Sona.kz

Рубрика: Спорт

  • Конор Макгрегорға әйелді зорлады деген айып тағылды

    Конор Макгрегорға әйелді зорлады деген айып тағылды

    Никита Хандтың Макгрегор мен тағы бір ер адамды айыптаған сот процесі өткен аптада басталған.

    Макгрегор Хандпен «толығымен ерікті жыныстық қатынасқа түскенін» мәлімдеді. Арыз иесінің «денеме жарақат қалдырды» деген сөзін жоққа шығарды. Ол барлық айыптауды жалған деп атады.

    Ханд Макгрегорды бұрын білгенін және досымен бірге Дублиндегі қонақүйдің пентхаусына барғанын, онда антидепрессанттарды қабылдағанына қарамастан есірткі мен алкогольді қолданғанын айтты.

    Сот процесінде талапкердің адвокат дәрігер әйелді тексеріп, «оның жарақаттарын суретке түсіріп алуға» кеңес бергенін айтады.

  • Головкин жаңа қызметке тағайындалды

    Головкин жаңа қызметке тағайындалды

    Азия Олимпиадалық кеңесі (АОК) ұйым комитеттеріне енген жаңа мүшелерін таныстырды. Ұйымның спорт комитетіне Геннадий Головкин тағайындалды.

    ҰОК мәліметінше, тағайындау туралы шешімді Азия Олимпиадалық кеңесінің президенті Раджа Рандхир Сингх Үндістанның Нью-Дели қаласында өткен АОК-тың 44-ші Бас ассамблеясында қабылдады.

    АОК комитеттерінің құрамына Қазақстан Ұлттық Олимпиада комитетінің (ҰОК) басшылары мен қызметкерлері енді. Спорт комитетіне Қазақстанның ҰОК президенті Геннадий Головкин тағайындалды.

    Бас хатшы Әлімжан Ақаев Халықаралық қатынастар комитетінің мүшесі болды. PR және маркетинг департаментінің директоры Гүлназ Шүкенова Медиа және БАҚ комитетіне кірді, ал cпорт департаментінің бас менеджері Роман Теміржанов Ақпарат және статистика комитетіне қосылды. Сонымен қатар Орталық Азияның Аймақтық антидопинг ұйымының (RADOCA) директоры Венера Абдулла антидопинг комиссиясының мүшесі атанды.

    Сонымен, бұл жаңартылған АОК комитеттері 2028 жылға дейін қызмет атқаратын болады.

  • Қазақстанда легионерлерді бюджет есебінен қаржыландыру тоқтатылады

    Қазақстанда легионерлерді бюджет есебінен қаржыландыру тоқтатылады

    Мәжіліс депутаттары дене шынықтыру және спорт мәселелері бойынша, сондай-ақ Қазақстан Республикасы Туризм және спорт министрлігі бастамашылық еткен нормаларды қажетсіз (артық) заңнамалық реттеуді жою туралы заңнамалық түзетулерді бірінші оқылымда мақұлдады.

    Парламент мәжілісінің депутаты, «AMANAT» партиясы фракциясының депутаты Нартай Сәрсенғалиев сөз басында «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасы Қазақстан Республикасы Үкіметінің 2023 жылға арналған заң жобалау жұмыстарының жоспарына сәйкес әзірленіп, Қазақстан Республикасы Үкіметінің 2023 жылғы 29 желтоқсандағы №1243 қаулысымен Қазақстан Республикасы Парламенті Мәжілісінің қарауына енгізілгенін еске салды.

    «Заң жобасының негізгі новеллалары туралы әріптестерім өте өзекті мәселелерді көтеріп, нақты сұрақтарын қойды. Бәріне туризм және спорт министрі жауап берді.

