Sona.kz

Рубрика: Қазақстан жаңалықтары

  • Астанада бірнеше ауыр қылмысқа қатысы бар қылмыстық топ құрықталды

    Астанада бірнеше ауыр қылмысқа қатысы бар қылмыстық топ құрықталды

    Астаналық Полиция департаментінің Ұйымдасқан қылмысқа қарсы күрес басқармасы қылмыстық топты ұстады.

    ІІМ баспасөз қызметінің мәліметінше, оның құрамында бірнеше рет сотталған криминалитет өкілдері бар. Олар бірқатар ауыр қылмыстар жасады деп күдіктелуде.

    – Эпизодтардың бірінде қорқыту және зорлық-зомбылық қолдану арқылы жергілікті тұрғыннан 5 млн теңге сомасында қаражат және Тоуота маркалы жол талғамайтын көлікті иемденген. Басқа жағдайда банктердің бірінің іргелес аумағында олар 6 млн теңгені ашық түрде тонап кеткен. Қылмыстық топтың барлық қатысушысы қамауға алынды. Олардың басқа да осыған ұқсас қылмыстық құқық бұзушылықтарға қатысын тексеру жүзеге асырылуда.

    Сотқа дейінгі тергеп-тексеру алдын ала сөз байласу арқылы адамдар тобы жасаған бопсалау және тонау фактілері бойынша жүргізілуде, – деді ІІМ Ұйымдасқан қылмысқа қарсы күрес департаментінің өкілі Қуандық Алпыс.

  • «Ұлттық қор – балаларға»: Ертең әр балаға 129 доллар аударылады

    «Ұлттық қор – балаларға»: Ертең әр балаға 129 доллар аударылады

    Бірыңғай жинақтаушы зейнетақы қоры «Ұлттық қор – балаларға» жобасы аясында биыл әр балаға неше теңге аударылатынын есептеп болды. Бұл туралы Ұлттық банк төрағасы Тимур Сүлейменов мәлім етті.

    «Былтыр 6 млн 918 мың бала «Ұлттық қор – балаларға» жобасының қатысушысы болды. Оның әрқайсысына 100 доллардан сәл асатын ақша аударылды. Биылғы инвестициялық табыс жаман емес. Орташа (кейінгі 18 жылдың орташа табыстылығы – ред.) инвестициялық табыстың тең жартысы балалардың шотына аударылады. Бұл жаңалықты қуана отырып бөлісемін. Өйткені, менің де бағдарламаға қатысатын балаларым бар. Биыл 6 млн 921 мың 35 бала қатысады. БЖЗҚ енді ғана есептеп болды. Әр балаға 129 доллар 32 центтен аударылады, – деді Тимур Сүлейменов.

    Ұлттық банк мәліметі бойынша балаларға тиесілі ақша ертең аударыла бастайды.

  • Автогаз бағасы қымбаттады

    Автогаз бағасы қымбаттады

    Энергетика министрі 2025 жылғы 29 қаңтардағы бұйрығымен сұйытылған мұнай газын ішкі нарыққа жеткізу жоспары аясында тауар биржаларынан тыс автогаз құю станцияларына арналған бөлшек саудадағы шекті бағаларды бекітті.

    Жаңа автогаз бағалары (литріне):

    Астана – 102 теңге (бұрын 82 теңге)

    Алматы – 102 теңге (бұрын 89 теңге)

    Шымкент қаласы – 90 теңге (бұрын 70 теңге)

    Ақтөбе облысы – 77 теңге (бұрын 59 теңге)

    Атырау облысы – 77 теңге (бұрын 59 теңге)

    Ақмола облысы – 102 теңге (бұрын 84 теңге)

    Алматы облысы – 102 теңге (бұрын 89 теңге)

    Шығыс Қазақстан облысы – 102 теңге (бұрын 84 теңге)

    Қостанай облысы – 102 теңге (бұрын 84 теңге)

    Қарағанды – 102 теңге (бұрын 84 теңге)

    Жетісу облысы – 102 теңге (бұрын 84 теңге)

    Ұлытау облысы – 102 теңге (бұрын 84 теңге)

    Абай облысы – 102 теңге (бұрын 84 теңге)

    Жамбыл облысы – 90 теңге (бұрын 78 теңге)

    Батыс Қазақстан облысы – 77 теңге (бұрын 70 теңге)

    Қызылорда облысы – 90 теңге (бұрын 70 теңге)

    Маңғыстау облысы – 65 теңге (бұрын 59 теңге)

    Павлодар облысы – 102 теңге (бұрын 81 теңге)

    Солтүстік Қазақстан облысы – 102 теңге (бұрын 89 теңге)

    Түркістан облысы – 90 теңге (бұрын 70 теңге)

  • Қазақстанда екі облыста ауа райына байланысты қозғалыс шектелді

    Қазақстанда екі облыста ауа райына байланысты қозғалыс шектелді

    Қазақстанда ауа райының нашарлауына байланысты екі облыста тасжол жабылды. «ҚазАвтоЖол» мәліметінше, Жетісу облысында «Алматы-Талдықорған-Өскемен-Шемонаиха-РФ шекарасы» автожолының 557-615 шақырым аралығындағы учаскесінде (Үшарал қаласынан Абай облысының шекарасына дейін) көліктің барлық түрінің қозғалысына шектеу қойылды.

