Sona.kz

Рубрика: Зерттеу

  • ШҚО-да майнерлерге арналған электр қуаты заңсыз сатылған

    ШҚО-да майнерлерге арналған электр қуаты заңсыз сатылған

    Шығыс Қазақстан облысында криптомайнерлерге заңсыз электр энергиясын сату фактісі анықталды. Қаржылық мониторинг агенттігінің (ҚМА) мәліметінше, бір топ энергиямен жабдықтаушы компания екі жыл бойы майнинг кәсіпорындарын халыққа, әлеуметтік нысандарға және стратегиялық кәсіпорындарға арналған электр қуатымен қамтамасыз етіп келген. Sona.kz Tengrinews.kz дерегіне сілтеме жасап хабарлайды

    Заңсыз тұтынылған энергия көлемі 50 мегаватт-сағаттан асқан. Бұл — халқы 50–70 мың адам болатын қаланың тұтынуымен тең. Залал көлемі 9 миллиард теңгеден жоғары.

    Қазақстан заңнамасына сәйкес, майнерлерге электр энергиясын тек бірыңғай мемлекеттік сатып алушы арқылы және 1 мегаватт-сағаттан аспайтын көлемде жеткізуге рұқсат етіледі.

    Тергеу мәліметінше, заңсыз табысқа ұйымдастырушы Астанадан екі пәтер мен төрт автокөлік сатып алған. Сот санкциясымен бұл мүлікке тәркілеу мақсатында тыйым салынды.

  • AZAL ұшағының апатына қатысты тергеу жыл соңына дейін аяқталады – Бозымбаев

    AZAL ұшағының апатына қатысты тергеу жыл соңына дейін аяқталады – Бозымбаев

    Ақтау маңындағы AZAL әуе кемесінің апатына қатысты тергеу биылғы жылдың соңына дейін аяқталуы мүмкін. Бұл туралы ҚР Премьер-министрінің орынбасары Қанат Бозымбаев мәлімдеді. Sona.kz NUR.KZ дерегіне сүйеніп хабарлайды.

    Оның айтуынша, ұшақ Қазақстан аумағында емес, бірақ еліміздің әуе кеңістігіне қонған сәтте зақымданған.

    «Көлік министрлігі халықаралық сарапшылармен бірлесіп белсенді жұмыс жүргізіп жатыр. Бірқатар жабдық шетелде сараптамада, жақында қайтарылады. Қазір талдау кезеңі аяқталып, қорытынды есеп дайындалып жатыр», – деді Бозумбаев.

    Сонымен қатар, ұшақтың фюзеляжынан табылған зақымға байланысты жарылыс-техникалық сараптама жүргізілуде. «Мұндай оқ-дәрілер өзге елдердің арсеналында болуы мүмкін, сол бойынша сұрау жіберілді», – деді ол.

    Тергеу барысында комиссия Баку, Грозный, Ростов қалаларына барды, Бразилия, Ресей және Әзербайжан мамандарымен онлайн кездесу өтті. АҚШ-тың Аризона штатына да жабдық жіберілген.

    Барлық техникалық сараптамалар аяқталғаннан кейін, қорытынды құжатқа қол қойылады.

  • Алматыда сапасыз ойыншықтар тәркіленді: «улы болуы мүмкін»

    Алматыда сапасыз ойыншықтар тәркіленді: «улы болуы мүмкін»

    Sona.kz NUR.KZ-ке сілтеме жасап хабарлайды, Алматы қаласындағы сауда орындарынан 2 миллион теңгеден астам сомаға жалған ойыншықтар тәркіленді. Барлығы — 1000-нан астам өнім.

    Рейдтер белгілі бір брендтің шағымынан кейін басталды. Тексеріс кезінде қаланың бірнеше базары мен қоймаларынан танымал конструкторларға ұқсатып жасалған контрафакт өнімдер анықталды.

    Полицияның мәліметінше, тәркіленген ойыншықтардың сапасы төмен, өндіруші туралы ақпарат пен таңбалау болмаған. Көпшілігі балалардың денсаулығына қауіпті — уландыруы немесе жарақат келтіруі мүмкін.

    Материалдар сотқа жолданды. Алматы қалалық полиция департаментінің өкілі Еркебұлан Қойшыбаев балаларға арналған тауарларға қатысты бақылау күшейтілетінін айтты.