    Бұл Заң жобасы отандық спорттың жылдар бойы қордаланып қалған қадау-қадау мәселерін шешетін, бюджеттің бүйірін теспей сорып, спортқа бөлінген қаржыны мақсатсыз жұмсауды тоқтатады деп сенеміз. Себебі спортқа қыруар ақша бөлінгенін еткен еңбектен кеткен кемшілік көп екенін сіз бен біз үнемі айтып жүрміз.

    Заң жобасының жұмыс тобына кірген депутаттар бірнеше маңызды норманы енгізді. Мәселен, министрлік бұрын бекіткен, бюджетке қол салғаны болмаса, атының өзін ағайын білмейтін спорт түрлерін қазына қаржысынан қағу үшін нақты шешім қабылданды. Заңды түрде жоғары жетістіктер спорты деген түсінік еніп, оған кіретін спорт түрлері нақтыланды. Жоғары жетістіктер спортының ішінде жоғары жетістік көрсеткендері үшін басым спорт түрлері түсінігі енгізіліп, оның басымдықтары айқын көрсетілді», — деді «AMANAT» партиясы фракциясының мүшесі.

    Ол өз сөзінде легионерлерге бөлініп жатқан есепсіз қаражат туралы қозғай отырып, проблемалы тұстарды айтып өтті.

    «Қазақстанның ақшасын асауды білгенмен, алаңда үлкен жетістік жасауды білмеген легионерлерге мемлекеттің бюджеті есебінен де, квазимемлекеттік сектордың бюджеті есебінен де қаржы бөлуді тоқтату туралы норма қабылданды. Оған қоса бюджет қаржысының нақты қайда жұмсалуы керектігі айқын жазылды.

    Ерекше жандарға көрсетілетін ерекше көмек «спортшыны алып жүретін адам» түсінігімен заңға енгізіліп оның шығындарын өтеу жолы да жазылды.

    Діни экстрезим мен терроризм салаға енбеуі үшін профилактикалық жұмыстардың жүйесі де анық көрсетілді.

    Бұқаралық спортқа жасалатын қолдау да Заң жобасында ашық жазылды. Ұлттық спорттың қарыштап дамуына әсер ететін бастамалар, оларды қаржатпен қамтамасыз ету қадамдары нақты көрсетілді. Бұл қысқа-нұсқа айтқандағы ақпаратым», — дейді Нартай Сәрсенғалиев.

  • Елена Рыбакина әлемнің бірінші ракеткасын жеңді

    Елена Рыбакина әлемнің бірінші ракеткасын жеңді

    Елена Рыбакина WTA қорытынды турнирінде әлемнің бірінші ракеткасын жеңді. Olympic.kz мәліметінше, Қазақстан құрамасының теннисшісі Елена Рыбакина Эр-Риядта (Сауд Арабиясы) болып жатқан WTA қорытынды турнирінде үшінші матчын өткізді.

    Ол әлемнің бірінші ракеткасы Арина Соболенкоға (Беларусь) қарсы ойнап, үш сетке созылған кездесуде 6:4, 3:6, 6:1 есебімен жеңіске жетті, – делінген ақпаратта.

    Бұл матч турнирдің топтық кезеңі аясында өтті. Бұған дейін Рыбакина алғашқы екі ойында италиялық Жасмин Паолиниге және қытайлық Чжан Цинвэнге есе жіберді. Ал Соболенкоға қарсы кездесудің алдында Елена жартылай финалға шығу мүмкіндігінен айырылып қалған еді. Сондықтан бұл ойын оның турнирлік жағдайына әсер етпейді.

  • Қазақстанда 2027 жылы бокстан әлем чемпионаты өтуі мүмкін

    Қазақстанда 2027 жылы бокстан әлем чемпионаты өтуі мүмкін

    Ұлттық Олимпиадалық комитеттің мәліметінше, АҚШ-тың Колорадо-Спрингс қаласында World Boxing халықаралық бокс федерациясының Конгресі өткен. Жиын барысында Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде cаналатын 2027 жылғы әлем чемпионатын өткізуге өтінім берді. Әлемдік ұйымның шешімі жақын арада белгілі болады.

