Sona.kz

Рубрика: Қазақстан жаңалықтары

  • Былтыр 31,5 мың жол апатынан 2 579 адам бақилық болды

    Былтыр 31,5 мың жол апатынан 2 579 адам бақилық болды

    Отырыс барысында «AMANAT» партиясы фракциясының мүшесі, депутат Данабек Исабеков ҚР Цифрлық даму, инновациялар және аэроғарыш өнеркәсібі министрі Жаслан Мәдиевке депутаттық сауал жолдады.

    Президент Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында жүргізушілерді даярлау деңгейінің де төмендеп кеткенін, соның салдарынан жол апаттары көбейіп кеткенін, бұл мәселе қоғамның зор алаңдаушылығын туғызып отырғанын атап өтті.

    Өз сауалында халық қалаулысы жол-көлік апаттарының көптігіне тоқталып, нақты фактілерді келтірді:

    – Қазір жол апатының өзектілігі артып, жыл сайын дүниежүзінде 1,19 миллион адам жол-көлік оқиғасынан көз жұмады. Қазақстандағы көрсеткіш те жоғары. 2024 жылы 31,5 мың жол-көлік оқиғасы орын алып, соның салдарынан 2 579 адам бақилық болды. Жол апаттары жылдамдықты шамадан тыс арттыру, мас күйінде рөлге отыру және ережені өз деңгейінде сақтамай көлік жүргізу салдарынан жиі жол апаттары орын алады. Бұл дегеніміз, көлік жүргізушілер арасында жауапкершілік төмендеп, жолда жүру ережесін сақтамайтындар көп.

    Бұған әсер ететін фактілер көп. Соның бірі – жүргізуші куәлік беретін орындардағы сыбайлас жемқорлық. Әрине, бақылау жоқ жерде жөнді тәртіп те болмайды. 2009 жылы Ішкі істер министрілігі жүргізушілерді даярлайтын оқу ұйымдарын лицензиялау алынғалы мониторингтік бақылау тоқтады. Қазір автомектептерде оқымай-ақ анықтама алып, Мамандандырылған Халыққа қызмет көрсету орталығында сынақ тапсыра алады. Қазіргі уақытта автомектептер ешқандай жауапкершілік алмайды, куәлік алуға ниеттілерге оқыды деген анықтама онды-солды береді. Содан кейін мамандандырылған ХҚО теориялық және практикалық емтиханнан өтудің түрлі әдіс-тәсілін қарастырады.

    – Теориялық және практикалық емтихандарды тапсыру процесінде бұзушылықтар бар. Халыққа қызмет көрсету орталықтарында автоматтандырылған жүйемен емтихан тапсыру кезінде манипуляцияны қолданудың 222 фактісі анықталды. Біз Көкшетау қаласында, Өскеменде өсу фактілері анықталып, жауапты мамандар жазаланғанын жақсы білеміз, – деді депутат.

    Әлем елдерінің тәжірибесіне қарағанда, Аустралия, Жапония, Италия, Финляндия, Швеция және Германияда жүргізуші куәлігін алу өте қиын. Бұл елдердің кез келгенінде автомектептер жүргізушіге жоғары талап қояды. Мәселен, рейтингте бірінші орында тұрған Аустралияда жүргізуші куәлігін алу үшін бірнеше жыл керек. Осы уақыт ішінде жүргізу екі рет теориялық, екі рет практикалық сынақтан өтеді екен.

    – Бізге де әлем елдерінің үздік тәжірибелерін саралап, жүргізуші куәлігін беруді қатаңдататын заң нормаларын қабылдау маңызды, – деген депутат бұл мәселені шешу үшін министрге келесідей ұсыныстар айтты:

    Біріншіден, білім беру жүйесі – мектептерде жолда жүру тәртібі мен көлікті жүргізу негізін үйрететін арнайы факультативті курстар оқыту маңызды деп санаймыз. Біздің буын мектеп оқығанда мұндай игілікті көргенімізді айту керек-ақ. Сондықтан Оқу-ағарту және Ішкі істер министрлігі ортақ оқу бағдарламасын әзірлеуге мән бергені дұрыс.

