Sona.kz

Рубрика: Спорт

  • Елдос Сметовтың бапкері мен Нұрдәулет Жұмағалидың айлығына 4 млн теңге қосылды

    Елдос Сметовтың бапкері мен Нұрдәулет Жұмағалидың айлығына 4 млн теңге қосылды

    Келесі айдан бастап Әлем чемпионатының жеңімпазы Жарқынай Рахымбаева және қола жүлдегер Серғали Әбілда, биылғы Паралимпиаданың паражүзуден күміс жүлдегері Нұрдәулет Жұмағали мен бапкері Саттар Бейсембаевтың жалақысы өседі. Ал Елдос Сметовтың бапкері келесі олимпиадаға дейін ай сайын 4 млн теңге қосымша жалақы алады. Осы аптада өткен Жамбыл облыстық мәслихатының сессиясында осындай шешім қабылданды.

    Жарқынай Рахымбаева және Серғали Әбілда 16-26 тамыз аралығында Кишинев қаласында өткен жарыста армрестлингтен жүлдегер атанған болатын.

    Жүлдегерлер жалақысының көтерілуі Жамбыл облысы әкімдігінің 2017 жылғы 27 қарашадағы N262 қаулысына сәйкес жүзеге асты. Енді Жарқынай Рахымбаеваның бұған дейін алып келген жалақысына — 162 448 теңге, Серғали Әбілданың жалақысына — 81 244 теңге, Нұрдәулет Жұмағалидың жалақысына — 2 148 744 теңге, Саттар Бейсембаевтың жалақысына — 974 668 теңге қосылады.

    Бапкер Саттар Бейсембаев осыған дейін 385 044 теңге жалақы алып келсе, Нұрдәулет Жұмағалидың жалақысы 1 271 812 теңге көлемінде болған.

    Тағы бір айтары, Олимпиада ойындарының алтын жүлдегері Елдос Сметовтың жаттықтырушысы Ғалымжан Жылгелдиевтің де жалақысына қыркүйек айынан бастап 4 млн теңге қосылды. Бұл Спорт және дене шынықтыру агенттігі төрағасының 2014 жылғы 28 шілдедегі бұйрығына сәйкес жүзеге асты.

    Жамбыл облыстық экономика және бюджеттік жоспарлау басқармасының мамандары бұл — спортшылардың әлемдік додаларда жүлде алуына байланысты жалақысына автоматты түрде қосылатын төлем екенін айтады.

    Ал, Елдос Сметовтың жалақысына әл-әзірге ешқандай ақша қосылған жоқ. Сметов облыс әкімінің қаулысына сәйкес ең жоғары жалақы — 2 684 000 теңге алады.

    Енді Жамбыл облыстық спорт басқармасы қаулыға өзгерістер енгізіп, чемпионның да жалақысын көтеруге қадамдар жасап жатыр. Бұл келесі жылдан бастап іске асуы мүмкін.

  • Елена Рыбакина Қазақстан құрамасы туралы шешім қабылдады

    Елена Рыбакина Қазақстан құрамасы туралы шешім қабылдады

    Қазақстан құрамасы 16-17 қарашада Астанада өтіп жатқан теннис аналогы әлем чемпионатының плей-офф кезеңінде Оңтүстік Корея теннисшілерімен кездеседі.

    «Қазіргі таңда спортшыларымыз Елена Рыбакина, Зарина Дияс, Юлия Путинцева, Анна Данилина, Жібек Құламбаева құрамаға қарсы күресуге дайындалып жатыр. Біздің команданың көшбасшысы Елена Рыбакина WTA финалдық турнирінде осы ойын маусымының соңына дейін ойнауды жоспарлап отыр, ол жыл басындағы сәтті нәтижелердің арқасында іріктеуден өтті. Қазір Елена өзін жақсы сезінеді, егер ол Эр-Риядта сенімді ойын көрсете алса, Корея құрамасына қарсы кездесуге бел буып отыр. Жұпта Анна Данилина Қытайдағы турнирде жеңіске жетіп, Астанадағы жұптық комбинацияда басты рөлді ойнауға дайын. Жібек Құламбаева осы айда жұптық рейтингте өзінің ең жоғары сатысына көтерілді және ұлттық құрамада ойнау тәжірибесі бар», – деді Қазақстан құрамасының капитаны Юрий Щукин.