  • Берденов ісі: «Мен тек қорқытқым келді» – айыпталушы Жиембайдың мәлімдемесі

    Берденов ісі: «Мен тек қорқытқым келді» – айыпталушы Жиембайдың мәлімдемесі

    Sona.kz Kazinform-ға сілтеме жасап хабарлайды, Шымкент әкімінің орынбасарына жасалған қастандық ісінде айыпталушы Ернар Жиембай оқиғаны қорқыту мақсатында жасағанын айтты.

    Ол сол кезде күйзеліске түсіп, депрессияда болғанын жеткізді. Сондай-ақ Берденов тарапынан бірнеше рет балағат естіп, жұмыстан өз еркімен кетуге мәжбүр болғанын айтты. Әйтпесе, үстінен іс қозғайтынын ескерткен.

    Прокурордың «неге полицияға жүгінбедіңіз?» деген сұрағына нақты жауап бере алмады. Айтуынша, төрт рет оқ атқан, бірақ тура емес.

     

  • Жиембай: Берденов мені Сыздықбековке жала жап деп талап етті

    Жиембай: Берденов мені Сыздықбековке жала жап деп талап етті

    Шымкентте қала әкімінің орынбасары Руслан Берденовке қастандық жасау ісі бойынша басты сот талқылауы жалғасуда. Айыпталушы Ернар Жиембай сотта шулы мәлімдеме жасады. Sona.kz KazTAG-ке сілтеме жасап хабарлайды.

    Оның айтуынша, Руслан Берденов өзіне кешірім беру үшін Жиембайдан қала әкімі Ғабит Сыздықбековті қастандықты ұйымдастырушы деп көрсетуін талап еткен.

    — Берденов: “Егер Сыздықбеков мені тапсырыс берді десең, сені кешіремін”, — деді,- деп мәлімдеді Жиембай сот отырысында.

    Айта кетейік, Руслан Берденовке қастандық 21 сәуір күні кешке жасалған. Ол оқ жарақатын алып, ауруханаға жеткізілген. Тергеу мәліметінше, оқ атуға Шымкент әкімдігіне қарасты ТОО қызметкері күдікті ретінде танылған. Бұл іске қатысты қылмыстық іс қозғалып, күдікті қамауға алынды.

    Бұған дейін күдіктінің қастандыққа баруына себеп ретінде жеке негіздегі шиеленіс қарастырылған. Алайда, қалалық ішкі саясат және жастар істері басқармасының басшысы Айгерім Жұмақұлова бұл нұсқаны жоққа шығарды.

    Іс бойынша сот процесі жалғасуда. Берденовтің өзі сотқа қатысып жатқан жоқ — оның мүддесін өкіл Жеңіс Тыныбек қорғауда.

  • Алматылық ер адам “чеддер” ірімшігі үшін 16 жылға сотталды

    Алматылық ер адам “чеддер” ірімшігі үшін 16 жылға сотталды

    Алматы тұрғыны Таиландтан келген “чеддер” ірімшігінің ішіне жасырылған есірткі үшін 16 жылға сотталды.

    Бұл туралы Sona.kz Orda.kz-ке сілтеме жасап хабарлайды.

    Сот материалдарына сәйкес, ер адам Таиландтан халықаралық сәлемдеме алған. Ірімшік түрінде келген жүктің ішінен есірткі және психотроптық заттар табылған. Тергеу барысында ол бұл заттарды өзі пайдаланбақ емес, үшінші тұлғаларға бермек болғаны анықталған.

    «Құқық қорғау және кеден органдары бұл заңсыз әрекетті тарату сатысына жетпей-ақ тоқтатты. Мемлекеттік айыптаушы ауыр жаза тағайындауды сұрап, сот бұл талаппен келісті», — деді Бас көлік прокуратурасында.

    Сот оны аса ірі көлемдегі есірткі заттарын контрабандалық жолмен алып өтіп, таратпақ болды деп танып, орташа қауіпсіздік мекемесінде өтеуге тиіс 16 жылға бас бостандығынан айырды. Үкім заңды күшіне енген жоқ.

  • Мотоцикл жүргізушісіне шабуыл жасаған ер адам 11 жылға сотталды

    Мотоцикл жүргізушісіне шабуыл жасаған ер адам 11 жылға сотталды

    Жамбыл облысында жанармай бекетінде мотоцикл жүргізушісіне пышақпен шабуыл жасаған ер адамға үкім шықты. Ол 11 жыл 3 айға бас бостандығынан айырылды, деп хабарлайды Sona.kz Tengrinews.kz-ке сілтеме жасап.

    Оқиға сәуір айында болған. Видеода ер адамның жәбірленушінің артынынан келіп, арқасы мен кеудесіне бірнеше рет пышақ сұғып, оқиға орнынан қашып кеткені көрінеді. Шабуыл жеке жанжал салдарынан болғаны болжанады.