    Екіншіден, теориялық тестілеуді Мемлекеттік қызмет істері агенттігіне беру қажет деп санаймыз.

    Үшіншіден, автодромдарды халықаралық стандарттарға сәйкестендіру керек.

    Төртіншіден, автомектептерге лицензия беруді қарастырып, олардың жауапкершілігін арттыру керек. Мәселен, жыл көлемінде белгілі бір автомектепті бітірген жүргізушілер көп рет жолда жүру ережесін бұзса, ондай орталықтың лицензиясын кері алу тетігін реттеу керек. Мұндай тәжірибе Еуропа елдерінде сәтті қолданып отырғанын айту маңызды.

  • Бішкекте интерполдың іздеуінде жүрген Қазақстан азаматы ұсталды

    Бішкекте интерполдың іздеуінде жүрген Қазақстан азаматы ұсталды

    Бішкекте Қазақстан азаматы ұсталды. Оған Сыбайлас жемқорлыққа қарсы агенттік іздеу жариялаған. 1985 жылы туған А.Д. есімді ер адам лауазымды кісіге пара деп айыпталған.

    ІІМ дерегінше, логистикалық компанияны басқарған күдікті 2022 жылдың желтоқсан айынан 2023 қарашасына дейін шетелге жүк шығаруды ұйымдастыруға тырысқан. Кедендік бақылаудан заңсыз өтіп кету үшін қызметкерлермен келісімге келіп, 16 500 АҚШ долларын ұсынған.

    А.Д. Қырғызстан заңнамасына сәйкес Октябрь ауданының ІІБ тергеу қызметіне жеткізілді.

  • Бензин және дизель отынын шығаруға тыйым салынды

    Бензин және дизель отынын шығаруға тыйым салынды

    Құжатқа сай, Қазақстан Республикасының аумағынан тысқары, оның ішінде Еуразиялық экономикалық одаққа мүше мемлекеттерге автомобиль көлігімен бензин, дизель отыны және мұнай өнімдерінің жекелеген түрлерін (2709 00, 2710, 2902, 3403, 3811, 3826 00 ЕАЭО СЭҚ ТН кодтары) әкетуге алты ай мерзімге тыйым салу енгізілген.

    Тыйым мына өнімдерге таралмайды:

    майлау майларына (2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0 ЕАЭО СЭҚ ТН кодтары);
    дайындаушы зауытта көзделген автомобиль көлік құралдарының бензин бактарындағы бензинге;
    ғылыми-зерттеу жұмыстарын жүргізу үшін алынған авиациялық отынға (уәкілетті органмен келісілген және қажетті авиациялық отын үлгілерінің көлемі көрсетілген хат болған жағдайда);
    Қазақстан Республикасы Үкіметінің шешімі бойынша гуманитарлық көмек шеңберінде әкетілетін мұнай өнімдерінің жекелеген түрлеріне.

    ҚР Энергетика министрлігі бұл шара ішкі нарықта жанар-жағармай тапшылығына жол бермеу үшін жасалғанын атап өткен.

    Айта кетейік, бұйрық 29 қаңтардан бастап күшіне енді.

     

  • Масаң күйінде автокөлік айдаған ауыл әкімі жауапқа тартылды

    Масаң күйінде автокөлік айдаған ауыл әкімі жауапқа тартылды

    ҚР Мемлекеттік қызмет істері агенттігінің БҚО бойынша департаменті жүргізген қызметтік тергеп-тексерудің қорытындысында мәлім болғанындай, Тасқала ауданы Шежін ауылдық округінің әкімі Миржан Есқалиев өткен жылдың 14 желтоқсаны күні Орал қаласында Subaru Outback көлігін масаң күйінде айдаған.

    Соған сәйкес М.Есқалиев сот қаулысымен ҚР Әкімшілік құқық бұзушылық туралы кодексінің 608-бабы 1-бөлігімен кінәлі деп танылып, 15 тәулікке әкімшілік қамаққа алынған. Оған қоса жеті жыл мерзімге көлік құралын басқару құқығынан айырылған.