  • Жеңімпазға – 15 млн теңге. Астанада «Қазақстан барысы» өтеді

    Жеңімпазға – 15 млн теңге. Астанада «Қазақстан барысы» өтеді

    Жарыста еліміздің ең мықты 42 балуаны бақ сынайды. Олардың арасында өткен жылғы «Қазақстан барысы» мен «Әскер барысының» жеңімпаздары да бар.

    Республикалық турнир 26 қазанда сағат 13:00-де «Барыс аренада» басталады. Кіру – тегін. Жарыстың жалпы жүлде қоры – 27 млн 100 мың теңге. Оның 3 млн 720 мың теңгесі жаттықтырушыларға беріледі.

    Жеңімпаз балуанға 15 млн теңге мен «Қазақстан барысы» алтын белдігі беріледі. 2-орын алған балуан 3,3 млн теңге, ал 3-орынға иеленген спортшы 1 млн 80 мың теңге алады. Сондай-ақ әр жеңіске жеткен белдесуі үшін балуанға 100 мың теңге қарастырылған, – деп жазылған ұйымдастырушылар таратқан хабарламада.

    Марапаттау рәсімінен кейін турнир жеңімпазымен баспасөз конференциясы өтеді. Жарысты ұйымдастырушылар – Qazaq kuresi ассоциациясы, Sport Qory қоры, Туризм және спорт министрлігі, Астана қаласы әкімдігі және «Самұрық-Қазына» әл-ауқат қоры.

  • Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді. Бұл жөнінде депутат Нартай Аралбайұлы мәлім етті.

    «Енді шетелдік спортшыларға бюджеттің және квазимемлекеттік қорлардың бір тиыны берілмейді. Депутаттар дауыс бердік. Үкіметтің қорытындысы кеше кеште келіп жетті. Халықтың ақшасы халықтың игілігіне жұмсалу керек», — деді ҚР Парламенті Мәжілісінің депутаты Нартай Аралбайұлы.  https://www.instagram.com/p/DBYokP0u_Zs/

    Айта кетейік, бұған дейін легионерлерге қатысты дау қоғам арасында жиі көтерілетін. Себебі, спортта жақсы нәтижеге жету үшін шетелдік спортшыларға қыруар қаржы төлеуге тура келетін.

     

  • Спорт министрі футболдың бас бапкеріне қатысты пікір білдірді

    Спорт министрі футболдың бас бапкеріне қатысты пікір білдірді

    Туризм және спорт министрі Ербол Мырзабосынов  футболдың бас бапкеріне  қатысты жайтқа пікір білдірді. Министр, Станислав Черчесовтың әрекетін одан әрі ушықтырмай, халқымызға тән кеңпейілдік танытуымыз дұрыс деді.

    «Құрметті достар!Әрине, Станислав Черчесовтің «француз тіліне» қатысты қалжыңы орынсыз болды. Мұны Қазақстан футбол федерациясы да, бапкердің өзі де бек түсінеді.

    Дегенмен, Черчесовтің басты міндеті – ұлттық құраманы жаңа деңгейге шығару. Ендеше, оған ең алдымен кәсіби қызметіне қарап баға беруге шақырамын.
    Біз қашаннан қонақжай, дархан мінезді, кешірімді елміз. Бізді мықты ел ететін де осы қасиеттер. Сондықтан мәселені одан әрі өршіте бермей, халқымызға тән кеңпейілдік танытқанымыз абзал.Кез келген даулы мәселені ақыл-парасатпен шешетін толерантты, өркениетті, яғни дана қоғам екенімізді көрсете білейік.
    Станислав Черчесов – халықаралық деңгейдегі танымал футболист әрі 20 жылдық тәжірибесі бар кәсіби жаттықтырушы. Сондықтан ол түбінде қазақстандық жанкүйерлердің сенімін ақтап, ұлттық құраманы қазіргі күрделі кезеңнен абыроймен алып шығады деп сенемін.Бәріміз мүддесі ортақ футбол жанашырлары ретінде бір-бірімізді қолдап жүрейік!», — деп жазды фейсбуктегі парақшасында  https://www.facebook.com/100094570982990/posts/400478509781179/?mibextid=CTbP7E&rdid=xIxM71WcPzjX60Opминистр.
    Естеріңізге сала кетейік,  Қазақстан ұлттық құрамасының бас бапкері Станислав Черчесовтің қазақ тілін кемсітуге тырысқаны туралы бейнематериал кеңінен таралып, қоғам тарапынан наразылық туғызған болатын. Станислав Черчесовтің  қазақ тілінде сұрақ қойған журналиске келемеждеп жауап берген. «Французша сұрап тұрсың ба», деп орынсыз қалжыңдаған. Осы жайттан кейін туризм және спорт министрлігі Қазақстан футбол федерациясынан түсініктеме беруді талап етті.https://sona.kz/kk/qazaqstandyq-fwtboldagy-bas-bapkerdin-basy-dawga-qaldy-9131/ Ал, еліміздің футбол федерациясы Станислав Черчесовтің қазақ тілі мен еліміздің мәдениетіне үлкен құрметпен қарайтынын айтып ақталды.
    Айта кетейік, бас бапкердің қазақ тілін кемсітуге қатысты бұл бірінші жағдай емес. Бірер ай бұрын Черчесов баспасөз мәслихатында қазақ тілінде сұрақ қойған журналиске шүйліккен еді. Желіде бұл жағдай көпшіліктің наразылығын тудырғаннан кейін Черчесов қазақ тілін оқып жатырмын деп құтылды.
    Спорт министрлігі еліміздегі өзге де федерацияларды қазақ тіліне, мемлекеттік рәміздерге, ұлттық құндылықтарға құрметпен қарауға шақырады. Орынсыз қалжыңға жол жоқ екенін қатаң ескертеді.
  • Астанада әлемдік жұлдыздардың қатысуымен мұз шоуы өтеді