    Қазақстан бокс федерациясы ресми түрде World Boxing ұйымының толыққанды мүшесі атанған еді. Қазақстан бұл ұйымға 52-ел болып қосылды. Сондай-ақ Өзбекстан да WB қатарына кірді. 2023 жылдың сәуірінде құрылған World Boxing құрамында қазір 55 мемлекет бар.

  • Елена Рыбакина WTA турнирінің топтық кезеңінде жеңіліс тапты

    Елена Рыбакина WTA турнирінің топтық кезеңінде жеңіліс тапты

    Қазақстандық теннисші Елена Рыбакина (WTA рейтингінде 5-орында) Сауд Арабиясының Эр-Рияд қаласында өтіп жатқан WTA Итогалық турнирінің топтық кезеңінен шыға алмады, деп хабарлайды  Sports.kz.

    Енді Рыбакинаның турнирді жалғастыру мүмкіндігі жоқ. Белоруссиялық Арина Соболенко (1-орын) италиялық Жасмин Паолиниді (4-орын) 6:3, 7:5 есебімен жеңгеннен кейін, Соболенко екі жеңіспен топта көш бастады. Паолини мен қытайлық Чжэн Циньвэньнің (7-орын) әрқайсысында бір жеңістен бар, ал Рыбакинаның еншісінде екі жеңіліс тіркелді.

    Турнирдегі соңғы матчында Елена Рыбакина Арина Соболенкомен кездеседі.

  • Нұрқожа Қайпанов еркін күрестен әлем чемпионы атанды

    Нұрқожа Қайпанов еркін күрестен әлем чемпионы атанды

    Нұрқожа Қайпанов Албанияның бас қаласы Тиранада өтіп жатқан әлем чемпионатында жеңімпаз атанды, деп хабарлайды Туризм және спорт министрлігінің баспасөз қызметі.

    Отандасымыз финалда жапон палуаны Йошиносуке Аоягиден басым түсті. Есеп: 3-5.

    Нұрқожа дәл осы салмақта (70 кг) 5 жыл бұрын еліміздің астанасында өткен әлем чемпионатында күміс жүлдеге ие болған.

    Осылайша, елімізден 2-жыл қатарына еркін күрестен әлем чемпионы шықты. Былтыр Сербия астанасы Белградта Ризабек Айтмұхан 92 кг дейінгі салмақта топ жарған.

    Айта кетейік, кеше Қайпанов іріктеуде Митчелл Финесилверді (Израиль), кейін Николай Грахмезді (Молдова), Акаки Кемертелидзені (Грузия) айқын басымдықпен жеңген. Жартылай финалда тәжікстандық Абдулмажид Кудиевті таза жықты.

    Осымен Тиранадағы Олимпиада бағдарламасына кірмейтін салмақтар бойынша әлем чемпионаты мәресіне жетті. Қазақстан құрамасы 1 алтын, 2 күміс медаль жеңіп алды. Осыған дейін грек-рим күресінің шебері Ержет Жарлықасын (63 кг) мен Жәмилә Бақбергенова (72 кг).

  • Қазақстан спортшысы неге 3 жылға спорттан шеттетілді?

    Қазақстан спортшысы неге 3 жылға спорттан шеттетілді?

    «Дядя Ваня» Telegram-арнасының хабарлауынша, 22 жастағы шымкенттік триатлоншы Әлихан Әбусейіт тыйым салынған медициналық препараттарды қолданғаны үшін үш жылға дисквалификацияланған.

    Оның сынамаларынан спортта тыйым салынған эритропоэтин іздері табылды. ҚР жастар құрамасының үздік үш сайыс шеберлерінің бірі 2024 жылдың 5 тамызынан 2027 жылдың 5 тамызына дейінгі кезеңде спорттық додаларға қатыса алмайды.