    Ауыл әкімі өз түсініктемесінде тәртіптік теріс қылық жасағанын мойындаған.
    Әдеп жөніндегі кеңес мүшелері М.Есқалиевті қатаң сөгіс түріндегі тәртіптік шараға тартуды қолдады.

    Отырыста сондай-ақ Қаратөбе ауданы жұмыспен қамту және әлеуметтік бағдарламалар бөлімінің басшысы Бекболат Бердіғалиев пен бас маманы Баян Жамбыловаға қатысты тәртіптік іс талқыға салынды.

    Мәлім болғанындай, аталған бөлім басшысы өткен жылдың 31 қаңтарында «Нұр арманы» қоғамдық бірлестігімен ауданның мүгедектігі бар тұрғындарына инватакси қызметін көрсету үшін мемлекеттік сатып алу туралы шарт жасаған. Талапқа сәйкес кресло-арбамен қозғалатын немесе өз бетімен жүре алмайтын мүгедектерді тасымалдау үшін отырғызуға және түсіруге арналған арнайы жабдықталған автокөлік пайдаланылуы тиіс. Алайдп жеңімпаз атанған «Нұр арманы» ҚБ жабдықталмаған «KIA RIO» автокөлігімен қызмет еткен. Бұл кресло-арбамен қозғалатын жандардың қатынауына қиындық туғызған. Көрсетілген қызмет үшін бөлім басшысы ақыны толықтай төлеген.

    Әдеп жөніндегі кеңес басым дауыспен Б.Бердіғалиевке қызметіне толық сәйкес еместігі туралы ескерту беруді жөн деп тапты.

    Аталған шарт бөлім басшысы мен «Нұр арманы» ҚБ арасында жасалғандықтан, Б.Жамбылованың тәртіптік ісі тоқтатылды.

  • Қазақстанның басым бөлігінде қалың қар жауады

    Қазақстанның басым бөлігінде қалың қар жауады

    Синоптиктер Қазақстанның басым бөлігіне қар жауатыны жөнінде ауа райы болжамын жариялады.

    Астана: түнде қар, күндіз жауын-шашын (жаңбыр, қар), көктайғақ күтіледі. Боран. Оңтүстік-батыстан жел соғады, екпіні: секундына 15-20 метр.

    Солтүстік Қазақстан облысы: қар, боран, күндіз облыстың батысында жауын-шашын (жаңбыр, қар) болып, көктайғақ күтіледі. Жел 15-20 м/с, кейде секундына 25 метрге дейін жетеді.

    Жамбыл облысы: таңертең және түстен кейін облыстың оңтүстігінде, шығысында жауын-шашын (жаңбыр, қар), таулы аудандарда қар жауып, көктайғақ күтіледі. Жел солтүстік-батыстан оңтүстік-батысқа ауысады, облыстың таулы аймақтарында екпіні секундына 15-20 метрге дейін жетеді.

    Жетісу облысы: күндіз облыстың таулы аудандарында жауын-шашын (жаңбыр, қар), көктайғақ күтіледі. Жел екпіні: секундына 15-20 метр.

    Қарағанды облысы: түнде облыстың батысында, солтүстігінде қар жауады. Жел: екпіні 15-20 м/с, кейде секундына 23 метрге жетеді.

    Абай облысы: облыстың батысында, солтүстігінде қар, төменгі боран күтіледі. Желдің жылдамдығы:секундына 15-20 метр.

    Шығыс Қазақстан облысы: қар жауып, боран соғады. Желдің жылдамдығы секундына 15-18 метрге дейін жетеді.

    Ұлытау облысы: түнде облыстың батысында, солтүстігінде қар жауады. Күндіз боран соғады. Облыстың шығысында кей тұстарында тұман болады. Желдің екпіні: секундына 15-20 метр.

    Ақмола облысы: түнде қар, күндіз жауын-шашын, боран, көктайғақ. Желдің екпіні: күндіз секундына 23-28 метр.