    Астанада әлемдік жұлдыздардың қатысуымен мұз шоуы өтеді

    30 қараша күні елордада алғаш рет әлемдегі ең талантты мәнерлеп сырғанаушыларды бір алаңда тоғыстыратын ауқымды халықаралық мұз шоуы өтеді.

    Оған екі дүркін Олимпиада чемпионы Евгений Плющенко, Ресей чемпионы, бір дегенде төрт рет секірген алғашқы әйел Александра Трусова, Ресей чемпионы, әлем чемпионатының күміс жүлдегері Дмитрий Алиев, Еуропа чемпионы, Гран-при финалының жеңімпазы Алена Косторная, екі дүркін әлем чемпионы, үш дүркін Еуропа чемпионы және Гран-при финалының жеңімпазы, Испанияның төрт дүркін чемпионы Хавьер Фернандес, жасөспірімдер арасындағы әлем чемпионатының күміс жүлдегері Гергий Куница, жасөспірімдер арасындағы Ресей чемпионы Александр Плющенко және басқалар қатысады, – деп мәлімдеді жергілікті әкімдік.

    Іс-шара бағдарламасында «Щелкунчик», «Золушка және әдемі ханзада», «Қызыл телпек», «Аққу көлі» және «Кішкентай су перісі» классикалық балеттерінің үзінділері сияқты сүйікті ертегілерге негізделген қызықты нөмірлер бар, деп қосты ведомство.

  • Қазақ тілін менсінбеген Черчесовке айыппұл салынды

    Қазақ тілін менсінбеген Черчесовке айыппұл салынды

    Қазақстан футбол құрамасының бас бапкері Станислав Черчесовке қазақ тіліне қатысты әзілінен кейін айыппұл салынды. Бұл туралы ҚФФ басшысы Әділет Барманқұлов мәлім етті.

    Қателіктер бар. Біз бұл туралы кеше ғана журналистермен сөйлестік. Черчесовтың әзілі, әрине, шектен шығып кетті. Мен онымен жеке сөйлесіп, мемлекеттік тілдің өзектілігі мен басымдылығын түсіндірдім. Біз онымен әңгімелесу түрінде жұмыс өткіздік. Оған айыппұл салынды, — деді федерация басшысы Әділет Барменқұлов.

    Сондай-ақ ол салынған айыппұл көлемі 200 АЕК немесе 738 400 теңгені қамтитынын атап өтті.

  • Мбаппе қыз зорлады деп айыпталды

    Мбаппе қыз зорлады деп айыпталды

    Швеция прокуратурасы әлемге әйгілі француз футболшысы Килиан Мбаппеге қатысты зорлау ісі бойынша тергеу жүргізіп жатыр, деп хабарлайды AFP агенттігі.

    Дегенмен қазір тергеу барысында күдіктінің аты-жөні ресми түрде аталған жоқ.

    Expressen швед басылымының мәліметінше, оқиға Стокгольмдегі Bank қонақ үйінде болған. 12 қазанда TV4 телеарнасы шағымданған әйелдің зорлық-зомбылық құрбандарына көмек көрсетуге маманданған ауруханаға медициналық көмекке жүгінгенін хабарлады.