    Триатлоншыдан сынама биыл 11 мамырда алынған. Ол 11-12 мамыр аралығында U23 санатындағы триатлоннан Қазақстан чемпионатына қатысқан еді. Бұл жарыста спортшы спринт қашықтығында сынға түсіп, күміс медаль жеңіп алды.

    Әбусейіт Әлихан тыйым салынған препаратты қолданған Қазақстандағы алғашқы триатлоншы емес. 2008 жылы Бейжің Олимпиадасының басталуына бірнеше ай қалғанда триатлоннан Қазақстан құрамасының мүшесі Дмитрий Гаагтың сынамасынан эритропоэтин табылған еді.

  • Испаниялық Родри футболдан «Алтын доп» иегері болды

    Испаниялық Родри футболдан «Алтын доп» иегері болды

    Испаниялық Родри (Родриго Эрнандес) футболдан 2024 жылғы «Алтын доп» иегері болды.

    Биыл 68-ші мәрте өткізілген дәстүрлі іс-шара әлемдегі үздік футболшыларды анықтау мақсатында қолға алынған. 1956 жылдан бері «France Football» журналының қолдауымен тұрақты түрде ұйымдастырылып келеді.

    Ереже ойынша ерлер мен әйелдер арасында «Алтын доп» иегері анықталып, 21 жасқа дейінгі футболшылар арасында «Копа трофейі», үздік қақпашыға «Яшин трофейі» берілді. Сондай-ақ үздік ерлер және әйелдер командалары анықталды. Ал өткен маусымдағы үздік сұрмергенге Герд Мюллер трофейі табысталды.

    Биыл олардың қатарына тағы екі жаңа марапат қосылды. Енді ерлер және әйелдер командалары арасында үздік бапкерлер есімі белгілі болды.
    Үздік футболшы: Родри («Манчестер Сити», Импания құрамасы).

    Үздік әйел футболшы Айтана Бонмати («Барселона», Испания құрамасы).

    Копа трофейі: Ламин Ямаль («Барселона», Испания құрамасы).

    Мюллер трофейі: Харри Кейн («Бавария», Англия құрамасы), Килиан Мбаппе («ПСЖ» / «Реал», Франция құрамасы).

    Яшин трофнйі: Эмилиано Мартинес («Астон Вилла», Аргентина құрамасы).

    Үздік клуб (ерлер): «Реал Мадрид».

    Үздік клуб (әйелдер): «Барселона».

    Үздік бапкер (ерлер): Карло Анчелотти («Реал Мадрид»).

    Үздік бапкер (әйелдер): Эмма Хейз («Челси», АҚШ құрамасы).

  • Ризабек Айтмұхан үш дүркін әлем чемпионы атанды

    Ризабек Айтмұхан үш дүркін әлем чемпионы атанды

    Тиранада (Албания) 23 жасқа дейінгі жастар арасында еркін күрестен өтіп жатқан әлем чемпионатында қазақстандық Ризабек Айтмұхан жеңімпаз атанды.

    Қазақстандық балуан 97 келіге дейінгі салмақта финалда ирандық Махди Морафамен белдесті.

    Бірінші кезең 2:2 есебімен тең аяқталғанымен, соңғы ұпайды Ризабек алды. Екінші кезеңде ол 6:2 есебімен алға шықты. Сосын 10:4-ке жеткізді. Қорытынды есеп – 11:6, Ризабектің пайдасында.

    Р.Айтмұхан 2023 жылы ересектер арасында әлем чемпионы атанса, биыл 20 жасқа дейінгілер арасында дүниежүзілік додада топ жарғаны белгілі.

    Тағы бір қазақстандық Алан Оралбек (57 кг) қола жүлде үшін бәсекеде ресейлік Юнус Явбатыровпен белдесіп, 2:6 есебімен есе жіберді. Сөйтіп ол медальсіз қалды.

    Дүйсенбі күні грек-рим күресі шеберлері де кілемге шығады.