    Түркістан облысы: оңтүстікте, облыстың таулы және тау бөктеріндегі аудандарында жауын-шашын (жаңбыр, қар), тұман, көктайғақ болады, жел облыстың таулы жерлерінде секундына 15-20 метрге дейін жетеді.

    Ақтөбе облысы: облыстың солтүстігінде, батысында, шығысында көктайғақ сақталады, желдің екпіні секундына 15-18 метрге дейін жетеді.

    Қызылорда облысы: облыстың басым бөлігінде тұман, көктайғақ күтіледі.

    Павлодар облысы: қар жауады, желдің екпіні секундына 15-20 метрге дейін жетеді.

    Қостанай облысы: қар жауып, боран күтіледі. Облыстың батысында, солтүстігінде тұман, көктайғақ болады. Желдің екпіні секундына 15-20 метрге дейін жетеді.

    Батыс Қазақстан облысы: аймақтың солтүстігінде, шығысында тұман, көктайғақ күтіледі.

    Атырау облысы: тұман түсіп, көктайғақ күтіледі.

  • Елдос Қоспаев 15 жылға бас бостандығынан айырылды

    Елдос Қоспаев 15 жылға бас бостандығынан айырылды

    Астана қаласының қылмыстық істер бойынша мамандандырылған ауданаралық соты Елдос Қоспаевқа қатысты үкім шығарды. Ол 15 жылға бас бостандығынан айырылды.

    2023 жылғы қыркүйекте Елдос Қоспаев пен оның қылмыстық тобының мүшелері Солтүстік Кипрде қолға түсіп, олар Қазақстанға әкелінген болатын. Оларға қылмыстық топ құрды және оған қатысты, рейдерлік әрекеттермен айналысты деген айып тағылды.
    Қаржылық мониторинг агенттігінің мәліметінше, Қоспаевтың қылмыстық тобында 11 адам болған. Олар келесі компанияларды тартып алған деген күдік болды:

    AV-Construction;
    Profit trade ltd;
    Azovita Aktau;
    Azovita Atyrau.

    Елдос Қоспаев өзінің сенімді адамдары арқылы 7 жылға сотталған кәсіпкер Алмас Әбдіғаппаровтың бизнесінің 75 пайызына иелік еткен. Ал кейін Әбдіғаппаровтың анасына қысым көрсету арқылы қалған 25 пайыз үлесті тартып алған.
    Қоспаев ісі бойынша тергеу жұмыстары 2024 жылғы көктемде аяқталған болатын.

  • БҚО-ның білім саласындағы былық: 30 лауазымды қызметкер жазаланды

    БҚО-ның білім саласындағы былық: 30 лауазымды қызметкер жазаланды

    Батыс Қазақстан облысының білім беру ұйымдарында тексеру жүргізіліп, түрлі заң бұзушылықтар анықталды.

    Прокуратура мәліметінше, Т.Жароков атындағы жалпы орта білім беретін мектепте кәмелетке толмағандар арасында Оқу-ағарту министрінің «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» 2022 жылғы 3 тамызындағы №348 бұйрығы талаптарына қайшы «Өмір қауіпсіздігі негіздері» бойынша міндетті сабақтар жүргізілмеген.

    «Аталған сабақтарды өткізу ауданның барлық 1200 оқушылар үшін ұйымдастырылмаған. Еңбек қатынастары саласындағы бұзушылықтар да тіркелді: қызметкерлер ұжымдық шарттармен таныспаған, ал еңбек шартын бұзу кезінде белгіленген нормалар сақталмаған. Тексеру нәтижесінде 30 лауазымды тұлға тәртіптік, ал 8 тұлға әкімшілік жауапкершілікке тартылды», – делінген прокуратура хабарламасында.

  • Аймақ, қала, аудан басшылары халықпен тікелей байланыста жұмыс істеуі қажет – Президент

    Аймақ, қала, аудан басшылары халықпен тікелей байланыста жұмыс істеуі қажет – Президент

    «Ақпараттық жұмыс уақтылы әрі сапалы жүргізілген жағдайда көптеген мәселені, соның ішінде қоғамда дүрбелең тудырған түйткілдерді ушықтырмай шешуге болатын еді. Сондықтан мұқият ойластырылған қоғамдық коммуникация стратегиясы қажет.