    Мбаппе бұл айыптауларды жоққа шығарып, олардың шығу себебін «Пари Сен-Жермен» клубына қарсы басталған сот процестерімен байланыстырды.

    Сондай-ақ мадридтік «Реал» шабуылшысы Париж клубының өзіне 55 миллион доллар қарыз екенін, ал әлгі жалған айыптау осы сот процестерінің негізі болуы да мүмкін екенін алға тартты.

  • Ұлытау облысында жүк пойыздары соқтығысып, 4 адам зардап шекті

    Ұлытау облысында жүк пойыздары соқтығысып, 4 адам зардап шекті

    Ұлытау облысында жүк пойыздары соқтығысып, 4 адам зардап шекті. Жұмысшылар жедел ауруханаға жеткізілген. Жағдайлары орташа. Апат Жезқазған қаласынан 65 шақырым жерде болған.

    Барлығы 6 вагон зақымданған. Тіпті кейбірі релістен шығып, аударылып қалған. Қазір темір жол бойы тазартылып, қалпына келтіріліп жатыр. «Ешқандай пойыз қатынасына кедергі келтірмейді»,- дейді мамандар. Естеріңізге сала кетейік, 1 апта бұрын Ақмола облысында да жүк пойызы релістен шығып кеткен еді. Апат себебі әлі анықталуда.

  • Қазақстандық футболдағы бас бапкердің басы дауға қалды

    Қазақстандық футболдағы бас бапкердің басы дауға қалды

    Футболдан Қазақстан ұлттық құрамасының бас бапкері Станислав Черчесовтің басы тағы да дауға қалды. Ол қазақ тілінде сұрақ қойған журналистке келемеждеп жауап берген. «Французша сұрап тұрсың ба», деп орынсыз қалжыңдаған. Осы жайттан кейін туризм және спорт министрлгі Қазақстан футбол федерациясынан түсініктеме беруді талап етті. Спорт министрлігі мұндай жағдайдың қайталанбауын ескертті.

    ҚР Туризм және спорт министрлігі Қазақстан футбол федерациясынан түсініктеме беруді талап етіп отыр.

    Ведомствоның мәлімдеуінше, әлеуметтік желіде футболдан Қазақстан ұлттық құрамасының бас бапкері Станислав Черчесовтің қазақ тілін кемсітуге тырысқаны туралы бейнематериал таралып, қоғам тарапынан наразылық туған.

    «Федерациядан осы оқиғаға түсініктеме беру және С.Черчесовпен мемлекеттік тілге құрмет көрсету туралы түсіндіру жұмыстарын жүргізу талап етілді. Біз мұндай жағдайлардың қайталанбауын қамтамасыз ету үшін федерация тарапынан тиісті шаралар қолданылуы керек деп санаймыз», делінген хабарламада.

     

    Ал, еліміздің футбол федерациясы Станислав Черчесовтің қазақ тілі мен еліміздің мәдениетіне үлкен құрметпен қарайтынын айтып ақталды.

    «Әлеуметтік желілерде жарияланған футболдан Қазақстан ұлттық құрамасының бас бапкері Станислав Черчесовтің қазақ тіліне құрмет көрсетпеуіне қатысты видеоға байланысты Қазақстан футбол федерациясы жағдайды түсіндірі өту қажет деп санайды. Жазбада видеоның үзіндісі көрсетілген. Негізі бұл сұрақты Францияның ПСЖ клубының формасын киіп жүрген қазақстандық журналист Бегасыл Сейітқанов баспасөз мәслихатында қойғаннан кейін бас бапкер әзілдеп жауап қайтарған болатын. Станислав Черчесов қазақ тілі мен еліміздің мәдениетіне үлкен құрметпен қарайды, сонымен қатар қазақ тілін белсенді түрде оқып жатқанын мәлімдейміз», — деп түсініктеме берді Футбол федерациясының баспасөз қызметі.

    Еске салайық, бас бапкердің басы дауға қалған бұл бірінші жағдай емес. Бірер ай бұрын Черчесов баспасөз мәслихаптында қазақ тілінде сұрақ қойған журналистке шүйліккен болатын. Желіде бұл жағдай көпшіліктің наразылығын тудырғаннан кейін бас бапкер қазақ тілін оқып жатырмын деп құтылған болатын. Спорт министрлігі еліміздегі өзге де федерацияларды мемлекеттік рәміздерге, ұлттық құндылықтарға құрметпен қарауғ шақырады. Орынсыз қалжыңға жол жоқ екенін қатаң ескертеді.