    «Абай облысында «Алматы-Талдықорған-Өскемен-Шемонаиха-РФ шекарасы» автожолының 615-768 шақырым аралығындағы учаскесі (Жетісу облысының шекарасынан Аягөз қаласына дейін), сол сияқты «Таскескен-Бақты» автожолының 0-75 шақырым аралығындағы учаскесі (Таскескен ауылынан Үржар ауылына дейін) жабық», – делінген хабарламада.

  • Олжас Бектенов Ресей компанияларын инвестиция салуға шақырды

    Олжас Бектенов Ресей компанияларын инвестиция салуға шақырды

    Үкімет басшысы Олжас Бектенов Ресей Федерациясының Премьер-министрі Михаил Мишустинмен кездесуінде Ресей компанияларын инвестициялық жобаларға белсенді атсалысуға шақырды.

    «Екі ел арасындағы өзара инвестициялар көлемі орнықты түрде артып келеді. Соңғы 20 жылда ресейлік инвесторлар 25,2 млрд доллар көлемінде тікелей инвестиция салды. Ал қазақстандық компаниялар осы кезеңде Ресей экономикасына 8,7 млрд доллар инвестиция бағыттады. Өткен жылдың 9 айында ғана ресейлік инвестициялардың жалпы ағыны 43,7% өсіп, 2 2,8 млрд доллар болды», – деді Үкімет басшысы.

    Оның айтуынша, Қазақстанда 23 мыңнан астам Ресейдің үлесі бар компания жұмыс істейді. «Бұл шетелдік капиталы бар кәсіпорындардың 40%-ына жуық. Жалпы, біз жаңа өндірістер құруға мүдделіміз. Ресейлік компанияларға Қазақстанда бірлескен инвестициялық жобаларды іске асыруға белсенді қатысуды ұсынамыз.

    Біз экономикалық ынтымақтастықтың 2021-2025 жылдарға арналған кешенді бағдарламасын іске асыруда оң нәтижелер көріп отырмыз. Осы тұрғыда біздің жауапты мемлекеттік органдарымыз келесі жылдарға арналған жаңартылған бағдарламаны әзірлеуге кірісуі орынды болып көрінеді», – деді Олжас Бектенов.

     

  • Айыппұл төлеу бойынша рекорд орнады

    Айыппұл төлеу бойынша рекорд орнады

    Бас прокуратураның мәліметінше, жол қозғалысы ережелерін елемегені үшін айыппұлдардың шамамен 40%-ы жүргізушілер мен жаяу жүргіншілерге салынған.  2024 жылы қазақстандық жеке және заңды тұлғаларға 304,3 млрд теңге айыппұл салынған. Бұл туралы Kolesa.kz жазды.

    – Прокурорлық антирейтингте екінші орында – салық саласындағы заң бұзушылықтар тұр. Үшінші орында – қоғамдық тәртіпке қатысты, мысалы, ұсақ бұзақылық, қоғамдық орында алкоголь ішу, тыныштықты бұзу және тағы басқасы, – делінген материалда.

    Бұл ретте 2023 жылы Жол қозғалысы ережелерін бұзғаны үшін қазақстандықтарға 88,7 млрд теңгеге айыппұл салынды, яғни өсім 36 пайыз болған.

    Осыдан 10 жыл бұрын, яғни 2014 жылы – 21,672 млрд теңгеге айыппұл салынған, бұл қазіргімен салыстырғанда 6.4 есе аз.

  • Қазақстан азаматтары АҚШ-тан емін-еркін шыға алады – СІМ

    Қазақстан азаматтары АҚШ-тан емін-еркін шыға алады – СІМ

    Атап айтқанда, былтыр АҚШ-та депортацияға жататын мигранттардың арасында 369 қазақстандық туралы ақпарат тараған.

    «Бұған дейін Сыртқы істер министрлігі АҚШ-та заңсыз жүрген Қазақстан азаматтары осы елде заңсыз жүргендерін мәлімдеп, АҚШ-тан емін-еркін шыға алатынын ескертті. Салдары болатынын түсіндірген едік», – деді Ә. Бақаев Сенатта тілшілер сұрағына жауап бере отырып.