    Сотта айыпталушы Ә. бұзақылық ниетпен әрекет етіп, кісі өлтіруге оқталғаны анықталды. Куәгерлердің көмегімен қайғылы жағдайдың алдын алған.

    Жәбірленуші 11 миллион теңгеден астам өтемақы талап етті. Ал айыпталушы кінәсін мойындамағанымен, өкінетінін айтты.

  • Астанадан Щучинскке бағыт алған тасжолда 95 көлік соқтығысқан: кінәлілер әлі анықталған жоқ

    Астанадан Щучинскке бағыт алған тасжолда 95 көлік соқтығысқан: кінәлілер әлі анықталған жоқ

    3 қаңтарда Астана – Щучинск тасжолында болған жаппай жол апатына қатысты тергеу жұмыстары әлі аяқталған жоқ. Бұл туралы «ҚазАвтоЖол» ұлттық компаниясының басқарма төрағасы Дархан Иманашев мәлімдеді, деп хабарлайды Sona.kz Tengrinews.kz-ке сілтеме жасап.

    Оның айтуынша, оқиға бойынша қылмыстық іс қозғалып, қазіргі уақытта сот процесі жүріп жатыр.

    «Тергеу жалғасып жатыр, әзірге кінәлілер анықталған жоқ. Кейбір жүргізушілердің жылдамдықты асырғаны камераға түскен. Бірақ жол қызметтері мен полиция тарапынан барлық қажетті шаралар қабылданған», – деді Иманашев.

    Сондай-ақ ол Алматы – Қонаев тасжолындағы 17 көлік соқтығысқан жол апатына да пікір білдірді. Ол жерде тұман болған, жылдамдықты шектеу енгізілген.

    «Ол жерде де жүргізушілер жылдамдықты асырған. Қазір сот процесі жүріп жатыр. Компанияға әзірге ешқандай талап-арыз түскен жоқ», – деді ол.

    Айта кетейік, 3 қаңтарда Ақмола облысында 95 көлік соқтығысып, 20 адам зардап шекті. Олардың сегізі – бала.

  • Бишімбаевтің бауыры Бақытжан Байжанов амнистияға ілікті

    Бишімбаевтің бауыры Бақытжан Байжанов амнистияға ілікті

    Бақытжан Байжанов — бұрынғы министр Қуандық Бишімбаевтің бауыры — амнистия бойынша жаза мерзімін қысқартты. Бұл туралы Sona.kz хабарлайды Kazinform-ға сілтеме жасап.

    Степногорск соты Байжановтың Конституцияның 30 жылдығына байланысты жазаны қысқарту туралы өтінішін қанағаттандырды. Түрме өкілі оның тәртібі жақсы екенін, бірнеше рет ынталандырылғанын атап өтті. Сот шешіміне осы факторлар әсер етті.

    Нәтижесінде жаза мерзімі 8 ай 8 күнге қысқарды. Енді Байжановтың өтеуге тиіс уақыты — 1 жыл 4 ай 17 күн.

    Ол түрмеде осыған дейін екі жылға жуық уақыт отырған. Сот шешімі заңды күшіне енді.

  • Алматыда мектеп оқушыларына сатылған вейптер тәркіленді – 1 млрд теңгенің “тыйым салынған тауары”

    Алматыда мектеп оқушыларына сатылған вейптер тәркіленді – 1 млрд теңгенің “тыйым салынған тауары”

    Алматыда АФМ қызметкерлері вейп пен оған арналған сұйықтықтарды заңсыз сатқан топтың әрекетін әшкереледі. Олар тауарды Telegram арқылы таратып, курьер арқылы жеткізген, деп хабарлайды Sona.kz NUR.KZ-ке сілтеме жасап.

    Тінту барысында 150 мыңнан астам вейп тәркіленді. Мамандардың есептеуінше, олардың сатылымынан түсуі мүмкін табыс 1 млрд теңгеден асуы ықтимал.

    Ең сорақысы – тауардың көп бөлігі мектеп оқушыларына сатылған.

    “Көлеңкелі бизнестің ұйымдастырушылары саналы түрде электронды сигареттерді жасөспірімдерге жеткізіп, олардың денсаулығына қауіп төндірді”, – делінген АФМ хабарламасында.

    ҚР Қылмыстық-процестік кодексінің 201-бабына сәйкес, тергеуге қатысты басқа мәліметтер жария етілмейді.