    Үкіметтің және әкімдердің қызметі өз халқымызға да, сыртқы әлемге де ашық әрі түсінікті болуы керек. Бірінші басшылар азаматтарды жеке қабылдауға тиіс. Бұл – өте маңызды. Әсіресе, аймақ, қала, аудан басшылары халықпен тікелей байланыста жұмыс істеуі қажет.

    Дегенмен мемлекет пен қоғамның серіктестігі азаматтарға да зор жауапкершілік жүктейді. Соңғы кезде заң үстемдігіне және қоғамдық тәртіптің сақталуына басымдық беру қажеттігі дамыған елдерде, тіпті, АҚШ-тың өзінде жиі айтыла бастады. Біз мұндай пайымға әлдеқашан келгенбіз.

    «Заң мен тәртіп» қағидасы халықтың санасына терең орнығуға тиіс. Ол үшін кез келген құқық бұзушылыққа «мүлдем төзбеушілік» қағидасын берік ұстану қажет. Бұл бағыттағы жұмыстар барлық деңгейде ұйымдастырылуы керек. Мұны, әсіресе, аймақ әкімдері мықтап қолға алғаны жөн. Бірақ шектеулер мен айыппұлдарға қатысты мемлекеттің де, қоғам белсенділерінің де ұстанымы көңілге қонымды болуға тиіс.

    Мәжбүрлеу шаралары болмаса, тәртіп орнату мүмкін емес екенін әлемдік тәжірибе көрсетіп отыр. Сондықтан мемлекеттің іс-әрекеттеріне түсіністікпен қараған жөн. Бұл орайда диалог арқылы қоғамдық келісімге келу керек. Қалай десек те, мемлекет заң тәртібін қамтамасыз ету үшін қабылдайтын шаралар өз елін күстәналауға себеп болмауға тиіс.

    Кейбір азаматтар елімізді мазақ қылуға әуестеніп барады. Мысалы, өзге елдердің өкілдері жоқ жерден «керемет жетістіктерді, табыстарды» тауып алып, оны шетелге жан-жақты насихаттап жатады. Ал біздің азаматтар, олардың ішінде шоу-бизнес өкілдері, өзін өзі «қоғам белсендісі» санайтын жастар, тіпті, депутаттар да бар, Қазақстанға неше түрлі лақап ат қоятын болды. Бұл енді мүлдем түсініксіз, ақылға сыймайтын нәрсе»

  • Шенеуніктер декларация тапсырмаған

    Шенеуніктер декларация тапсырмаған

    Шенеуніктердің декларацияларынан қазақстандықтар қандай ақпараттарды көре алатыны әлі белгісіз. Тиісті сұрақты қаржы министрі Мәди Тәкиев қойды. Оның айтуынша, шенеуніктердің декларацияларынан алынған мәліметтер көпшілікке қалай қол жетімді болатыны туралы мәселе әлі де талқыланып жатыр.

    Сыбайлас жемқорлыққа қарсы іс-қимыл агенттігі осы саладағы уәкілетті орган. Мемлекеттік органдармен не жариялануға жататыны келісіледі. Біз бұйрықты күтеміз, — деді ол.

    2025 жылдан бастап Қазақстанда жалпыға бірдей декларациялаудың төртінші кезеңі басталған. Мемлекеттік кірістер комитеті жеке тұлғалардың кірістерін әкімшілендіру басқармасының басшысы Дина Құсайынова мәлімдегендей, азаматтардың жекелеген санаттары ғана декларация тапсыруға міндетті

  • Президент банктерге шүйлікті

    Президент банктерге шүйлікті

    Мемлекет басшысы Қасым-Жомарт Тоқаев үкіметтің кеңейтілген отырысында екінші деңгейлі банктер ел экономикасына көмектесуі керек екенін айтты. (далее…)