    Оның айтуынша, егер мәжбүрлі депортация болса, онда бұл адамдарға болашақта АҚШ-қа сапарлауға қиынға түседі.

    «Әзірге, басқа қандай шаралар қолданылатынын білмеймін, яғни осының бәрі АҚШ-тың мемлекеттік саясаты аясында іске асырылады. Жалпы, шетелден өз еркімен кетуге үнемі рұқсат берілген және солай болып қала береді. Бұл мүмкіндік Қазақстан азаматтары үшін бар. Осы мүмкіндікті пайдаланбайтындар үшін мәжбүрлеп депортациялау тетігі қолданылауы ықтимал», – деп түсіндірді Әлібек Бақаев.

  • Абай облысында 3 автобустан 106 адам эвакуацияланды

    Абай облысында 3 автобустан 106 адам эвакуацияланды

    Түнде Абай облысының Аягөз қаласында Аягөз қаласы-Қалбатау ауылы арасындағы республикалық маңызы бар автожол қозғалысының шектелуіне байланысты блокпостта жолаушылары бар 3 автобус тоқтап қалды.

    ҚР Төтенше жағдайлар министрлігі баспасөз қызметінің хабарлауынша, құтқарушылары полиция қызметкерлерімен бірге жолаушылар автобустарынан 92 адамды ертіп, жақын маңдағы жылыту пункттеріне орналастырды, оның ішінде 20 бала бар.

    Жолдың осы жабық учаскесінің арғы жағында шағын көлемді автобустың жолаушылары қиын жағдайға тап болып, 14 адам жылыту пунктіне орналастырылды.

    Төтенше жағдайлар министрлігі ауа райына байланысты ескертулерді назарда ұстап, күн бұзылған жағдайда елді мекеннен тыс жерлерге шықпауды ұсынады.

     

  • Бүгінгі ауа райы: Бұрқасын, көктайғақ, тұман

    Бүгінгі ауа райы: Бұрқасын, көктайғақ, тұман

    Pixabay

    «Қазгидромет» РМК 30 қаңтарға арналған ауа райы болжамын жариялады.

    Астанада қар жауып, бұрқасын болады.

    Алматыда кей жерлерде көктайғақ болады. Кешке тұман түседі.

    Шымкентте күндіз жауын-шашын (жаңбыр, қар), көктайғақ күтіледі. Кейде тұман.

    Абай облысында қар жауып, боран соғады, күндіз оңтүстік пен шығыс бөлігінде қалың қар жауады. Жел екпіні: 23 м/с.

    Ақтөбе облысының солтүстігі мен батысында көктайғақ болып, тұман түседі.

    Ақмола облысында түнде қар жауып, бұрқасын болады. Желдің екпіні 15-20 м/с.

    Алматы облысының таулы аймақтарында күндіз кей жерлерде қалың қар жауады. Облыстың солтүстік, оңтүстік бөліктерінде, таулы аймақтарында көктайғақ болып, кей жерлерде тұман түседі. Жел екпіні: 15-20 м/с.

    Атырау облысында көктайғақ болады. Түнде және таңертең облыстың батысында, солтүстігінде және оңтүстігінде тұман түседі.

    Шығыс Қазақстан облысында қар жауып, боран соғады. Жел екпіні: 15-20 м/с.

    Жамбыл облысында қар жауады, күндіз жауын-шашын (жаңбыр, қар), таулы аймақтарда қар жауады. Жел екпіні: 15-20 м/с.

    Жетісу облысының таулы аймақтарында қар жауады, күндіз жауын-шашын (жаңбыр, қар), таулы аймақтарда қар, кей жерлерде қалың қар күтіледі. Кей жерлерде тұман түсіп, көктайғақ болады. Облыстың солтүстігінде оңтүстік-батыстан соғатын желдің екпіні: 15-20 м/с.

  • Журналист Дана Орманбаеваны интерпол іздеуге кірісті

    Журналист Дана Орманбаеваны интерпол іздеуге кірісті

    25 қаңтарда қазақстандық журналист әрі продюсер Дана Орманбаеваға халықаралық іздеу жарияланған. Продюсердің орналасқан жерін анықтаумен интерпол айналысады.

    Еске салайық, Алматы полиция департаменті тергеу бөлімі ұлтаралық араздық қоздыру фактісі бойынша қылмыстық істі тергеп жатқанын хабарлады. 2024 жылдың сәуірінде полиция Орманбаеваның әлеуметтік желідегі мәлімдемесі үшін оның үстінен қылмыстық іс қозғады.

    «Ол қайда екенін айта алмаймын. Әлеуметтік желілерде оны БАӘ-де дейді. Әзірге нақты ақпарат жоқ», – деді бас прокурордың орынбасары Ғалымжан Қойгелдиев.