді.
«Ол қылмыстық схемаға аудандық бөлімдердің, қаржы және тұрғын үй-коммуналдық шаруашылықтың басшыларын тартып, кәсіпорынның тұрмыстық қатты қалдықтарды шығару бойынша келісім-шартта көзделген міндеттемелерін орындамағанын, кірісті оның атына бағыттағанын айта кету керек. жеке баюы осындай заңсыз әрекеттердің салдарынан облыс экологиясына 204 млн теңгеге залал келтірілді», – деп түйіндеді Биғайдаров.
Соттың санкциясымен күдікті қамауға алынды. Сотқа дейінгі тергеу жалғасуда.
Айта кетейік, бұған дейін интернетте Бағдат Қарасаевтың жүрегі ауыр дертке байланысты жатқан Алматыдағы ауруханалардың бірінің кардиологиялық оңалту бөлімінде тікелей ұсталғаны туралы ақпарат пайда болған еді.
Бұған дейін әкімнің ұсталғаны туралы ақпаратты Сыбайлас жемқорлыққа қарсы қызмет растаған болатын. Ал Алматы облысы прокуратурасының баспасөз қызметі әкімнің ұсталуы полигон қызметін тексеруден кейін болғанын хабарлады.
Светлана Жолманова аса ірі көлемде алаяқтық жасады деген күдікке ілінген. Медеу аудандық полиция Басқармасы алаяқтық дерегі бойынша қылмыстық іс қозғады. Күдікті полицияға жеткізілді. Тергеу шаралары жүргізіліп жатыр, – деді Алматы қаласы полиция департаментінің ресми өкілі Салтанат Әзірбек.
Естеріңізге сала кетейік, 2021 жылдың 28 сәуірінде Алматы қаласы Медеу аудандық сотының судьясы Светлана Жолманова алаяқтық жасады деген күдікке ілінген болатын. Тінту кезінде судьяның кабинетінен 10 мың доллар тәркіленген. Ол сот шешімін белгілі бір адамдардың пайдасына шығаруға көмектескен. 29 сәуірде Жоғарғы сот төрағасының өкімімен Светлана Жолманованың өкілеттігі тоқтатылды. 2023 жылдың 12 мамырында Тоқаевтың Жолманованы жұмыстан шығарғаны белгілі болды.
Сыбайлас жемқорлыққа қарсы іс-қимыл агенттігінің ресми өкілі Данияр Бегайдаров білім саласындағы жемқорлықты айтты. 2023 жылдың басынан бері осы салада барлығы 287 қылмыстық іс тіркелген.
«Жымқырудың ең көп сомасы Жетісу, Түркістан, Қызылорда, Алматы, Ақтөбе облыстарында және Алматы қаласында анықталды. Қылмыс жасауда 386 адам әшкереленді, оның ішінде 207 адам сотталып, түрлі жазалау шараларына сотталды», – дейді Бегайдаров.
Ол Қызылорда облысы бойынша Сыбайлас жемқорлыққа қарсы қызмет Жаңақорған ауданының білім бөлімінің бұрынғы басшысына қатысты іс жайлы айтты. Оған және оның қарамағындағыларға — бас бухгалтер мен бас экономистке, сондай-ақ 24 мектеп бухгалтеріне қатысты сотқа дейінгі тергеуді аяқтады.
«Олар мектептерде іс жүзінде еңбек қызметін жүзеге асырмаған адамдарға жалақы түрімен аудару арқылы 213 млн теңге сомасында бюджет қаражатын жымқырған деп айыпталды. Бұдан басқа, Білім бөлімінің бас бухгалтері қылмыстық жолмен алынған 6,5 млн теңге сомасындағы ақшалай қаражатты заңдастырды деп айыпталды.Қазіргі уақытта қылмыстық іс сотқа жіберілді. Жамбыл облысы бойынша Сыбайлас жемқорлыққа қарсы қызмет Тараз қаласы Политехникалық колледжінің директорына қатысты сотқа дейінгі тергеуді аяқтады. Ол «Бағдарламалық қамтамасыз ету» мамандығы бойынша талапкерге жалпы білім беру грантын беруге көмектескені үшін пара алды деп айыпталып отыр», – дейлі ол.
Қазіргі уақытта қылмыстық істің материалдары сотқа жолданды.